|
|
|
#1
06-11-2008, 01:19 PM
|
|||||||||
|
|||||||||
قـــالـــوا نذالـــــه
مساكم الله بالخير اضع هذه القصيده بين ايديكم كمصافحه اولى لهمس القوافي وهي ردا على كل من يسيء لحمران النواظر ويتهمهم بالنذاله كنت اتمنى ان ان انزل المقطع الصوتي <<< لاكن رفيقكم بدوي ما يعرف ينزل مقاطع  كم اتمنى ان تنول على اعجابكم
ابدأ بذكر اللي به النـاس يبـدون = ربي عظيم الشـان جـلا جلالـه يبقى وكل اللي بهالكـون يفنـون = الكامل اللـي مايوصـف كمالـه يالله طلبتك قاف وافي ومصيـون = من الخلل ومن الزلـل والهزالـه وأن يسر الله نكتب البيت مـوزون = مافيـه زود ونقـص ولا ميالـه اما يجـي ياكنـه اللـول مكنـون = ولا علـى ماقيـل نكتـب بدالـه في خافقي علمٍ له سنين مدفـون = واليوم صغته في قصيدي رسالـه ياوقتنا ياللي بك الحـق مطعـون = والله يستـر لا يسـبـب زوالــه اشوف بعض الناس قاموا يزيـدون = من الخطا والكـل ياخـذ مجالـه قالوا مطيري نذل من عدة قـرون = واصل النذاله فالمطيـري جمالـه هاتوا لنا البرهان ياللي تهرجـون = ماتثبـت الحجـه ياكـود بـدلالـه وان كانكم من غير نيشان ترمون = هاذي جهالـه مابعدهـا جهالـه ألا هبيتوا ثـم هبيتـوا وتخسـون = ياهل الردى في كل حولٍ وحالـه حتى الدجاج اليوم صاروا يطيرون = من عقب ركب ريش وجناح شاله لكن حنـا ترتقـي مانجـي دوون = ولاينثبر فالنـاس غيـر الحثالـه قال المثل يانـاس يلـي تعرفـون = من طاول اطول منه ويبطي ماطاله حنا هل الطالات و ابليـس ملعـون = والنذل من يطلـق علينـا نذالـه رجالنا بالعـز والطيـب مفتـون = وكلٍ على النوماس وصى عياله اسم الوفا والطيب فمطير مقـرون = ولا ينذكر اسم المطيـري لحالـه وحنا هل الوقفات والناس يـدرون = والي جهل ماني وصـي بضلالـه وحنا عدود الطيب والناس يـردون = اسمع كلام العبدلـي يـوم قالـه وحنا خذينا ونعم والسيف مسنون = يـوم انهـا ماتنوخـذ بالسهاالـه يوم الحرايب فالجزيره لها كـون = ماعاش غير اهل السطر والشكاله واليوم دارت واستدارت مية لـون = ولا عاش غير اللي يقدس ريالـه ان كانهم ورثوا من المـال مليـون = والكل منهـم راح يبـذخ ابمالـه حنا ورثنا المرجله بين هالكـون = ورحنا انتناقلهـا سلالـه سلالـه ماينكر الريجيـل ياكـود مجنـون = ولا صديعـن زاد ربـي خبـالـه ولايعطي الشرهات من كان مديون = ولايارد الـلي قاصراتـن حبالـه هذا الصحيح وقولوا اللي تقولـون =وهذا كـلام العبدلـي يـوم قالـه اخوكــم / ابن نــاهــس الشـــطيـــطـــي
المصدر: ::منتدى الجبلان الرسمي:: 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض الشجري