=((مرثية الفراعنه في ابنه ))=

=((مرثية الفراعنه في ابنه ))=

السلام عليكم ورحمة الله وبركاته



هذه قصيده حزينه للشاعر ناصر الفراعنه في ابنه الذي توفي قبل ان يولد
والذي يقول عنها :
رثاء في مولودي وهدية مني إلى أمه ربط الله على قلبها وعوضها فيه وجعله شفيعا لأبويه.

مـا أرانـي فاعـلاً فـي الليـل إن أرخـى سدولـه؟=مـا أرانـي فاعـلاً والصبـح قـد حــان احتـضـاره
طفلي الـلي مات فـي اول يـوم مـا ذاق الطفـولـه=عاجلـه سهـم الـقـدر واخـتـاره الله فــي جــواره
طفلي اللي مات في غمضة طرف ما حال حوله=يــوم عـمـر الآدمــي مــا كــان يـومـاً باختـيـاره
يـا وجـودي يـوم لفّـوا شـاحـب الأكـفـان حـولـه=مــا تـقـول إلا شـظـيّـة لـؤلــؤٍ داخـــل مـحــاره
يا وجودي يـوم أطالـع فيه,فـي عرضـه وطولـه=تنتحـر فــي العـيـن مـنـي دمـعـةٍ كنْـهـا شــراره
نفس عيـن آبـوي عينـه بـل ونفـس الـزول زولـه=وبالأمـاره, فـيـه مــن عمه(شبـيـبٍ) كــم أمــاره
جـابـه الله مـثـل هـتّـان المـطـر سـاعـة هطـولـه=ديــمٍ احـيــا بـهـجـة امـــه تـــارةٍ وآبــوه تـــاره
ويوم شاف الشرّ من صوب آهلـهْ يشعـب ذلولـه=حطّ دون صدورهم صـدره مـن الرحمــه ستـاره
ومــات تــوّي مــا بـعـد بـإيـديّ لبّـسـتـه نـعـولـه=مـات تـوّي مـا بعـد سـاويـت فــي ثـوبـــه زراره
كـنّ عينـه يـوم مـات تقول:بابـا, ويـش هـولــه؟=يوم تبكـي وانـت تـدري ميـن انـا ذلحيـن جـــاره
كلنـا راحــل وخـيـر الـنـاس مــن زوّد رحـولـــه=بـاغتـنـام الصالـحـات وكــلّ كـسـرٍ لـــه جـبـــاره
طفلـي اللـي صوّبـت كبـده قبـل ساعـة وصـولـه=بنـدقٍ مـن عيـن حاسـد واودعـت قلبـي طـشـاره
يـا وجـودي مـا لقيـت أنسـب لمـولـودي مقـولـه=مـن مقولـة يـا وجـه صبـحٍ تحـرّر مـن خـمــاره
أو ثـغــر بـــرقٍ تـهـامـيٍّ تـبـسّـم فـــي ثـعـولــه=ضـوح مصباحـه علـيـه يــورّد النـجـدي بـكـاره
يـوم اشيلـه مـا تقـول اشـيـل شــيٍّ مــن نحـولـه=آتشـمّـم ريحـتـه مــن فجـعـة القـلـب بـحــــــراره
يوم جيـت العـب معـاه وغـاب قلبـي مـن ذهولـه=يـوم مـا شفتـه تبسّـم لـي وانــا فــي اول زيـاره
قمت أحدث عنه نفسي والعرب حولي وحولــــه=ليت ما هـو ميْـتٍ؟إلا ميـت! مـا تبغـى استشـاره
اتْخنـقـنـي عـبـرتـي يـــوم آتـذكّــر مـــا تـقـولــه=عـنـه أمّــه يــوم أنــا فــي ديـــرةٍ مـاهـيـب داره
آتـذكّـر يــوم هــو فــي بطنـهـا يـحـرّك رجـولــه=وانتعيرّ:لـيـت مــا هــو أقـشـرٍ؟ لـبّـى الـقـشـاره
كـم سهرنـا معـه ليـلـه كامـلـه مــن كـبـر هـولـه=ليـن صرنـا نعَـرْف موعـد قومتـه داخـل قــراره
وان تأخّـر مـا صحـى فـي موعـده قمنـا نصولـه=ننغـزه يــا مــن يمـيـن البـطـن وإلا مــن يـسـاره
ما نبي شيْ بـسْ نبـي نضحـك علـى ردّة فعولـه=ننـغـزه ويـفـز خـايـف مــا درى ويــش العـبـاره
مـن يـدي غـيمة علـى أيـدي الملائكـة محمـولـه=غيمـةٍ مــن نــور مــا تشـبـه نضارتـهـا نـضـاره
يـا إلاهٍ كـل مـا فــي الأرض طــراً سبّـحـوا لــه=شفّـعـه فـيـنـا غـــداً واجـعـلـه لابـوانــه بـشــاره
فــي نـهــارٍ فـيــه أعـنــاق الشيـاطـيـن مغـلـولـه=يتلقّفـنـــا مـثــل مـــا يـلـقـف الـحــاوي صـــراره

صح لسانك يابو فارس
والله يعوضكمـ ويرزقكمـ الذرية الصالحة



الجارح

الموضوع الأصلي: =((مرثية الفراعنه في ابنه ))= || الكاتب: الجارح || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق