عــــــــــلوى هـــل الــــردات . . . .

عــــــــــلوى هـــل الــــردات . . . .

انــا بـلايـه لاقـبـل الـلـيـل يـاسـعـود=يصيبـنـي شــيً عـســى الله يعـيـنـي
ماغير ارص الروح والقلـب ملهـود=دقـــات هـمــه بـالـثـوانـي تـجـيـنـي
علـى عشيـرً دونـه الـوصـل مـلـدود=حـالـو هــل النـمـات بـيـنـه وبـيـنـي
اليـا ذكرتـه غـبـت مانـيـب مـوجـود=في وسط ناس ولاعرف ويـن وينـي
مذهول فكرً ضايـعً مـن هـوى جـود=مـالـي جـــدا الأ هـلــت العبرتـيـنـي
قلبـي عليـهـا مــن عـراويـه مـقـدود=مــن حــر مـاصـابـه تـبـيـح كنـيـنـي
اليـا ذكـرت العنـق والـخـد والـعـود=صفـقـت بالـكـف الـيـسـار اليمـيـنـي
والله يالـولا الخـوف مـن كـل منقـود=لصيـح صيحـة مــن غـدالـه جنيـنـي
أو صيحة اللي ردها من ورى الذود=صابـوه فـي رمــحً عطيـبـن سنيـنـي
علـوى هـل الــردات حمـايـة الـقـود=مخضـبـة بالـحـرب حــد العـريـنـي
يـوم القبايـل بـيـن طــارد ومـطـرود=وكلـن علـى خصمـه طليـق اليديـنـي
صولاتهم تجلا صـدى كـل مضهـود=لاهــج نـشـر مجـروعـات الحنيـنـي
لاجـا نـهـارً فـيـه حــاوي ومــردود=وجـا للفشـق بـيـن النشـامـا رطيـنـي
كـم فـارسً مـن فعلـهـم راح مفـقـود=خلـوه علـوى مجنـدل (ن) بالبطينـي
عقـب الطغـا والـزوم يرعابـه الـدود=علـيـه ربـعــه يـزعـجـون الونـيـنـي
علـوى هـل الـردات كسابـت الـزود=يـوم المـغـازي فــي قـديـم السنيـنـي
لابــة زعـيـمً بالفـخـر مـالـه حــدود=تـاريـخ مـجــده يـتـعـب الحاسبـيـنـي
فيصل ولد سلطان منبـع هـل الجـود=اخـوان جـوزا اهـل المقـام الثميـنـي
اليا تعـلا كـروش والسيـف مجـرود=ثـم اعتـزا بجـوزا عـلـى المعتديـنـي
قــدام حـمـرا مطـيـر لاثــار بــارود=الـلـي لـهـا القـاسـي حـديـده يلـيـنـي
لاخيـر فـي قـولً بـلا فعـل وشـهـود=الـلــي مــكــذب يـنـشــد الأولـيـنــي
كـم حاكـمً شالـوه وهـو قبـل ماجـود=حكمه علـى الصمـان ضلعـه متينـي
ومن الحسا للسيـف والحبـل ممـدود=مـاردتـه حـايـل عـلـى المشرقـيـنـي
مـهـيـمـنً مــالــه تـحـاديــد وقــيــود=يـامــر ويـنـهـى مـالــه الرادعـيـنـي
حـدوه حمـران النواظرعلـى الـكـود=خلـوه عـقـب الـعـز ينـعـى حزيـنـي
أخـر جوابـي واخـر القـول ياسعـود=الله يـجـازي بالخـطـا نـــور عـيـنـي

سلامـــــتكم . . دمتم بوود

الموضوع الأصلي: عــــــــــلوى هـــل الــــردات . . . . || الكاتب: سلطان الهوى || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق