أحدن يحاول بالردى بنت عمه ... وأحدن يحاول ستر عذرا عوانيه

أحدن يحاول بالردى بنت عمه ... وأحدن يحاول ستر عذرا عوانيه

السلام عليكم ورحمة الله وبركاته

أعضاء منتدى الجبلان الكرام

قصيده فيها معاني وحكم كثيره

وهي للشاعر الراحل
بندر بن سرور العتيبي

ملاحظه .. انا مادري سبق طرحها ولا لا اذا كانت مكرره أرجو التنبيه ^_^

مدخل

يالله ياجالي الامور المهمه
...........تجلي وهج قلبٍ برى حال راعيه
البر دجته والبحر رحت يمه
...........أدرج سبب حظ على الله مساعيه

يالله يا جال الأمور المهمّه=تجلى وهج قلبٍ برى حال راعيه
البر دجته و البحر رحت يمّه=أدرج سبب حظ على الله مساعيه
يوم إن ولد اللاش رزقه على أمّه=رزقي على اللي ميّت القشع يحييه
ماني وانا بندر بياع دمّه=يقطعك يا بيّاع دمّه و مهفيه
اللي يبيّع لابسات الأزمّه=ثور يبي بيض العماهيج تغنيه
يزعل ليا جت ليلة الدول يمّه=يرضى بسوق المال بأخيه و أبيه
خطو البخيل اللي يكبّر معمّه=يقرا الكتاب و واجب الله مخليه
أما هرج له في رفيقه بنمّه=والا عطا و أمه تضيّع هقاويه
يا مل قلب كل ما مات همّه=دارت دواليب الدهر لين تحييه
فرّاق شمل الناس عيّا يلمّه=وقتن يشيب الراس من شاية فيه
أحدن ينام و حط راسه بكمّه=و أحد تخم النوم عينه و تخطيه
و أحدن يحاول بالردى بنت عمّه=و أحدن يحاول ستر عذرا عوانيه
تخالف الأنظار شرقنٍ و يمّه=كلٍ هدف رايه من الناس مرضيه
أنشدك ياللي كل شي تتمّه=تقرا الكتاب وكل فرضٍ تصليّه
ويش القليب اللي عميق مجمّه=ما سرّ غرسه ماه عطشى سوانيه
سمّ السبب يا عارفٍ عنه سمّه=سم السبب يا عارفه قبل اسميه

مخرج

أحدن ينام وحط راسه بكمه
..............وأحدن تخم النوم عينه وتخطيه
وأحدن يحاول بالردى بنت عمه
...............وأحدن يحاول ستر عذرا عوانيه

الموضوع الأصلي: أحدن يحاول بالردى بنت عمه ... وأحدن يحاول ستر عذرا عوانيه || الكاتب: عزيز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق