|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
| الشعر العام خاص بالقصائد المنقوله سوى كانت من الشعر العربي الفصيح او الشعبي النبطي |
|
|
أدوات الموضوع | انواع عرض الموضوع |
|
#1
27-01-2010, 05:09 PM
|
||||||||||||
|
||||||||||||
قول كيف اصمد؟ وانا في وسط غابه من ذئـاب.
من أجمل ماقرأت   يعتريني حزن .. مدري حالـه مـن الإكتئـاب سمّـه اللـي ودّك اصـلاً مـا تهـمّ التسميَـه المهمّ اشعر بضيقة صـدر ياخـي .. واغتـراب لا ذكرت اني أعيش بعصْـر "لا .. للتضحيَـه" عصْر فيه من العَجب ما لايُريـك ايّـة عُجـاب يعني فيه مـن الغرابـه .. مـا يثيـر السخريـه خلّ عنْك التقنيات اللي يسيـل لْهـا اللُّعـاب آنا في حاجـة بشـر .. مانـي بحاجـة تقنيَـه والاّ قُول اش يستفيد اللي ركض خلف السراب؟ لا وصَل يمّه .. ولا فكْـرة رجوعـه مُجديَـه ينتهي وضعه مثل وضعي .. فـلا ودّى وجـاب عايش بروحي مع انّـي فـي نطـاق التغطيَـه ودّي ابْدي للحظوظ المايله .. بعـض العتـاب بسْ ما للحـظّ شِغـل .. وحالتـي مستعصيَـه كم خسرني من حبيب وكم خسرت من القراب والخسـاره واحـده .. دام الوجيـه مقفّـيَـه ولّ .. ياسيف القطاعـه والخصيمـه والغيـاب ليت ينفع فيـك أمْـر العفْـو أو دفْْـع الديَـه كان يمديني دفعت اللي دفعـت ْمـن الرقـاب ولا أطيح بقبْضتـك وامـوت موتـه مُضنيَـه لي ثلاث سنين فاقدنـي .. والاقينـي مُصـاب والمرض أحيـان ناتـج مـن تعاطـي الأدويَـه فْيقطع الله من تغذّوا في قفـاي مْـن الصحـاب بئس والله ما كلـوا منّـي.. وبئـس التغذيَـه كلّما أمنح ثقـه لانسـان .. سـوّى إنقـلاب ناقـص الاّ يصْـدر بحقّـي قـرار التصفـيَـه عشت نوع من التخبّط في قراراتـي.. وطـاب خاطري مـن كـل مستقبـل وحلـم وأمنيَـه لي متى؟؟ وانا أعانـي مـن توتّـر واضطـراب في شعـوري الداخلـي بيـن النـدا والتلبيَـه أسمع الدنيا.. ولا البّي .. وانـا سمْـح الجنـاب ردّني عـن شرهـا .. دينـي وحسـن التربيَـه قول كيف اصمد؟ وانا في وسط غابه من ذئـاب يجبرونك ع الخطـأ واشيـاء ماهـي مُُرضيَـه صحّ ماهو بمنطق استسلم لمبدأهـم .. واهـاب بس انا مانيب "إبـن حنبـل ولا بـن تيميَـه" شاعر ولو كنت صاحب فكر وارائـي صـواب لازم اضعـف يـوم .. قـدّام الحيـاه المُغريَـه والدليل انّي كثير احيان .. لا أملـك جـواب لو سألنـي أحْدهـم ويـن الـدروب ْمودّيَـه؟ أدري انّي من تراب .. وفـي طريقـي للتـراب بس مدري لي متى وانا اقتـرف لـي معصيَـه؟ كلما حطّيت لفراقي عـن الدنيـا .. حسـاب فزّ شيطانـي علـى نظـرة فتـاه .. وُأغنيَـه ليتني أذنبت ذنب وخفت مـن تالـي العـذاب كان حالي ماغـدت هالحيـن .. حالـه مُزريَـه بس اجاهر فـي معاصيّـي علشَـان الشبـاب يُعجبـون ْبقدرتـي عـنـد اللهو والتسلـيَـه "عفْوك اللهم" يـوم يحيـن تسليـم الكتـاب يـوم مـا تنفـع معـاه الواسطـه والتوصيَـه يوم لا يستر عُريّ الآدمـي .. لبْـس وثيـاب وقتها تشوف الذنـوب اكبـر عوامـل تعريَـه من دموعي.. أوديَه بتفيـض وتسيـل الشعـاب وآه ياجدب الشعاب.. ويـا جفـاف الأوديَـه ْفلا تسمّي حالتي .. ياخـوك حالـة اكتئـاب هـذا "تأنيـب الضميـر" إذا تصـحّ التسميَـه شوف وجهي وانت تدري ليه ماكنّـي بشـاب كنّي من كثرة ذنوبـي شايـب وعمـري ميَـه="5[/frame] الموضوع الأصلي: قول كيف اصمد؟ وانا في وسط غابه من ذئـاب. || الكاتب: سلطان فيصل العوض || المصدر: منتدى الجبلان الرسمي
المصدر: ::منتدى الجبلان الرسمي:: 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض الشجري