][فديت ترابك يالحفر ][

][فديت ترابك يالحفر ][

مساء \ صبااح الورد والكااااااااادي

على اعضاء منتداي الغاااالي




كان جمهور الشعر يدرك جمالية الشعر
الحفرواي ,من ناحيه صدق المفرده,
وسلاسه التمدد,وعذوب الأبيات,
وشفافيه الكلمه, وعمق الفكره,

واعلنها الشاعر والناقد / تركي المريخي
ببرنامج شاعر المليون.


وأما سر عذوبة شعر شعراء الحفراوين:


1- اجتماعياً /


ففي تركيب المجتمع
"خليط من البدو":
من يحملون سمات التصحر
والتكتل والصلابه والخشونه ,
سواء بطباعهم الشخصية ام مشاعرهم الداخليه
والتأثر بكل ماكان يؤثر بهم من بروتوكلات
او مفاهيم وعادات صلبه.
تنصدم بــ "خليط من الحضر":
من يحملون سمات السهوله, والأنبساط والشفافيه
والصبر والتحمل والأفق الواسع الرحب
والأنفتاح والتلقائيه المغلف بأريج العفويه.

يأتي ذلك البدوي متعطش
فيجد الشفافيه والبساطه
متزمت فيجد مايفل عقد رحال مشواره الصعب.


2- جغرافياً


لقبت حفر الباطن
بــ" عاصمة الربيع"
بما تحمله من طابع الكلاسيكي
الباقي بنفوس اهل الحفر
مما يجدونه بطبيعه ارضهم أثر عليهم
ان رفع من مشاعر الأحاسيس المرهفه
لتعبير عن ادق تفاصيل الحدث..
والطابع الرومانسي بما تحكي طبيعتهم
من المحاكاه مع أهلها,مما يجعلهم يعيشون
اللــحــظــة...
يعيشون " اللحظة"!!!!
مما يجعلهم كرماء مع مشاعرهم والبوح معها
والترنم معها...

3-انسانياً /


ان كل حفراوي له صله بباقي مدن ومناطق المملكة
حيث
اما ام يكون من اهلها وله قرابته من منطقه أخرى.
او يكون من غير أهلها ويقيم بها تبعاً لظروف العمل او العلم.
مشاعر البعد والقرب والتشتت والجمع
كلها مراحل لحمل أدوات البحث عن السعاده
واعتصار مراره الفراق
والسير على حبل الود بين الفصل والإتصال.

تجده يحمل بين اضلاعه الهموم
ولسعات الوداع
ووحشة الغربه

يجعله مكبل اليدين مسدود الطرق
الا من فصاحه اللسان
والنداء والصرخات..

فيستغل هذا المنبر السامي
ليزخرف شعره ويرتديه ثوب العيد
بين المآساي التي تضج حوله.

كم عديده بعض مآساي الحفر
وهذا داعي قوي ليغرد قلب ووجدان الشاعر.

أهل الحفر او شعراءها هم من مجموعه قبائل
والاختلاط هنا كان إجابياًً
اشبه باختلاط مصائد الأسماك في المحيطات
التي تنتج اطعمه تتنوع بها حياة الكائنات.

بمعنى أطلب ...تجد
ولاصعوبه تجدها...!!

تجد الف صاحب من كل مكان
بينهم القله مما يطلق عليها أصدقاء!!!

تجد صديق واحد نادر
وهذا هو كنز المحصول.
تؤأم روحك النادر
في زمن خيانة الصداقه

وتلك يعتبر نقطة مضيئه للشعراء في جمال وروعه التعبير عن هذا الوفاء.


وخلال بحثي وجدت الكثير من القصااائد الراائعه التي قيلت


// بحفر البااطن \\

التايه الي نزل في دار هالشيعـه=وخلا ديار ٍ سقاها الغيث بأمطاره
ياصعب وقت الفراق وشين توديعه=والحظ بيني وبينه يبني اسواره
ولو باعني من رخى والله ما ابيعه=وقدره بقلبي تعلى فوق مقداره
حالي كما الطير لازينت تطبيعه=حـر ٍ تولع بشوفت كـف صقاره
هذا الحفر لاغدا بالقلب توليعه=فيه المراجل وطيب العيش وجواره
ومن لامني بالحفر والله ما اطيعه=دام الحفر مايضّيق صدر من زاره
ولدار ابو ضاري شاقتني مراميعه=بالمجلس الي تعطر بن وبهاره
الوقت لو لي معه سلطه بتسريعه=كان اتقاعد واعيش الباقي بداره

**************

اتكأت .. بوسط مجلس .. عندهم مانـي غريـب=قمت أرحب رغم إني .. في مجالسهم جلَسْـت..
جيت أعرِّف عن [دياري] ما لقيـت إلا أجيـب :=عن قديمي و انتهيت بشفتهم صاروا.. ولَسْـت !!
ما لقيت إلا [ سؤالي ] .. ديرتي فخرك معيـب ؟=ليه مع عالي فَخَرْهُم .. كل ما أصرخ ، همَسْت ؟!
ليه [ مثلي ] ابن ديرة .. حزنها شـرق ومغيـب؟=ليه عن [حَفْر] المدينة .. كل ما أكتب.. طمَسْت ؟!
[ مدخلك ] حزن ، ومآسي والشـوارع للنحيـب=و[الألم] وردة رصيفك يا كثر حزني غرَسْـت !!
كان طفلك [ يرتمي بك ] لين ما شمسـك تغيـب=كان طفلك قبل شمسك [ يقهر ] أصحابه درَسْت ،،
كان [ طفلك ] ينتظرك .. وآخر النشـرة قريـب=يفرح ابُّشرى [ عجاجك ] .. كل ما هبّت أنَسْت !!
ليه [طفلك ] ؟! لا تخطأ أول الخطـوة : مشيـب؟=ليه [ طفلك ]؟ بالتطور حافظ ٍٍ "كلمة " فَلَسْـت !!
ليه [ ذنبك ] ؟..ما يشيله سيد [ السرقة ] نجيـب=ليه ما نسأل [ سموّه ] وش تركت؟ و وش خلَسْت؟
كن كرسيك .. حصاده .. والثمر طعمـه يطيـب=دون ما نلقى علامة .. لأجل ما نصرخ ورَسْت*
[ آه ] يا داري " تِعِبْتك " كني بحضنـك غريـب!=رغم إني في رصيفك بأوسط [ أحزاني ] جلَسْت ،
كنّي [ بزحمة ] غموضي ... ما لقيت إلا أجيب :=عن قديمك .. وانتهيت : بشفتهم صاروا.. ولَسْـت
ما ذكرت إلا سؤالي : [ ديرتي ] فخرك معيب ؟=ليه في عالي [ فَخَرْهُم ] كل ما أصرخ همَسْـت ؟
ديرة الحزن [ بشروقك ] .. و الألم حُمْرة مغيب !=كل ما أكتب بحزنك .. أكتشف إنـي طمَسْـت !

****************

حبيت امسي على الكل واهلـي=ياعلكـم دايـم الـدوم بفـراح
لكم بوسط الحشـا شـي متعلـي=الطيـب فيكـم ولانـي بمـداح
كـلام عارفـه ولانـي بمـزلـي=اهل الحفر فعلهـم فحوتـه فـاح
عـزة عزيزكـم فـوق المظلـي=نعـم بكـم ياعفيفـيـن الارواح
اكتب ياقلم عـن حبهـم وملـي=وسطر لهم من جزيـلات القـراح
وكـل حـب(ن) لابـد مايولـي=غير حبها بصدري للحين مـاراح
الحفـر روح الوناسـه والتسلـي=لو غبـت عنهـا صـدري صـاح
يطلبها لواني قريـب(ن) محلـي=عساكـم تتهنوابهـا بالـمـراح
هذا كلام جاكـم مـن الوايلـي=صادق(ن) بقوله ومنطقه بالصراح

***************

سلام ياللـي عليـه القلـب مفتونـي=سافر وخلى بقايـا الكبـد محروقـه
طول غيابه وحال اليوم مـن دونـي=روح به الشوق والأرواح معشوقـه
لا مر طيفه أجر الصوت محزونـي=أجر صوتن غدى همي مـن حقوقـه
لا جيت بيته أشوف الدمـع بعيونـي=وأمسح دموعن على الأهداب مرشوقه
إي والله حبه ملكنـي منبـع جنونـي=أشفق بطرياه وأحزن من بلا عقوقـه
بالله يـا أهـل الهـوى بالله عزونـي=صفحة حياتي ترى نصفين مشقوقـه
حول الحفر ديرتي وهنـاك تلقونـي=معلـوق قلبـي دفنتـه يـم معلوقـه
بيحت سـري وبيـح كـل مكنونـي=ولا عاد أنا أصبر وقلبي حاكمه شوقه
إمـا تصيـر المحبـه لونهـا لونـي=ويذوق ذوقي ما دامي ذقت أنا ذوقـه
وإلا تحت أرض رب الكون مدفوني=ما دام روحي بيدين الخـل مخنوقـه

*******************

يأهل الحـفر قلبي ولع نيران=من هنوف مرني على الفكسار
سواقه مجنون وله شلقة ورعان=وخلافه بالمرتبه مزيون من أهل الدار
يلاعب شعره الاشقر باصابعه الجنان=عليه ياخوك عيون سود وشفته نار
تحرقني من دون ملمس وتعذب الاعيان=يابوبندر الورع غابني والله الستار

دمتم بسـ ع ـــاااده


بــنـت شـيـوووووخ

الموضوع الأصلي: ][فديت ترابك يالحفر ][ || الكاتب: گہٍـرستہآلهہ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق