|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
 |
|
|
أدوات الموضوع | انواع عرض الموضوع |
|
|
|
#1
14-06-2008, 03:07 AM
|
|||||||||
|
|||||||||
المشيخة على اصولهــــــا .... !!!
كان هناك شخص يدعى علي بن لبدان كل امنياته في الحياه انه يصير شيخ قبيله لكن ما فيه مقومات الشيخة وما احد بيعطيه مجال لان المشيخه لها ناس واخرهم علي بن لبدان بعد ما يأس من الشيخه في قبيلته قال يا ولد انا بفصل لي جنبيه زي حقت الشيوخ واكتب عليها الشيخ علي بن لبدان وباع كل الغنم علشان يفصل الجنبيه(الحلم) وكتب عليها: الشيخ علي بن لبدان قاتل ميه ومعتق ميه علشان المشيخه تكون على اصولها المهم طق في الارض بعد ما باع كل شي علشان هذي الجنبيه هائم على وجهه لا فرس ولا حتى حمار ولا قليل ولا كثير وابتعد عن ديرته وانسدح تحت شجره ونام من التعب ومرعليه مجموعه من الرجال( امحق) ويوم قربوا منه وبدون ما يحس طالعوا فيه !! طالعوا في الجنبيه!! الا مكتوب : الشيخ علي بن لبدان قاتل ميه ومعتق ميه ( اهب يالداهيه ) الله يكفينا شره هذا ماهو بسيط هذا مطلوبنا هذا اللي بيحل مشاكلنا صحوه برفق ولين شيخ وقاتل ميه يعني العفاشه ما تنفع معه المهم قام الشيخ علي خير وش فيه (من الخوف طبعا) هم : لالا ابدا بس قلنا تتفضل عندنا هنا يا شيخ علي هو: هاااه الشيخ علي طيب طيب (اول مره يسمعها في حياته) هم : تفضل تفضل راح معهم قهووه وغدوه وريح وقيل عندهم وقالوا له روس القبيله عازمينك الليله على العشاء وطلبناك ان تقول تم قال تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى واللي عليه بالخير قالوا له العلم سلامتك حنا قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين الا وهم غازين علينا ياخذون اللي يبون من حلا لنا وحنا لا حيله ولا بصيره لمعت عيون الشيخ علي من الفرح قالوا له : اسمع نبي نحطك شيخ عيلنا كلنا طبعا الشيخ علي على طول قال انا موافق(حلمه القديم) قالوا: بس فيه شروط ! الشيخ علي يتمتم :انا لله وش شروطه؟ طيب وش شروطكم ؟؟ قالوا: فيه ثلاثه اختبارات ان نجحت فيها تاخذ الشيخه وان ما نجحت فما لك عندنا الا ضيافه ثلاثه ايام. الشرط الاول اختبار الفروسيه والقتال ؟ الشرط الثاني اختبار الشجاعه ؟ الشرط الثالث اختبار الذكاء ؟ فكر الشيخ علي شوي وهو عارف ان ما فيه ولا شرط ينطبق عليه قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي قال: انا موافق قالوا : اختبار الفروسيه بكره جهز نفسك جاء اليوم الثاني قال : انا جاهز قالوا له : نبغاك تقاتل قطاع الطرق وترهبهم علشان ما عاد يرجعون لنا قال : طيب بس ابغى فرس متعوده على الكر والفر!! (لانه شجاع) قالوا : جاهزه والسلاح جاهز طبعا الرجال عمره ما ركب فرس بحياته قال :ابغاكم تربطوني على الفرس ربطه ما تنفك ركب الفرس وربطوه ربطة الشر (راح فيها ) اخذ سلاحه وقال وينهم قالوا في الجهه الشماليه قال طيب وراح يوم ابعد وهو يفرك جهه الجنوب ومشى الا والله ان قطاع الطرق قدامه ويوم شافتهم الفرس وتقول بسم الله وعليهم (متعودة دايما ) والشيخ علي يحاول ينزل يمين شمال يحاول يوقف الفرس ما فيه فايده رايحه لهم رايحه وهو مربوط ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه وسلموا واستسلموا قالوا هذا الداهيه عزا الله بيذبحنا كلنا اللي قلع الغصن وهذا الهجوم الخاطف ما لنا الا نستسلم يوم شافهم الشيخ علي مستسلمين قال يالله يا كلاب واحد منكم يربط البقيه والا والله لاذبحكم ذبح الشاه المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربطين قالوا :عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه راحت الفرس ورحت انا فيها !! جاء اختبار الشجاعه قالوا: له فيه اسد دايم ياكل حلالنا ونبغاك تقتله قال :هاه اسد !!!عدلوا بدلوا قالوا اسد قال : طيب اتركوه علي بس ابغى فرس بس غير الفرس هذيك (ما تنفع له يبغى وحده حبيبه ما هي حقت مشاكل) قالوا: طب وتخير يا شيخ علي المهم لقي وحده هناك شكلها ضعيفه مالها في المشاكل قال :هذي قالوا: يا شيخ علي هذي تعبانه ما هي حقت كر وفر وانت بتقابل اسد قال : انتوا تعلموني الكر والفر وبعدين من هو اللي بيقابل الاسد انا والا انتوا ؟!! قالوا :خلاص يا شيخ علي انت ادرى اخذ الفرس التعبانه ويوم يبون يربطونه قال لالالا(خايف من الورطه القديمه) قال :كل معركه ولها طريقتها (حكيم الشيخ علي ) اخذ الفرس الحبيبه هذي وتوكل من وين الاسد هذا اللي يطلع لكم قالوا: من الشرق قال طيب خلاص ازهلوه ويوم ابعد وهو يفرك جهة الغرب مشى وهو يقول: قالوا اسد !! مجنون انا؟ ومبسوط من الفرس تمشي على اقل من مهلها مشى الى ان تعب وهو يشوف ذيك الشجره الكبيره قال اريح هنا المهم ربط الفرس وطلع هوه فوق الشجره ونام شويه الا والاسد محضر الله لا يوريكم الشجره هذي بالذات محل ما يتكي الاسد ( امحق مقيل) الفرس من يوم ما شمت ريحة الاسد وهي تحط رجولها وتعود لاهلها والشيخ علي نايم في سابع نومه نام الاسد والشيخ علي ينقلب ويطيح على ظهر الاسد وينفر الاسد لكن الشيخ علي من كثر الخوف تمسك مضبوط لانه عارف انه لوطاح انه بيروح فيها ويحاول الاسد يطيحه يحاول لكن الرجال متمسك مسكه خواف يعني متسمر في ظهر الاسد ويحاول الاسد يطيحه يمين شمال ما فيه فايده الرجال مسمر ولا هو ناوي يفكه ( حتى بكفيل) وبينما الصراع (صراع من اجل البقاء) قائم بين الشيخ علي والاسد القبيله هناك بعد ما رجعت الفرس عرفوا ان الشيخ علي تعرض لمكروه وهم ينفرون كلهم ويلحقونه ويجون الا والله الشيخ علي متمسك بظهر الاسد والا سد يحاول يطيحه ويجي واحد من القبيله ويقتل الاسد ويطيح الاسد ويموت والشيخ علي متسمر فيه ويجون الا وهو زعلان مررررررررره قالوا: الحمد لله على السلامه يا شيخ علي قال: الله لا يسلمكم قالوا :ليش قال :من اللي قتل الاسد قام واحد وقال : انا قال :الله لا يوفقك قالوا لييييييييييييييييييييييييييييييييش؟ ؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ قال : انا كنت قاعد اروضه واعسفه ابيه ركوبه لي وتجي تقتله حسبي الله عليكم . اعتذروا وتسامحوا منه والرجال يسامحهم وياخذونه ويرجعون على القبيله ويعشونه ويحتفلون بالفارس العظيم مروض الاسود ( الشيخ شبلي ابو الونات) المهم هو يفكر يقول راحت علي الفرس لانه عارف انه ماراح ينجح في اختبار الذكاء !! لان ما فيه مجال للحظ في هذا الاختبار وحان موعد الاختبار النهائي اختبار الذكاء جابوا تنكه وحطوا نصها عسل والنص الثاني الله يكرمكم (بعر)وغطوها. وقالوا: يالله يا شيخ علي تقدر تقول لنا التنكه هذي وش فيها ؟ المهم الرجال قعد يفكر في وضعه لانه عارف انه ما راح يعرف !! يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه باغلى اسم عنده وهو الشيخ علي فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه قال : اللي اوله عسل اخره( بعر ) كلهم صاحوا صح صح جبتها يا شيخ علي وهم يحتفلون به وهو ما يدري وش السالفه الا بعد ما فتحوا التنكه واخيرا تحقق حلم الشيخ علي واصبح شيخ قبيله وياكثر نوعية الشيخ علي وسلامتكم الموضوع الأصلي: المشيخة على اصولهــــــا .... !!! || الكاتب: فواز بن لامـي || المصدر: منتدى الجبلان الرسمي
المصدر: ::منتدى الجبلان الرسمي:: 
|
|
14-06-2008, 10:47 AM
|
#2 | |
|
:+: مصمم :+:
|
هههههههههههههههههههههههههههههههههههههههههه
والله سالفه طيبه < اندمج مع السالفه ههههههههههههه اخووس يهالمقروود فكة الله ثم حظة هههههه يعطيك العافيه يا فواز على الموضوع الفله تقبل مروري اخوك الجارح |
|
|
|
|
14-06-2008, 11:14 AM
|
#3 | |
|
::شخصية هامة::
|
والله سالفه رهيبه
اندمجت معها واستمتعت جدا فيها والله الشيخ علي ربي موفقه (( ياحظ الادمي حظاه )) شكرا اخوي فواز وننتظر جديدك |
|
|
|
14-06-2008, 01:16 PM
|
#5 | |
|
::شخصية هامة::
|
والله انك صادق اخوي فواز ياكثر اللي ودهم يتشيخون على الفاضي,
مشكور على نقلك لهذه القصة. |
|
 علمو فيصل ترانا له حــــــــــزام علموه إنّا بصفه صامدين وقفةٍ بالفعل ماهـــــــــي بالكلام بالحقوق اللي عليها مدربين من زبن في تحت ظله مايضـــام علم صدقٍ والبشر لـه خابرين فيصل السيف المجرب والحسام فيصل الرمح المدبب والسنين نسل ابو متعب ليا زان الكــــــلام لو بقول أنه أمير المومنين,,, مـــــــــــــاألام - ولاألام - ولاألام له فعولٍ تطلق حجاج وجبين
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض المتطور
