|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
| مجلس شعراء وقصائد الجبلان خاص لشعراء الجبلان الشباب والمعاصرين وما قيل في الجبلان.. |
|
|
أدوات الموضوع | انواع عرض الموضوع |
|
#1
12-12-2010, 05:45 PM
|
||||||||||||||
|
||||||||||||||
فهد الطوير . مرثية في عبدالعزيز الجفن
مرثية قالها الشاعر فهد الطوير في أبن عمته عبدالعزيز محمد الجفن الجبلي ( أخر لقا ) أقعد مع نفسي وأهوجس وأطريه=وأذكر سواليفه وضحكة سنونه وأذكر زماناً فات وأحلا لياليه=يومه على الدنيا قبل يدفنونه ما باقي إلا ذكرياته وماضيه=وصورته فوق المغسله يغسلونه أخر لقا من بيننا قبل أخليه=واقف على قبره قبل يتركونه خلوه في قبره ولا حداً حواليه=قبراً يروع ومظلماتاً ركونه قبل أمس قدامي يسولف وأحاكيه=واليوم مدري كيف شكله ولونه ياناس خلوني أطريه وأبكيه=أنا أعرفه قدام لا تعرفونه لا تسألون إلي بكاء هالبكاء ليه =باكر يجيكم غالي وتفقدونه محداً يلوم إلي بكا موت غاليه=ومحداً يحس أطعون ماهي طعونه إلي سواتي وش بيدينه يسويه=حتى البكاء إليا بكا تمنعونه لو أخفي العبره ودمعي أخفيه=أنا ترى وضعي صعب تفهمونه لاشك كلاً موعده عند باريه=يوم الوداع الناس بيواجهونه وأنا قنعت بحكم ربي وراضيه=محداً على الدنيا بقى يذكرونه عسى تمايل كفته في حسانيه=ويغفر له الله قبل لا يحاسبونه وقولو معي أمين يارب تنجيه=أمن العذاب وحشه القبر دونه الموت حق ودرب والكل يمشيه=يالله حسن الخاتمة والمعونه الموضوع الأصلي: فهد الطوير . مرثية في عبدالعزيز الجفن || الكاتب: فهد عيد الجبلي || المصدر: منتدى الجبلان الرسمي
المصدر: ::منتدى الجبلان الرسمي:: 
"كلنا لله راجعون"
اللهم ارحمني يوم لا يسمع لقلبي نبض وأرزقني بمن يدعو لي بعد وفاتي
آخر تعديل فهد عيد الجبلي يوم
14-12-2010 في 11:36 PM.
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
 |
 |
العرض الشجري