|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
| الشعر العام خاص بالقصائد المنقوله سوى كانت من الشعر العربي الفصيح او الشعبي النبطي |
 |
|
|
أدوات الموضوع | انواع عرض الموضوع |
|
|
|
#1
20-07-2009, 12:33 PM
|
|||||||||
|
|||||||||
رواائع الشاعر ضيدان بن قضعان.....
السلام عليكم ورحمة الله وبركاته اقدم لكم هذه الروائع من روائع الشاعر : القدير والمعروف ضيدان بن قضعان العجمي فهو معروف احد عمالقة الشعر ولن اعرف به فهو غني عن التعريف فهوشاعر لايشق له غبار وشاعر فحل وله نكهة تميزه عن جميع الشعراء وهذه بعض قصائده وحبيت ان اقدمها لكم عسا ان تنال اعجابكم 1- يلي على وجهي قريتـي كـل صفحـات الشـــــــقـى 0000000000اقري وأنا بكتب قصيدةواشـعل الساحـة حــريـق باقي كثر ما راح واللي راح نصـف اللـيبــقــــى 000000000وان ما وصلت لغايتي با موت في نصف الـطـريق يابنت يومامطر غـــلاك بقلـب ضيـدان وســــقــى 00000000تدرين وش سبة شقاه وسبةالـــجـــرح الـعـميــق ؟ شقاه من يمناه واسم الشيخ والنـفـــسامــحــقـى 00000000والجرح منك ياأعذب العذبات يالـــمـوت الرقــيــق يا بنتما دام البدو تخلـــف هقــــاوي مـن هـــقـى 00000000وانابدوي متني يشيل منالزمـــن مـــا لا يــطــيـق ابفتخر حنا بــــدو نعـــشـــق علـى وضـــحالنــقـــا 00000000حنــــا بـــــدو فينـا الـــولـد للقمـــة العليـــا عشيــق حنـــا بــــدو فينا الـــولــد لو شـاف موتـه مـا أتقـى 00000000حنا بدوفينا الولـد يرقـا ولــــــو مــالــــه رفـــيــــق حنا بـدو فينـا الولــــدلا مــن رقـا رقـا رقـا رقا رقا 0000000لين يوصـــل غـــايته لـــــو كــــانفـي قمـة طويـق يابنت جــيــتــك والثــمـن عــمـري ابـي ليلــةٍلقــــا 0000000إما كــــذا والا بـلاش مـــن الصـــداقـة والصـــديـق وساعةتبسمتي وشفت الجمر والثلـج اصـــــدقــــا 0000000قلت أشهدأن الموت حق وصحت لكصيحة غـريق واعتقت دمعي والزعــــل والـحـزن لرضـاك أعتقــا 0000000وأغفتعيوني في عيــــونك يا عســاها مــــا تفيـق واَمنت باللـــي سخـــــركتقـــريـن صفحـات الشقــا 000000واشعلــــت بـــردي في دفاك وشبت الســاحةحريـق 2- ياوجودي كل ماهب نسنـاس الشمـال وجد من حدّه زمانه على اللي مـا يبيـه وياوجودي كل مااغفيت ثم مال الظلال لاغفت عينـي ولاذقـت شـيٍ مشتهيـه وجد من قفّى وهو في رجا كلمة تعـال والتفت من عقب مااقفى ولحدن لـدّ فيـه وياعذابي لادنا الليل من روس الجبـال وانتهى يومٍ من العمـر ماعـاد ارتجيـه وانتي ابعد من سما الحلم ووصالك محال يابعد من هلّ دمعي ضحى الفرقـا عليـه ياغناتي لاتحسبين دمعـي يـوم سـال ضعف والاّ خوف والاّ كـذا والاّ كذيـه والله اني من رجالٍ يضـدون الرجـال لكن الحظ الـردي سـاق دمعـي كلبيـه ووالله اني كل مـادار حوليـك الجـدال قمت كن الموت يشر على قبـري يإيديـه ووالله ان قد لي وانا اصد لاجالك مجال صدّت اللي لاتضايق تذّكـر قبـر اخيـه ومن سألني قلت مدري واذا عاد السؤال قلتله تكفى سؤالك تـرى ماهـو وجيـه وش تبيني اقول عماََ ترى ذبحي حـلال والخطا منها علي صرت احبـه واهويـه عذرها لو ماتعذر مثل واضرب مثـال واحدن مايعرف الحر الأشقـر يشتويـه وان رجعنـا للتواصيـف لله الكـمـال لا انتهى ليـل المزاييـن جاتـك تبتديـه كنها غفلٍ مع البـدو طاويهـا الحيـال ما يميز وصفهـا الاّ نبيـهٍ مـن نبيـه واهني اللي وصلها وذاق امـن الـزلال رشفةٍ مع غفلة النـاس مـن فيهـا لفيـه واعزتي للي سواتي عشق ما لا يطـال ويوم طاله ضيع الحلم بين أمـه و ابيـه يااول احلام الطفوله على حـد الخيـال الرجا بللي حمى البيت من حملـة بريـه حال دونك سيف عنتر وتاسع حول حال باثر حولٍ حال دونك وانا ادعي هيه هيه هيه يللي غرك الحسن واطغاك الجمـال والله ان اموت ماشفت لاوصافـك شبيـه لو يسام الحسن والتيـه بجنيـه وريـال مابقى في سوق غيرك لا ريال ولاجنيـه كيف اهدك للمقابيل وانتـي راس مـال راس مال ومال والماال مايعطى السفيـه حافظك حفظي لعيني ورمشي لك جلال وانتي تشحّين بالمـا وانـا شفّـي مويـه شايفن ظلمك وساكت وطال الليل طـال لاتركتي طعن قلبي وانـا ماقلـت ليـه ؟ لو بقا للهيل صبرن على فـوح الـدلال مابقى للقلب صبرن علـى شـيٍ يجيـه كنت احسب ان الغلا زال واثره لايزال في الحشا ماكنه الا دخيـلٍ فـي وجيـه ساقني حبك على الموت وسنيني هـزال والظروف اقسى من الظلم للعرض النزيه وانتي تسوقين عقلي على حـد الهبـال تحسبين ان من بغى شي يقـدر يشتريـه والاّ انا ياوجد حالي وجـودن مايقـال وجد من ضحى بغاليـه لرضـا والديـه وياوجودي يااول العمر قبل ألبس عقال وجد من باع آآخر العمر في رغبة ذويـه وياوجودي كل ماهب صوتش من شمال وجد من حدّه زمانه علـى اللـي مايبيـه 3- يا صغير لا تضيعني بنظرات البراءه وانت ما تعرف مدى تأثيرنظراتك بحالي آه يالبيه يا بشويش يا هد الإضاءه للجفول اللي من جفالهيجفلني ظلالي فز باسم الله عليك من المبرة للإساءة وارقد آمن في عيونيواسهرآمن في خيالي يا صغير والذكي مثلي ليا خانه ذكاءه ماله إلا يعشقكويصير لعيونك شمالي قم فديتك وانت حر من الف باءه لين ياءه ما عطاك الاالله اسرف واستبيح ولا تبالي سو ما يرضي غرورك وإد ما تهوى أداءه الحشالك بيت حاتم وانت غالي عند غالي قم تمخطر في الحشا وانسى الكتابةوالقراءة وحل واجب شاعر ما حلته سود الليالي وعلمه وشلون تتعدي على خطاستواءه وعلمه وشلون كيف وهل يضيعون الرجالي وكيف يجني خلف سور الجامعةذنب الكفاءة ساعة نادى ابليس وقال له مالك ومالي وأنا يشفع لك صغر سنكونظرات البراءة بري حالي كل مالديت يمي بري حالي 4- ياعظيمه كل شين له حدود وله نهاية لكن أنتي ما وقفتي عند حدك ياعظيمه استلذيتي بطعناتي وآخذتيها هواية كن مالك حربتن توجع وطعنات اليمه آه ليتك ماتماديتي بطعنات البداية لين صار لكل طعنه بالحشا معنى وقيمه الله يبيحك ولكن كيف في اغرب رواية تكتبين الحب كذبه والهوى دقه قديمه وأنتي إلى كل مالدت عيونك في المرايه ما لمحت ألا اليتيم إلى خذت قلبه يتيمه واليتيمة في اليتامى مالها حق الوصاية الوصية عودها الغض ونواياها السليمة لكن أنتي صار لك حق الوصاية والولاية واستبديتي وشدوا البدو واضحيتي مقيمة ما رحلتي لين حطمتي بما فيه الكفاية عاقل حب الجنون وصوت نارك في هشيمه استبحتي حرمه المجنون بدراك وعناية والتفتي له بعقلك وارتكزتي في صميمه امتلكتي غاية لو كان ماله فيك غاية وانتصرتي في عيونه واعترف لك بالهزيمة من كثر ما يعشقك ماقالك بالحب رأيه خايف الأيام لاتطلع عواقبها وخيمه في طريقك كل ماكنه لمس درب الهداية تاه ودروب الحياة المستقيه مستقيمة تايه بصري ومن جابه لبيت الله تايه عذر من غمض بعين وعينه الأخرى كريمة فدوتك مافات من الأيام والي عاد جايه يا بعد عمر مخا سيره معك عندي غنيمة آنتي الفارع بقد وجد واسماء وكناية من عشق مثلك يجوز من الهوى وشداد ريمه ليه لا وأنتي بحسنك في ذوات الحسن آيه لاذهب لاماس لاياقوت لاحجار كريمة شاعر له مع هل الرايات في المر قاب راءيه كل ما هبت هبوبك فلها قدر وحشيمه سامحك من ألف باب ذنب ألي مالانهايه واستباحك عن خطاه وكل طقه بتعليمه يوم قلتي اعطني حريتي أطلق يدايه ما ذخر عن وجهك آلا طعنتين في صميمه 5- فمان الله ياول من سكن بين الضلوع العوج عسى دربك سفير وعسىالله مايخلني توكل لاتوادع عسى درب الجفأ المسهوج يصادف درب فرقى عقبهامة تلمحك عيني سمحت من الهوى ومن القصيد ومن زراق الموج رميت اغلامجاديف الغرام وجيت بإيدني ابغرق في عذابك لارحلت يصبح المنتوج قصيد فيحياتي سلوتي وإن مت يرثيني وإذا هبن بنات الريح للذكرى بدون سروج ابسرجمهرةالنسيان وابرحل من عنوايني وابنسى الين اسج وابرسل الونات فوجوفوج وابنسى دمع عيني الي ينتثر وانساك من حيني صبور ايه والله اني ماثنيتالعزم قبل ادوج برضاني الجفا ورمال وصلك لين تسقيني شجاع ايه والله انيماعرفت الذل قبل اسوج قدم رجلي على درب لبيت اهلك يدوديني كريم ايهوالله اني ماعرفت الشح قبل تروج دموعي في عيوني ثم اشح بحسرتي فيني احبك حسبي الله ليت مالك في سمائي بروج ولالك في البسيطه كود شئ بينكوبيني دخيلك لاتفلت رح بفالك واترك المرجوج ترى انا مابقى لك الا اناماعاد يمديني فمان الله سق ركبك على درب السنين العوج لكن طالبك لقفيت عني لاتخليني 6- حزين والله اني حزين وخاطري مكسور لو اضحك واتظاهر بالسعاده يابحر جده وانا يا بحر يوم اصد واخفى دمعتي معذور لك الله يابحر صدت والصده هي الصده اخاف تقول عني يابحر ضيدان بن منصور في يوم من الايام ودموعه على خده وانا مابن حي الله بشر يكشف لك المستور انا رجل يموت ولادرت الامواج عن سده و لاقاف ماقف ماهوب قدي لاطغى المغرور انا قد الكلام وماقفي قدي وانا قده و اباقف وابتسم لواني حزين وخاطري مكسور الين الله يفرجها علينا يابحر جده 7- لبا عيونك ولبا خدك وخاله ولبا المحيا ولبا الليل والشفه فديت عمرك بتجريحه وغرباله لو تشربه الارض غيره والبحر جفه هلي كما البدر غيضي كل حفاله وسجي عن الليل لا يلهيك في صفه وهزي على صوت رجف القلب وهباله الطار قلبي وكف توجعه شفه يا شفة العين قبل تجين جماله وجيتي ولا شفت غيرك لو رفع كفه كنك لحالك حضرتي الحفل فالصاله ولا شفت غيرك بشر يا قمة العفه أنتي زعيمٍ رفع للقوم فنجاله وكلٍ تعذر شروبه ليلة الزفه وانتي بيمنى الحلا والناس بشماله ثقيلة العقل فيك الدم يا خفه احيي قصيد بغيت ابكي على اطلاله في غيرك يموت لو أحييه وازفه وان عودت للغلا غلاك بلحاله أنتي بكفه وباقي الناس في كفه 8- يامرحبا ترحيبتن كلها لش تكسيش من راسش لي حد ماطاش من قلب مهيوم بحبه صفالش يلعب به الغربي لا سمع طرياش يفرح لامنه قالش كيف حالش ولولا غلاش وحشمتش كان ماجاش وان قلتي انه غايتش شف بالش كنه ملك ياعرب من الطاش للطاش الا يابري حالي وين مالي ومالش لا والله الا لي ولش نعنبا اللاش من هامتي لمحزمي لش حلالش بيتش فديتش واسكني بأوسط الجاش واما بلشتي بي وانا فيش بالش غديت مثل اللي شرى علته كاش انا في وجه امش وابيش وخوالش ماجيت لي حاجه واعود علىماش 9- هيه يالي اغراك الليل واغراك النديم هيه يالي هزك الشوق والمسرى ضياع وقفي بين الخطأ والصراط المستقيم وقفي بين التراحيب وكفوف الوداع سولفي مثل المشاريه في صوت الحشيم واسكتي مثل الشفايف لاطاح القناع واضحكي مثل النواويير في روضة خريم واغربي مثل المزاجات في غرب الرفاع وابعدي مثل المتاهات في حلم اليتيم واقربي بين السوالف وكتفي والذراع وانظري لي نظرة الشوق للشي القديم واغرقي بالدمع الازرق مضاليل وساع واصبري مثل المسافات في صبر الحليم واسمعي صوت الهوى يوم فليت الشراع يوم صرتي عود ريحان ورضاي النسيم واصبري يانجمة الصبح مال الصبح داع قد طلبت الله وانا بين زمزم والحطيم شوفتك ياغلا سميه لاصرتي رباع العيون تجوع تجوع والله العظيم والعشى في عيونك السود وعيوني جياع ان عطيتي مايرد الكريم الا الئيم وان بخلتي قلت تكفيني والدنيا متاع اقبلي يامثل التباشير في وجه الكريم وارحلي مثل التعازي على موت الشجاع 10- ذعذعي ياهبايب نجد لاطاب نوم السالي وانعشيني بريح من ربى نجد للشرقيه رحمة الله نسناسك على غترتي وعقالي كأنه الوصل والبيد شهباء والدير محميه مرحبا ياهبايب ياهلا وانخطر في بالي صاحب ٍ مانساني مرحبا بابه على طاريه يحسبني نسيته وانجلى همي وغربالي واثرني مانسيت الي سبأ بالهوى عانيه وكل ماهب نسناس الغلا من ديار الغالي هب في القلب من ريح الصبا عبرة نجديه وانجحدت الدموع من الملأ آه وعزالي وان غشتني دموعي نعنب الحب والحنيه والله اني صبور والبلاء ياصرايم حالي لاتذكرت دمع ماغبا لو جحدت راعيه واحدماجحد حبه ولا شمت العذالي جاهر بالغلا حلوالنبأ من صفاة النيه كان ماله سوى تاج الحلا واسم جد وخالي وصار بلقيس وفي وادي سبأ والحشى واديه وله جموع تنادي بالولاء من تخدته والي وله خفوق حماه من الظماء واحرمه وسميه ولي عيون تحدى وتخلى من كراه حالي كأنه تقول للنوم تهبا منت كفؤ ليه غلق الصبر والصدر امتلاء بالغلا وامالي شتتها رياح الاقرباء والسنين معيه علتي علتي والمبتلاء لاجفاه البالي ماله الا حصانه لو كباه في نهار الحيّه سامح الله خبلي لو سلا عن ربيع وصالي وسامح الله قلبي يوم اباء يندفن في حيه ووسامح الله هبوب بالغلا من ديار الغالي ذعذعت لين ذعذعت الصبا عبرة نجديه 11- البارحه راسي تصافق طواريه والنوم ماله يمة العين حروه يلعب راسي صوت صلف المشاريه ذيب عوى يبغى عشى امه الجروه وانا على الدنيا من الهاه للهيه ماهمني شهرة ولا جمع ثروه همي وغمي واحد يوم القيه كني عليل وشوفته محو قروه تل قلبي في الهوى من عروايه رشاد الون ثلاثين عروه يتله الي حامي القيض حاديه يسقيه هبل مارعاه كروه عشر شريده كثرها من غواليه اقفن كما يقفى مع الجمع مروه والي يبقى عشر وصاته من ابيه من دونه لو يصيح الصدر ثروه قلته وكلي ماء ينضح بما فيه وفي العمر يوم لو يبلغ العز ذروه واليوم هذا يا اوله وين تاليه والنوم ماله يمة العين حروه 12- يلي على وجهي قريتي كل صفحات الشقى اقري وأنا باكتب قصيدة واشعل الساحة حريق باقي كثر ما راح واللي راح نصف اللي بقى وان ماوصلت لغايتي باموت في نصف الطريق يابنت يوم امطر غلاك بقلب ضيدان وسقى تدرين وش سبة شقاه وسبة الجرح العميق ؟ شقاه من يمناه واسم الشيخ والنفس امحقى والجرح منك ياأعذب العذبات يالموت الرقيق يا بنت ما دام البدو تخلف هقاوي من هقى وانا بدوي مني يشيل من الزمن ما لا يطيق ابفتخر حنا بدو نعشق على وضح النقا حنا بدو فينا الولد للقمة العليا عشيق حنا بدو فينا الولد لو شاف موته ماأتقى حنا بدو فينا الولد يرقا ولو ماله رفيق حنا بدو فينا الولد لا من رقا رقا رقا الين يوصل غايته لو كان في قمة طويق يابنت جيتك والثمن عمري ابي ليلةٍ لقا يما كذا والا بلاش من الصداقة والصديق وساعة تبسمتي وشفت الجمر والثلج اصدقا قلت أشهد أن الموت حق وصحت لك صيحة غريق واعتقت دمعي والزعل والحزن لرضاك أعتقا وأغفت عيوني في عيونك ياعساها ما تفيق وامنت باللي سخرك تقرين صفحات الشقا واشعلت بردي في دفاك وشبت الساحة حريق 12- الدلو والميـزان والقـوس والحـوت ماغير برج العـاج تغـري وصوفـه وبرج بقلبـي بـرج لولـو وياقـوت لا يـا بعـد بـرج الحمـام ورفوفـه ما يسكنه غيرك من السيـف للكـوت لو ينتحي راس الولـد عـن كتوفـه علـم وكيـد بالمواثـيـق مثـبـوت ما هـو عـذر اللـي يفـرك كفوفـه والله لا سافر لك لـو ارجـع بتابـوت وانا من اللي ما ربـوا فـي مروفـه على الشقا لاع الهـوى كـل شفلـوت وانتـي تلوعيـن الحشـا بالطروفـه والوقـت للجاحـظ والايـام هـاروت والقلب حاتم وانتـي اغلـى ضيوفـه يا مرحبا ترحيبـة عقـاب يـا نـوت والحـي يلحـق لـو تحـده ظروفـه صوتك يكفيني عن الشـرب والقـوت وشوفـك غناتـي والحيـاه مخلوفـه يااقوى من اللوعات واسخف من التوت وابلغ مـن البيـت الاخيـر وحروفـه رجـل تنادينـه ولا يسمـع الصـوت خسـارة سمعـه وصوتـه وشـوفـه ورجل يضمك بيـن اياديـه ويمـوت والله مـا يلحـق حياتـه حسـوفـه 13- ياتاج كسرى وانت ياعرش بلقيـس=كرامتـي ماساومتـهـا جيـوبـي يانـود هبـي بالهبايـب نسانيـس= ويانحلة الاشعـار بالشهـد ذوبـي يوم القصايـد نابيـات ومراميـس= قصيدنا عنـد الاصيـل محسوبـي بيض الحبـارى مايفـرخ قرانيـس =اسمع كلامي وارفع العين صوبـي والنـور ياشحـه بليـل الحناديـس=الله ولا وبـاب ٍ يــزود ذنـوبـي مره يجي في ثوب وحش البحر نيس =ومره يجي مثل الهـوى والهبوبـي وضاع النقاء بين اختلاف المقاييـس =وساق القدر الايـام تقفـل دروبـي ياتاج كسرى وانت ياعرش بلقيـس =كرامتـي ماساومتـهـا جيـوبـي اعف نفسي واسبر الدرب واقيـس =واحاول اصحح خطـاي وعيوبـي ايوالله اني من بدو (..درّهم..) عيس =داري جنوب النجـم وانـا جنوبـي من لابةٍ تظهـر نهـار المقابيـس =الجد يامـي درع يضفـي جنوبـي لامن ضرب قرن الشياطين ببليـس =مثل الرعد فزعاتهم فـي القلوبـي كسابـة العليـا كبـار النواميـس =لطامـة العايـل دهـاة الحروبـي وانا احمد الله ماخذتني الهواجيـس =واثق ولاهميـت مـن عذربوبـي واللي على درب المراجل مفاليـس =من بعد هذي قلـت يانفـس توبـي صفوا الصفوف ومقدم المرجفة هيس =وانا لحالي واركـز احيـان ثوبـي وان زاد جمع الدنفسـة بالدنافيـس =يبطـون والله بالغـدر ماغـدوبـي ماعيش عيشة ليل خلف الكواليـس =يدرون بـي ولا عسـى مادروبـي 14- راكب اللي ما تجيبه وكالة بالبيد ولا يجيبه بهبهاني ولا وضيحي قطر ادهمٍ وسم الجميح على جنبه جديد مهبل اللي يوم عرض يحسبنه شفر جمس شكمانين ملقبينه بالوليد من سرابه ما يغبط القصيبي والجبر كاتبينٍ في ضمانه حديده ما يبيد تمرةٍ قاري عليها حفيد ابو بكر كن وجهه لا نطحته تشعشع صبح عيد وان قفيته كنه السيل لا سال وحدر وان عرضلك في مزاياه من عنق الفريد وان ركبته تحسبنك على سطح القمر دقته نغمة عبادي على سلم فريد لا عزف الاول وجاوب على عاشر وتر لا شتغل قالت شكامينه اركد ياحديد والقزوز تقول للقاع روح يا فقر كن في الشكمان الايمن صدى عبد المجيد وكن في الشكمان الايسر صدى نايف صقر والبلوف تقول للكهربه هل من مزيد والسيور تقول للمروحه اين المفر تحت كبوته من الفن طيران وعبيد ما يغنون المسافه ولا طال السفر كل اغانيهم على الدرب واصل ياعنيد لين تلفي قصر شيخ على العليا شهر سايقه من صلب ربعي وله باس شديد ما يخاف البعد والليل والموت الحمر من صناديد ال عرجاء هل العلم الوكيد لابةٍ من جن تمشي على هيئة بشر 15- هيه ياللي غرّك الليل واغراك النديم .. هيه يالي هزّك الشوق والمسرى ضياع ..! وقــّفي بين الخطا والصراط المستقيم .. والعبي بين التراحيب وكفوف الوداع ..! وسولفي مثل المشاريه في صوت الحشيم ..! واسكتي مثل الشفايف لياطاح القناع .. واضحكي مثل النواوير في روضة خريم .. واغرقي مثل المزاجات في غرب الرفاع ..! وابعدي مثل المتاهات في حلم اليتيم ..! واقربي بين السوالف وكتفي والذراع ..!! وانظري لي نظرة الشوق للشي القديم .. واغرقي بالدمع الازرق مظاليل وساع ..! واصبري مثل المسافات في( صبر الحليم) ..! واسمعي صوت الهوى يوم فليت الشراع ..؟ يوم صرتي عود ريحان وارضاي النسيم ..؟ اصبري يانجمة الصبح ما للصبح داع ..! قد طلبت الله وانا بين زمزم والحطيم ..؟ شوفتك يا أغلى ثنيـّـه ليا صرتي رباع ..! العيون تجوع لك جوع والله العظيم ..؟ والعشا فعيونك السود وعيوني جياع .. إن عطيتي ..؟ مايرد الكريم إلا اللئيم ..! وان بخلتي قلت تكفين والدنيا متاع ...؟ اقربي مثل التباشير في وجه الكريم ..! وابعدي مثل التعازي على موت الشجاع ..!! اتمنى ان تنال اعجابكم وسامحونى على القصور اخوكم :فهداللويمي
الموضوع الأصلي: رواائع الشاعر ضيدان بن قضعان..... || الكاتب: فهداللويمي || المصدر: منتدى الجبلان الرسمي
المصدر: ::منتدى الجبلان الرسمي:: 
 
آخر تعديل فهداللويمي يوم
20-07-2009 في 12:44 PM.
|
|
20-07-2009, 01:33 PM
|
#2 | |
|
₪ :: عضو مجلس الادارة :: ₪
|
فهد اللويمي
^ ^ ^ يعطيك العافيه على الروائع للشاعر ضيدان بن قضعان ولا هي قريبه عليه الأبداع ولاهنت يا فهد |
|
|
"كلنا لله راجعون"
اللهم ارحمني يوم لا يسمع لقلبي نبض وأرزقني بمن يدعو لي بعد وفاتي
|
|
22-07-2009, 11:32 PM
|
#4 | |
|
::+عضو شرف+::
|
طـــــــــــــــاب منقولــــــــــــــــــــــكـ
اختيـــــــــــــــــــــار رائــــــــــــــــــع سلمــــــــــــــــــت يمينـــــــــــــــــــــكـ (*قمـــــــــــــــــــرهمـ*) |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض المتطور
