قصايد أعجبتني

قصايد أعجبتني

بسم الله رحمن رحيم


سلام عليكم ورحمة الله وبركاته



لكم القصايد



وأن شاء الله تنال أعجابكم







.................................................. .....


قالت ترى منت بحلو قلت رجـال .. والزين ماهو من شروط الرجوله

الزين للي تلبس حجاب والشال .. والرجل زين إن كان زانت فعوله

قالت علامك تلبس شماغ وعقال .. انت بدوي قلت بدوي ومن حموله

مالبس بناطيل لها ألوان واشكال .. وامتر الشارع بعرضـه وطولـه

قالت أجل راعـي معاميـل ودلال .. شرب القهاوي تحسبونه بطولـه

قلت اسمعي وافهمي كل الاقـوال .. تمعني فـي كـل حـرفٍ اقولـه

كيفي يابنت العطر دله وفنجـال .. وحليب خلفه في المراح معقولـه

حب الكرم والجود وعلوم الابطال .. مغروسةٍ فينا من الطـــفولـه

قالت ترى بنت البدو خطها مـال .. قلت افهمي ولا تكوني جهوله

بنـت البـدو دايم مضـرب للامثـال .. غير الجمال وطاعة الله خجولـه

ماحطة الأصبـاغ ولاحطـة ظـلال .. ولاسيرت في السوق سير مهبوله

ماتنخدع في كل ماكـر ومحتـال .. الي لهم في السوق صوله وجوله

تحمي شرفها خوفت القيل والقال .. درب الدنس والشين ماهي بحوله

ريمـية ماصابهـا كـل خـتـال .. حتى من انساب الهبايب جفولـه

هي مهرة تصعب على كل خيـال .. وانتي ومثلك عسفهم بالسهولـه

قالت تغزلبي وشف حبة الخـال .. ناظر عيوني والرموش الكسولـه

ناظر جديلٍ فوق الامتـان ميـال .. مع مبسم يعجبك شكله ولونـه

قلت العفو مايستوي زين وهبـال .. والي تبينـه حيل يصعـب حصولـه

قلتي وقلت وكلمة الحـق تنقـال .. والزين ماهو من شروط الرجوله


.................................



(2)


أول |..أقـول..| المـوت فينـي ولافيـك
واليوم ْْ جـ ع ــل ْ الموت ياخـذ حياتـك

دامــك |..تبيـ ع ..| إنسان بالكون شاريـك
موتـــك ولا ْ تــوهـمـ ْ لـ غ ــيـــري صفاتـك

فـيني مشاعــر كـل|.. ماأنساك ..| تطريـك
تلـ ع ــن وفـاهـــاْيــوووم ْ لاقـت رداتــــك

وقــف دقايق |.. واذكر ..| اللـي يواسيـك
جفــف دمــوعك قــبــل ْ تـاصـلْ شفــاتـك

تـــذكــر تج ــيني |.. تبكي ..| الظلـمـ وابكيـك
وأشيــل جــرحــك "اج ــبرتنـي ْ غــلاتـك ْ"

وإن |.. غــبت ..| عـني كــل مـابـي يناديـك
حـطــمت حلمي ورحــت ْ ألـبـي ْ أمنــيــاتـك

ادري |.. الـ ج ـمــال..| وسـود الأهـداب كاسيك
لــكــن!! ح ــسافه ..ْعــكــس ْ وصفك خـفـــااتك

يامـا |.. رج ــيتك ..| ودمـ ع عينـي يح ــاكيـك
طاوعــت نـفـســك وكـلـمتـي ْ اليــوم ْ جاتــــك

ماأبـيــك أنـا بـدنيـاي والله|.. ماأبـيـك ..|
رح ياعساك ْ بـ ج ـــرح ْ ينــزف شقاتـك

وأول أقــول |..المــوت..| فينـي ولافيـك
واليــوم فرحي ْ يـنـولــد ْ فـــي وفااتـــك

.................................................. .......


((3))

قال الفراق وقلت ياخير ياطير.....قال انتفارق قلت له شي عادي
قال اتحمل قلت ياويش بيصير..... قال متأكد قلت علم وكادي
قال انتواعد قلت من دون تاخير....قال انت هادي قلت بالحيل هادي
قال انتهينا قلت ابذكرك بالخير ..... قال انت غادي قلت مانيب غادي

دامك على الفرقا تسوق التباشير.... مالي بقربك دام تبغا ابعادي
من صد عني قلت دربه تياشير.... ولاني ورى المقفي اصوت وانادي
اعز نفسي بالرخا والمعاسير.... ولا أرضا لنفسي في دروب النقادي
هذي حقيقه قلتها دوون تقصير ....ولاخير باللي يكثرون الدوادي

.................................................. ...................................

((4))

كنت الوم اللي يضيق ان غاب خله
.....لين جربت المحبه والفراق وقلت توبه


لعنبو جد المفارق فيه هم وفيه ذله
.....أثر كل الحب لذه والفراق أكبر عيوبه


أمس فارقت الغلا ومفارق الخلان علّه
.....والعلاج الوصل لا تبلش طبيب ولا حبوبه


الزعل هو سبة الفرقا يهز الحب كله
.....ليتني طولت بالي قبل لا يعلن غروبه


واهني اللي وسيع الصدر صدره وسع فلّه
.....غلطة الصاحب تجي وتروح ما هي بمحسوبه


سامح الله طبعي اللي للتغير يا لعله
.....قاظب خلك عزيز ولين صارت لي عقوبه


ليش تحسب غلطة الصاحب على الصاحب مذله
....ليش ما تحسب ميانه لو تجي عشرين نوبه


لا وربي كنت احبه حيل ما دورت زله
......لا تشكك في غلاه ولا تساعد في هروبه


لايمي قبلك تعبت الوم شعار المجله
.....وكنت مؤمن في مقولة اعذب الشعر الكذوبه


واثر كل في حياته له تجارب مستقله
....وانت لا تشره على مثلي وتبلى لك بحوبه


كان جابتك الحميا روح له تكفى وقله
....لايخليني واذا وده يخفف من ذنوبه


يستخير وله غلا قلب صدوق ما يمله
.....فدوة له كل قلبي من شماله لي جنوبه


يوم قفا والخفوق يفوح عقبه فوح دله
.....وسط رقدة واحد عز الشتا والسهر دوبه


لا تقهوى بارده من برد فنجانه وزله
.....ثم قربها على جال الجمر وارهى شبوبه


وين يدله هالخفوق وكل ما يدله يتله
.....طاري اللي يا كثر ما اتعبت رجلي في دروبه


لا طرى جريت ونة من بلاده مستحله
.....مثل ما راحت بلادي مع شعارات العروبه


كل هاجوس يجيبه جعل شعري فدوة له
.....وا عذابي كل ما جابت لي الجبله هبوبه


مشغل قلبي بحبه دون خلق الله من الله
.....هيه ياللي ممتلكني حسن واسلوب وعذوبه


ما سمعت ان الخوي له بالخوي تسعين زله
.....وانت طوف زلتي يا عل تفداك اللعوبه


صاحبي سيف الهجر لا صرت تقدر لا تسله
....ما تظن ان العفو عند المقدره اكبر عقوبه


ايه انا اللي كنت الوم اللي يضيق الغاب خله
...بس جرب المحبه والفراق وقلت توبه

.................................................. ......

الموضوع الأصلي: قصايد أعجبتني || الكاتب: فواز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

كل قصيدة احلى من الثانية


ذوق يافواز ...


صح لسان قايلهآ وصح نقلك .. لاهنت عالموضوع

الله عليك يافواز

صح لسااااااااااااانك مليووون ولا يسدن

ويعطيك الف عافيه على هالقصااااااايــد الراااائعه

عساااااااااااااااااك على القوه


تحيااااااتي


عذاري المطيري

فواز ما اعجبك قد اعجبنا يالقرم

ريمـية ماصابهـا كـل خـتـال .. حتى من انساب الهبايب جفولـه


واحييك على هالذائقه الراقيه

تحياتي

بن معرقب

قلتي وقلت وكلمة الحـق تنقـال .. والزين ماهو من شروط الرجوله


فواز

صح احسااسك

ختياراات جميله

دمت بهالجماال

اقتباس: كل قصيدة احلى من الثانية ذوق يافواز ... صح لسان قايلهآ وصح نقلك .. لاهنت عالموضوع

كلج ذوق جنون


ولاندمتي

وحياج الله منوره

اقتباس: الله عليك يافواز صح لسااااااااااااانك مليووون ولا يسدن ويعطيك الف عافيه على هالقصااااااايــد الراااائعه عساااااااااااااااااك على القوه تحيااااااتي عذاري المطيري

صح بدنج

والله يعافيج

وحياج الله منوره عذاري

اقتباس: فواز ما اعجبك قد اعجبنا يالقرم ريمـية ماصابهـا كـل خـتـال .. حتى من انساب الهبايب جفولـه واحييك على هالذائقه الراقيه تحياتي بن معرقب

حياك الله يا بن معرقب

وأسعدني تواجدك

ولاتحرمنا من مرورك

اقتباس: قلتي وقلت وكلمة الحـق تنقـال .. والزين ماهو من شروط الرجوله فواز صح احسااسك ختياراات جميله دمت بهالجماال

الجميل مرورج جمره

ودمتي بمرورج

ووشكرا لج علي المرور