:\( ربآعــيه للشآعــر ردام بــن لا مــي وثـلأث شعــراء ) \:

:\( ربآعــيه للشآعــر ردام بــن لا مــي وثـلأث شعــراء ) \:

بسسسم اللــه الــرحمــن الــرٌحـــيم


لكم القصائد ....



الشاعر / منصور المرشدي

يالله يالي عالمـن غيـب الايـام=ياغافرالـزلات تغفـر ذنـوبـي
امس العصرعندي رياجيلن احشام=والحين عني وين ماهم بصوبـي
صارالعوض عقب العطاوي وردام=شلقت زيودن مابهم مـن ينوبـي
مثل البهايم فالهياكـل والاجسـام=بـرق فهـيـم ميرمابرقـوبـي
نبي علومـن تنعـت الخيرقـدام=وعلي اناعلم الرجـال محسوبـي
اسلم سلمت من الغثايابـن عـزام=ارسالتـي بزكاسـلام تنـوبـي
وسلـم وسلملـي علاخشـم ردام=انته محل الروح ونت محسوبـي

الشــآعـر حــسين العطــاوي..

البارحـه والنـاس هجـع ونيـام=سرابي الهاجـوس يـم الغروبـي
واسترسل الخاطر على بدع الالهام=وقطفة من حلو الثمـار العذوبـي
من عقب ماجتني رسالة (خبر هام)=من واحدن يسوى جميع الشعوبـي
عرفك قبل يومين تسنه من اعـوام=يالصاحب الوافي عديـم العيوبـي
وانا مكاني فوق محييـت الانعـام=ماني بديـل الـلاش ولا الكذوبـي
نبا انتواجه والوعد لو بعـد عـام=يالي دروبـك ماتخالـف دروبـي
وصل لابوثامر تحيـات الاسـلام=ياواحدن عنـه البشـر ماتنوبـي

الشاعر /ردام بــن لا مــي

دام العطاوي فلٌت اسبـوق غشـام=وعرض جناحينه للصفق الهبوبـي
هديت من صفت مواميـه لاحـام=مثل العقـاب اليـا تعـلا يجوبـي
تصرمت منه الجـوارح تصـرام=واطيبهن الـي بالمتاقـي يحوبـي
يالمرشدي حكم الوضايف والاقسام=لمت بنامن كـل حدبـن وصوبـي
ومعناومعكم خير من روس الازلام=طرش البحر من كل كرجي ونوبي
وتبقا الاخوه والزماله لهـا احكـام=وصبرك علي عجفا الرفيق الهذوبي
ولاهنت يلي خوتك عـز ووسـام=وسلم وسلملي علي مـن حكوبـي
والك التحيه مع ذعاذيـع الانسـام=ياطيـب المبـدا متيـن الجنوبـي

الشاعر / عطالله السيحاني

يعرض لي الواقع مثل عرض الافلام=كني عن انظار الربـوع محجوبـي
لو انهم عنـدي عزيزيـن وكـرام=لكن سهو عـن سيرتـي مادروبـي
المرشدي منصور بالمنطـق العـام=ترى شروق الشمس غير الغروبـي
اقـول لا تاطـا برجليـك الالغـام=ثم اقدر علاجك ولو مـن جيوبـي
حنا خوان وضفنـا ديـن الاسـلام=وفي دارنا صار الشمالـي جنوبـي
وعساك ياحسين العطاوي ماتنظـام=طيب وابن عـم ورفيـق محبوبـي
الطيّب ارز إلـه رايـات الاعـلام=وغلاه عيبـي كـان فيّـه عيوبـي
وشكري لمن رقمه ماهو بين الارقام=لصاحبي حـلاّل جـل الخطوبـي
ردام حـرٍ لسمـا والفضـا حــام=راسه لصكـات الليـال معصوبـي
وعداد من صلى الفريضه ومن صام=تحيـةٍ تاصـل نظـاف القلـوبـي

وسلامتكم
إتمنــى إنها نالــت على رضــأكــم
إخــوكم
ذيــب اللامــي

الموضوع الأصلي: :\( ربآعــيه للشآعــر ردام بــن لا مــي وثـلأث شعــراء ) \: || الكاتب: فيصل بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق