صدقني ما تتصل ؟؟؟؟

صدقني ما تتصل ؟؟؟؟

بسم الله الرحمن الرحيم


السلام عليكم ورحمة الله وبركاته

القصه هذي تتحدث عن شي موجود الى الان وهي قصة المعاكسات عن طريق الهاتف
وهي مشكله لان انتم ماتدرون وش ممكن يصيرلك منها على العموم انا كتبت قصتين
واقعيتين .........
الاولى ::

احد الاشخاص الذي اعطاه الله العافيه الجسديه كان فاضي قال خلني ادق على اي رقم يمكن تطلعلي بنت واكلمها المهم دق على الرقم الاول ودق على الرقم الثاني ودق على الرقم الثالث المهم اول مره الرقم الثالث ما رد وثاني مره ما رد الثالثه ثابته عاد المهم وتكلمه بنت وبدا على صوتها انها تعبانه المهم الولد مسوي يتميلح وهذي البنت ولله الحمد والله العظيم انهم يحلفون انها ماتنام الا بالمهدءات وهي مريضه بالخبيث الله يفككم منه والمسلمين اجمع المهم كلمته قالت يا ابن الحلال انا حرمه تعبانه وش تبي تدق الحين المهم تعرفون الواحد لا قام يتميلح ويدق ويدق المهم ردة عليه وقالت له يا جعل المرض اللي سهرني الليل هذا انه يصيبك عشان تعرف معنى المرض والله العظيم انهم يقولون ان الولد هذا انصاب بمرض الخبيث عشان مكالمه والمكالمات هذي والمعاكسات والله ان لها مشالك الله يفكنا منها ....

الثانيه:
احد المتطفلين اللي على الهاتف المهم ويدق على ارقام من راسه بس يبي يكلم ماوراه شي الرجال يبي يفل حجاج مع اي واحد يكلمه المهم ودق على رقم ويرد عليه ولد صغير قاله هلا وين ابوك قال الولد ابوي مو موجود وقال من عندك قال عندي امي وعندي الشغاله المهم هذا الشاب اغتنم الفرصه وقال للولد امك وينها قال دخلت غرفتها قال الشاب طيب وش لابسه قال الولد دراعه حمرا المهم ويطق حنك مع الولد ويسولف له المهم وجا ابو الولد واخذ السماعه قال الووو قال الشاب هلا قال الابو هلا وش بغيت والشاب النذل قال خلني اغتنمها المهم قال الشاب والله توني طالع من بيتك والخ وقاله اذا منت مصدقني حتى زوجتك لابسه دراعه حمرا . المهم الوالد ولحظة سكوت وسكر السماعه وجا عند زوجته وقالها كل الكلام قالت ما احد دخل البيت المهم ماصدقها وصارت مشاكل وطلق زوجته ..والشاب هذا يحسب انه مو رايح من ذنبه والله العظيم ان الله بلاه بمرض انه ماينام ولا يستطيع ان ينام المهم راح عند شيخ قال السالفه كلها وقاله الشيخ رح دق عللى الرقم نفسه وقل السالفه
المهم دق ورد عليه الوالد وقاله السالفه والوالد ما صدقه قال الشاب طيب ابي اقابلك قال الوالد طيب عطاه عنوان المحل اللي متواعدين فيه وجا الوالد وجا الشاب وتكلموا عن الموضوع يوم درا ان زوجته مالها دخل بالسالفه قام الوالد وضرب الولد والوالد الان ما يقدر يرجع زوجته وزوجته اصلا مو راجعتله وضربه والولد يتوسل الى الولد ويقوله تكفى ابيك تسامحني المهم والوالد مايقدر يسامحه وراح الوالد وهو مغبون ودق عليه الولد مره ثانيه وجاب معه الشيخ ولا نفع والى الان على ما اعتقد ان الوالد لم يسامح الشاب .....

ارجوا انكم تستفيدون من القصتين...

+الغفيليـ+

الموضوع الأصلي: صدقني ما تتصل ؟؟؟؟ || الكاتب: الغفيليـ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق