تراه ما ينفعك عمك ولا خوك ** لا صار ماتقضي لزومك بيمناك

تراه ما ينفعك عمك ولا خوك ** لا صار ماتقضي لزومك بيمناك

السلام عليكم ...
هذه قصيدة سليمان ابن شريم لولده ..

يامل عين في محاجيرها شوك = والقلب به من لذة النوم دكاك
لا دك في قلبي من الهم داكوك = جاوبت طلبات الحمايم على الراك
عزي لحالك يا عزيز وانا بوك = كان الزمان الي وطاني توطاك
افهم وصاتي ياعزيز وانا بوك = دامك صغير وغاية العلم يبراك
تراه ما ينفعك عمك ولا خوك = لا صار ماتقضي لزومك بيمناك
وربعك ان بان الخلل فيك عافوك = اقرب قريب أبهم من الناس يشناك
ان كثر مالك صدقوا لك وطاعوك = وان قل ما بيديك شانت حلاياك
لو تطلب الماء عندهم كان ما سقوك = ابعد مزارك عن وطنهم ومرباك
وان طاب حظك صدقوا لك وحبوك = وان بار كلن ما يبي غير فرقاك
ولا اعترض لك من صروف الملا صوك = كلن تبرا منك ماهوب وياك
هراجة المجلس إلى جيت وروك = منازل تطرب نظريك بدنياك
وليا قضوا راحم تراهم وخلوك = تفرقوا وانت أحتمل كل ما جاك
كنك سراج البيت للنور شبوك = وليا قضى اللازم حدا الربع طفاك
ولا كما ليمونة الحمض مصوك = وليا قضى منها الطعم فرغوا ذاك
واللي يجي من رفقته ريب وشكوك= احذر عنه لاياك تصدق بمسراك
وليا جفوك اهل الوطن واستخفوك =قلع غريسك منه واهدم ركاياك
تراك لو تمشي على الرجل صعلوك = احسن من الي تلتجيلة له وياطاك
عطهم وضيفهم إليا منهم جوك = واغلق ضميرك لا تعلم بقصياك
ان طبت ما حبوك وان عبت زالوك = تمضي حياتك ناقل داك برداك
وليا قضيت من الوظيفة تناسوك = خفت موازينك وكلن تهقواك
واصحا لخلان الرخا لو تغالوك =اعرف ترا اطيبهم إلى احتجت يجفاك
كنك خوي مقيط دهووك واغووك = حقك عطاك ارشاك واقفى وخلاك
احذر عن العيبة ترا الحق مدروك = مثل العمل يدرك ما منه افكاك
ان كان عدوانك على الضيق حدوك = فاخصم طلابتهم مع أجفاك وقداك
وان كان هم لمشرف الحق ماشوك =ناظر مطاليع الفرج قبل مبداك
وزرهم تراك أليا توانيت زاروك =ان ما بديت صاحب السوء يبداك
لو عزروبك من المصايب وغدوك =ما يذبحونك قبل تدني مناياك
واحلم على الجاهل ترا الحلم مبروك = وقم للضعيف اللي من الضيق ينخاك
ودأمح خطا جيران بيتك إليا أوذوك =ترا القصير وحرمة الجار بحماك
عطهم رواتب حقهم لو تناسوك = في كل ما يصلح لدينك ودنياك
وصلاة ربي عد الاوراق والشوك = او ناض براق وما هل سفاك

الموضوع الأصلي: تراه ما ينفعك عمك ولا خوك ** لا صار ماتقضي لزومك بيمناك || الكاتب: أبومحمد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

اولا مشكور على القصيده
لكن اللي انا اعرفه هذا الشاعر
بركات الشريف
ولك منى كل الاحترام...و يمكن اكون انا الغلطان

اقتباس: المشاركة الأصلية كتبت بواسطة واثق الخطـــوه     اولا مشكور على القصيده لكن اللي انا اعرفه هذا الشاعر بركات الشريف ولك منى كل الاحترام...و يمكن اكون انا الغلطان

لا أنشاللة مافية غلط ولكن القصايد تشابة وقصيدة بركات تختلف بالقافية وتتشابة بالمعني 00

بركات يقول
يامالك اسمع جابتي يوم اوصيك = واعرف ترى يابوك بآمرك وانهاك

وصية مـن والد ٍ طـامع ٍ فــــيك = تسبق على الساقه لسانه العـليـاك

تحياتي0000

مشكور على التوضيح
بومحمد
لاني بصراحه مو متاكد
وانا اسف على كل حال
اخوك مو شاعر ولا شي ولكن احب الشعر الجزل


وانا اسف للمره الثانيه

اقتباس: المشاركة الأصلية كتبت بواسطة أبومحمد     ان كثر مالك صدقوا لك وطاعوك = وان قل ما بيديك شانت حلاياك [/poem]

قصيدة يوجد بها الكثير من الحكم
اخوي بو محمد شكرا على القصيدة الجميلة
وصح لسان الشاعر ولسانك
تقبل مروري
دمت مميز

قصيدة من اجمل القصايد الي سمعتها
شكرا لك اخوي ابومحمد على هذه القصيدة
ارجو تثبيت القصيدة وذلك لانها من معلقات العصر الحديث

اخوكم / فلاح الحصيني

طاب منقولك

قصيده بها الكثير من الحكم

تقبل تحيات

اخوك


الملعبي

سليان بن شريم شاعر معروف رحمه الله عليه وهذي القصيده من روائع الشعر النبطي ( لا تعليق ) ....... تقبل تحياتي

تـراه مـا ينفعـك عمـك ولا خـوك=لا صـار ماتقضـي لزومـك بيمنـاك
وربعك ان بان الخلـل فيـك عافـوك=اقرب قريب أبهم مـن النـاس يشنـاك
ان كثر مالك صدقـوا لـك وطاعـوك=وان قل مـا بيديـك شانـت حلايـاك
لو تطلب الماء عندهم كان ما سقـوك=ابعد مـزارك عـن وطنهـم ومربـاك
وان طاب حظك صدقـوا لـك وحبـوك=وان بار كلن مـا يبـي غيـر فرقـاك
ولا اعترض لك من صروف الملا صوك=كلـن تبـرا منـك ماهـوب ويــاك

أبو محمد كالعاده مميز في طرحك

طبت وطاب منقولك وصح السان الشاعر الكبير ابن شريم

لا خلا ولا عدم

قصيده طيبه , ,


وجزله ,,


استمتع وانا اسمعها في قناة البوادي , ,


صح السان الشاعر ,,



ولا هان الناقل . .

..

..