رد على الشاعر مساعد بن جبران العازمي بقصيدة رضا والنقير

رد على الشاعر مساعد بن جبران العازمي بقصيدة رضا والنقير

كلكم شفتو حلقة شاعر المليون يوم الخميس اللي فات وشلون قام الشاعر مساعد العازمي بالهجوم على حمران النواظر مطير وقبيلة العجمان في ذكره بيت يقول فيه:



( نصرنا يوم المناعير إتغزانا .... في رضا و نقير و احداث كثيرة )




رد عليه شاعر عجمي بيض الله وجه يقول:


الـسـلام عـلـيـكـم ورحـمـة الله وبـركـاتـه..
الـقـصـيـده رد عـلـى الـمـدعـو..بـن جـبـران..
وهـي واضـحـه ولايـحـتـاج فـك شـفـرات...

حسبي على جور الزمن وان حدانا=وسـوى مـن الممنـوع قصـه مثيـره
وجانا الضعيـف اللـي بنفسـه بلانـا=وخـلا الصغيـره وابتـلـش فالكبـيـره
وجاب السوالف دون شرح وضمانـا=وخلا العرب تبحث اخـلاف الصغيـره
قـال المناعيـر اشـهـدو فــي لقـانـا=يــوم ألتقيـنـا فــي رضــا والنـقـيـره
( صحيـح.. لكـن زدتهـا مــن ورانــا )=كــذاب ومـنـافـق وعـيـنـك ضـريــره
وقول الصحيح !! انقول والله يرانا !!=جيـنـاك يــوم ان الطـمـع فالجـزيـره
جينـا طمـع ! نبغـي الغنايـم عشانـا=شجعـان فطـره ضـد قـوم'ن كثيـره
( جيـنـا اربعـيـن ) وماتلـفـت حـدانـا=وقلـنـا غـنـات الـذيــب ولا مـصـيـره
ومتـنـا جمـيـع ولا يـعـيـش الجـبـانـا=ممـات ذيـب'ن مارضـى بالكسـيـره
و لــو انـهـا بجـمـوع ! شفـتـو غثـانـا=يـاوجـد حـالـي يالجـمـوع الغـفـيـره
حـنـا مــع الـعـدوان تطـحـن رحـانــا=وخيـولـنـا تـنـطـح خـيـولـن مـغـيـره
وسيوفـنـا تــروي ويـــروي ضـمـانـا=يوم انت سيفك خامد'ن في جفيره
ومبطي وربعـك تلتجـي فـي ذرانـا=وانشد بني عمك وشيـخ العشيـره
اخطـيـت يــوم انــك تعـمـد خـطـانـا=اخطيـت لـكـن كــل غلـطـه بخـيـره
اقـولـهـا والـشـيــخ قــــال وكـفـانــا=( الهرج يكفي صاملـه عـن كثيـره )

وسـلامـتـكـم..
عـبـدالله بـن سـعـيـد آل نـاشـره الـعـجـمـي

الموضوع الأصلي: رد على الشاعر مساعد بن جبران العازمي بقصيدة رضا والنقير || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق