قصه الشايب والبنت

قصه الشايب والبنت

قصه الشاايب والبنت المزيونه

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت ملكعه

وصاحبة مقالب

قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب ؟؟

رد السلام والله بخير الله يعافيك...

وفجأه عطته ظهرها ومشت ولا استئذان ولا شي !!!!

ولع الشايب من حركتها

قال فيها كم بيت يستعطفها فيها ويقول انها ذكرته الماضي

و اذا ما عطيتيني وجه لحقت باخوي حمود اللي في قبره

ويذكر التاريخ واليوم اللي قابلها فيه

يقول الشايب :




يا بنت خوذي خاطري وارحمينيلا تجرحين العود بعيونك السـود
غضي نظرك وغطي الوجنتينـيلعل يومٍ جدد الجرح مـا يعـود
يوم انتهى مع مرمسات السنينـيجتني صواديفه على غير مقصود
باول شهر عشره نهار الثنينـيحمدان مروا به على جنازة حمود



البنت كانت تقصد من استفزازه انها تجاريه في الشعر وترد عليه !!

والمسكين ما كان يدري انها شاعره وعلى باله ما خذ راحته في التغزل ...

ردت عليه وهزأته تقول ::




يا شايب الرحمن وينك وويني
عزي لحالك قدمك الباب مسدود
قلبك عطوف وجاه قلبٍ متيني
والبنت ما تشفق على مغازل العود
حبل الرجا مقطوع بينك وبيني
مثل الغليث اللي رعا قلبه الدود
اقفى شبابك والعرب مقبليني
يا عود ما يرجع من العمر مفقود



حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت

يقول لها صدي عني انه ما يبي الغزل بعد ما وصل عمره ثمانين سنه

يقول حمدان :




يا بنت صدي بالعيـون الظليلـهلا صد عنـك الله نهـار القيامـه
مالي ومالك يالفـروع الطويلـهلو فيك من رسم البـداوه علامـه
يابنت ما لـي بالثمانيـن حيلـهاهدف كما تهدف على البير قامه
اقفى شبابي والدهر شفـت ميلـهيالله حسـن الخاتمـه والسلامـه
اعطيك موجز والبضاعـه قليلـهواخذت لك من صافي الماء سنامه



راحت الايام والشايب مسكين سنه خذله معها شايب وهي بنت وتقول له كيف اعطي شايب وجه ؟؟؟

بعد فتره مرته مره ثانيه

وردت عليه السلام واستفزته وراحت وخلته

ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف

بالكرم واني ما ابي منها غير التحيه والترحيب

يقول حمدان



يا بنت ما جاك الكبـر والخشونـهوعادت شباب اليوم يجفل من الشيب
ياسرع ما وبلـك تمـزع مزونـهيالفاتنه يـا ام الثمـان الرعابيـب
يا بنت مـا بينـي وبينـك مهونـهكلمة شرف نبي تحيـه وترحيـب
الله مـن عـودٍ ثقيـلـه طنـونـهينصاه راع المشكلـه والمواجيـب
على الكرم والديـن نفسـه حنونـهتلقاه بالاجـواد شـرق وتغاريـب



جهز الأبيات وأرسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات

شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت ::




العود عود وطايحاتٍ سنونه
من كثر ما يرقد على جرة الذيب
عودٍ مهرقل والعرب ما يبونه
ياعود ما لك في طويل المراقيب
اقفى شباب العود راحت حتونه
مثل اليتيم اللي بكا ما له مجيب
جداه ينثر دمعة ٍ من عيونه
غريق موجٍ ما لقا له مقاضيب



هذي قصة الشايب والبنت وسلامتكم

الموضوع الأصلي: قصه الشايب والبنت || الكاتب: أحزان || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

هههههههههههههههههه

هذا والله الشايب الأقشر يدور المغازل وعمره ثمانين

وهي ماقصرت فيه كسرت مجاديفه

شكلها عوفته المغازل


أحزان يعطيك العافية على القصة الظريفة

تقبل تقديري وودي ..

ههههههههههه

لا هنت على الموضوع ..


تقبل مروريـ ..

الله يعافيك أخوي عود الليل ومشكور على مرورك

ولا أنت أخوي الغفيلي ومشكور على مرورك أختك أحزان الضيغميه

ماهو بسيط العود هذا


مشكوره أختي أحزان


تحيتي لك

هلا ومسهلا أخوي هشام
أسعدني مرورك

يعطيك العافية والموضوع مكرر ومن ضمن المواضيع المثبته بالشعر العام على مااظن
واظن ان ناقلها اخونا بكيفي جبلي

احزان

قصة رائعة

والاروع ابياتها

يعطيك العافية

وتقبلي مروري