صوت سحلي العواي وصدى محمد خلف الخس (البستان ).

صوت سحلي العواي وصدى محمد خلف الخس (البستان ).

بسم الله

هذه قصيده سندها الشاعر المغفور له بإذن الله / سحلي العواي
على الشاعر الكبير محمد الخس . أطال الله بعمره ..!

وهي من اجمل الرديآت والمعروفه جداً لدى متذوقي الشعر

يقول سحلي العواي ..

يازين شب النار بـأرض بياحـي= والزول يزميلي على مـد شوفـي
والبيت مبني والرعايـا ضواحـي =وانته تمشى مع نبـات الحروفـي
أخير مـن ذبحـا بليّـا سلاحـي =بقبوت الحييـن مثـل الضعوفـي
ببيوتنـا مثـل الدجـاج المداحـي=متشفقا عقـب الشـداد الردوفـي
ياوب خلف صاحي ولاني بصاحي=بس اتلفت مثـل راس الخروفـي
خروفا ادلـم مايعـرف المتاحـي=وراعيه جابرته عليـه الظروفـي
ابكي على وقت حضرته وراحـي=اتـلاه يامحمـد نهـار الكسوفـي
ياحيف وين مورديـن الرماحـي=اللي نهار الكون تروي السيوفـي
يالخس وين مطيـر هكالنواحـي=سلفان مثـل مزبـرات القنوفـي
تسايروا ثـم صوتـوا بالفلاحـي=هيهات ياما فرقـوا مـن شفوفـي
خذتهم الدنيـا هجـاد وصباحـي=وحنّا بقينـا عقـب هكالصفوفـي
صار العوض فيهم خطاة الضياحي=ياعنـك ماكـدٍ عليـه مخلوفـي
البطن ماتلحـق عليـه الشباحـي=وان نام ماياعـي كبيـر الدفوفـي
يالخـس يومنـه تكسـر جناحـي=ماني على الدنيا كثيـر الحسوفـي
اليوم موتـي والحيـاة متواحـي=يابو خلف منكف وعايف وموفـي
الـى تهيالـي غـزال البراحـي=مالي بصيـد مخبطـات البلوفـي
يابو خلف ذا منهجـي واقتراحـي=وانته على رد المثايـل عروفـي

ورد . محمد خلف الخس
يقول : /

ياسحلي العـواي منتـه مباحـي=ياللي تقول انك حوالي صفوفـي
الفرق واسع للسنيـن امتراحـي=قدام اجي وانته تغيـر وتحوفـي
لاشك معي انته تحب المزاحـي=وزلتك عندي يالسنافي تطوفـي
وتقول انا يالخس ماني بصاحـي=واقول منت بصاحيا ومهروفـي
ياللي تبي وقت له اسنين ماحـي=يوم القبايل بين امـانٍ وخوفـي
يوم يحدا الخيال قـدم الطياحـي=والوقت زين وبأهل الوقت نوفي
يوم اصطفاق امفصمات اللواحي=فجّ الزّغون مقولمـات الخفوفـي
مركوب فرسان تبـوج الفياحـي=دايم لوجه الله عليهـن ضيوفـي
دايم يتلون النضـى بالمشاحـي=ايضا ومعهم كـل قبـا شعوفـي
ليا طالع السبار شعل وشقاحـي=قالوا عليها ماسمعـت المعوفـي
مافعلهـم بالهندسـه والمساحـي=بالسيف الاملح فعله والكشوفـي
كم فارس منهم تجندل وطاحـي=الى جودوا خضر النمش بالكفوفي
مايطلبون الرزق عند الشحاحـي=الرزق بيدين الرحوم العطوفـي
ارزاقهم حدر الدخن والصياحـي=مثل السباع مـدورات العلوفـي
كم رفرفت راياتهـم بالنجاحـي=واليوم وقتا راح جعلـه ذلوفـي
يابو فهيد اسحب ذلاق المشاحـي=الجيل الاول له عيـال وقوفـي
امطير في ديرة طيور الفلاحـي=اللي بهم عـز وذرا ومعروفـي
بين السعود وبين نسل الصباحي=في نعمة مامثلها في الوصوفـي
شبعه وامان وراحة وانبطاحـي=ومنين ماوجهت جبـت الالوفـي

وسلمتّم .. منقوله.

الموضوع الأصلي: صوت سحلي العواي وصدى محمد خلف الخس (البستان ). || الكاتب: عذب المشاعر || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق