جاسر ابن صاهود ابن لامي

جاسر ابن صاهود ابن لامي

الشاعر نايف ابو طفره . .

اجرى الامير /جاسر بن صاهود ابن لامي عمليه جراحيه تكللت بالنجاح
من فضل الله وهاضت قريحته بهذه الابيات اللتي اضعها امامكم واتمنى
ان تحوز على رضى الجميع

يالله ياللي نعبدك وانترجاك=انت العوين ولاش غيرك عويني
نرفع يدينا ونفعل الخير لرضاك=ياخالق الانسان من خلق طيني
يمقسم الارزاق منا ومناك=يامعطي الارزاق للسائليني
ياواحدن بامرك يسيرن الافلاك=يامحيين جرد السهال بغشيني
جودك تجود ولاتحسب عطاياك=وحنا لوجهك يالولي ساجديني
انت الصمد والفرد حلال الاشباك=في مدتك وفي نظرتك طامعيني
انك تعافي اميرنا لاطلبناك=جاسر ابن صاهود ذرب اليميني
واتلبسه ثوب العوافي بحسناك=في خير وبصحه عن الحاسديني
اقدامنا لجله يدوسن الاشواك=يامر وحنا لاومر طايعيني
لجله تروح ارواح في حوض الادراك=ونسوق مانملك وحدر اليديني
ياميرنا مابه من الناس حلياك=لو امدحك كل البشر ميديني
طيبك مع العربان من طيب مجناك=مجاذبن تعرف بحد السنيني
انت وريث المجد والمجد مبداك=من فدغم الاول وعلمن يقيني
وجاسر جذبك وفعل صاهود وداك=وداك للعليا ومثلك يبيني
الطيب ياقفلك حشا ماتعداك=نسل الزعيم منزح المعتديني
اللي غزا لحدود شولا والاتراك=واللي معه يوم انكفوا كاسبيني
سته شهورن بين غرات واعراك=بالشلف وحد مذلقات العريني
انتم لكم على البسيطه تملاك=وانتم ذرانا لدبرن السنيني
لاثارت الهيجا ولا فيه فكاك=نطعن بكم يارماحنا المعتديني
حنا لكم وانتم لنا عن هذولاك=وانتم لنا وحنا لكم وا لميني
وانت يابوفيصل عسى الرب يرعاك=يامقلطن لضيف كبشن سميني
ماتدري انا لوحت الروس طرياك=نشوش ماكنا مع العالميني
حرن تنومس تذبح الصيد يمناك=مجذوب من شيبانك الاوليني
تمت بذكر الله والله يحماك=وصلوا على المبعوث يالسامعيني

وسلامتكم

شولا احد قرى سوريا القريبه من دير الزور

الموضوع الأصلي: جاسر ابن صاهود ابن لامي || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق