(الجبــــــلان و مجلس الامة 2012..؟؟!!!)

اقتباس: المشاركة الأصلية كتبت بواسطة المتيم     السلام عليكم ورحمة الله وبركاته تحيه عطره وبعد ,,, انا رجعت لهذه الصفحه اجباراً وليس اختياراً بمعنى (( مجبراً أخاك لابطل )) بداية طلب خاص مني إلى ادارة المنتدى تفضلاً وليس أمراَ ارجوا حذف ردي هذا بعد يومين من تاريخ اليوم إذا امكن لأنه مجرد رد بمثابة رساله من أخ لإخوانه وليس تعقيباً على الموضوع المطروح ولتنويه انا لست هنا لدفاع عن موضوع الأخت (( قمرهم )) ولكن دفاعاً عن الإساء التي لحقت بإسم الجبلان والأخت (( قمرهم )) شهادتي فيها مجروحه وهي غنيه عن التعريف وهي صاحبة قلم حر جريئ وقوي بإمكانها الرد بما تراه مناسب وليست بحاجه لفزعه مني او من غيري ولكني رأيت تأخرها بالرد او ترفعها من الرد وهذا حق مطلق لها فما كان مني الا الرد المؤقت وذلك لأن الموضوع بدأ يأخذ منحنا آخر غير المرجو منه مما يجعلنا في موقف محرج أمام ابناء عمومتنا من باقي فخوذ مطير والقبائل الأخرى قبل أن يحسب سكوتنا موافقه على مابدر من العضو الفاضل (( راعي الشاص )) والمؤيد لطرحه سيف الإسلام (( البث الحي )) على هذا الرد المملوء بالألغام المكشوفه على السطح والمدفونه تحت الرمال والتشكيك بشريحه كبيره من الجبلان وباقي فخوذ مطير وتوجيه التهم جزافا دون ادنى مسؤليه منهم علماً كان تعقيبي السابق متواضع جداً ومقيد بشكل كبير حتى لايسيء البعض فهمه فنخسر الاشاده والاحترام والتقدير من القبائل الأخرى الأخت (( قمرهم )) طرحت الموضوع لكي تبدأ العقول الشبابيه بالبحث والتفكير للمستقبل وتسليط الضوء على الأخطاء السابقه وتجنبها بالمستقبل مع التشجيع لمنافسه شريفه مع باقي المرشحين دون الخيانات والأمور الغير مشروعه وغيرها من الأمور التي قد تكسبنا الكرسي ولكن تخسرنا انفسنا وتسيء لتاريخ الجبلان التاريخ اللي يشيد به القاصي قبل الداني فلابد أن نكون حذرين بتناول هكذا مواضيع حساسه حتى لانفقد ثقة الناس فينا وهاهي بعض النقاط التي ذكرها اخونا (( راعي الشاص )) التي قد تسيء لنا كجبلان لأنه واحد منى وفينا ---------------------------------------------------------------------------------------------------------------------------------------------------------------------------------------------------------------------- الاول هو اشتغال بعض ابناء الجبلان مع مرشحين من برا الجبلان ومن برا وكان ما فية لهم مرشح مترشح للانتخابات والدليل كلامك يوم تقولين انك اشتغلتي مع البراك قبل وفية مثلك شباب كثير اشغلوا بالانتخابات الاخيرة مع مرشحين بعد وأن يكن وين المشكله في ذلك مسلم البراك اثبت وطينته والشغل معاه عز لأنه بطل ويستاهل ولا تنسى أنه ابن عم وللمعلوميه كان هناك غير الجبلان اشتغلوا مع طرقي وين المشكله فلا تحسس الناس ان للجبلان نفس عنصري بغيض وان كنت تقصد (( قمرهم )) لاتنسى انها قالت اتصلت بلجنة طرقي من باب التطوع وطنشوها يعني بيض الله وجهها كانت تفزع مع مسلم البراك ويوم نزل طرقي بدته على مسلم البراك وهالشي يحسب لها مو عليها لاهنتي يا قمرهم لكن من الموضوع نقدر نقول ان شباب الجبلان هم سبب الخسارة الاول لمرشحين الجبلان ارجوا عدم الجمع (( شباب الجبلان )) مره أخرى وتحملهم سبب الخساره وعدم حصرها على فئة الشباب فقط الثاني هو سؤء ادارة مرشح الجبلان نقدر نحمل الادارة 50% نسبة خسارة بس لانهم ما عرفوا يستغلون بعض الاحداث اللي صارت لصالحهم وماكان لهم تواجد كبير بالاعلام وما كان لهم نشاط واضح او خطة اوضحة وكان المفروض انهم يحطون بعض البهارات فوق بعض الاحداث ويولعون الدنيا لصالحهم (( وكان المفروض انهم يحطون بعض البهارات فوق بعض الاحداث ويولعون الدنيا لصالحهم)) > > لم يتطرق أحد لهذا الإسلوب الرخيص كحل مطروح ان كنت تقصد بالحلول التي أشرنا لها وان كنت تقصد الاحداث التي حصلت اثناء الانتخابات (( حرق مقر المعتوه / اقتحام قناة الوطن )) فهذا قمز ولمز محملاً بتوجيه تهمه الافتعال المتعمد من مرشحين مطير حتى يتكسبوا سياسياً !!! فأرجو عدم احراجنا مع ربعنا وبني عمنا الثالث هو عنجهية البعض من شباب وابناء الجبلان اللي شايفيين انفسهم انهم فوق بعض الناس وهم سبب كل تدهور للجبلان ومن وراهم بعض الاهالي والاباء اللي بنفس التفكير وهذا شي مؤسف وكان المفروض على الجبلان انهم يسوون تجمع ويدعمون مرشحهم بكل الوسائل اللي يملكون أأصبح الجبلان أهل عنجهيه من متى والكل يشيد بتواضعهم وقلوبهم اللي يصفونها بقلوب شماليه اشاره ان كلها حبابه وسعت صدر ارجوا عدم وصفهم بوصف لم يعهدوه ولم يتجرأ ان يصفهم به أحد من قبل الرابع كان المفروض على شيخ الجبلان الشيخ تركي بن لامي انة يوحد الصفوف خلف مرشح الجبلان بما يملكة من مكانة بين الجبلان ومعة كبارية الجبلان كان عليهم دور كبير لكن هم للاسف كانهم غير موجودين وماكان لهم اي ذكر وهذا ينحسب ضدهم مو لهم لانهم المفروض انهم يكونون القلب الاول مع مرشح الجبلان وكان مطلوب منهم جمع اصوات الجبلان كلها خلف مرشح الجبلان هل تم دعوت أمير الجبلان ورفض ولاتنسى الشيخه لها وقارها ومكانتها الرفيعه فلاتحاول تدنسها بإنتخابات وارجوا النظر بحسن نيه اتجاهمم ( أمير الجبلان وكبارية الجبلان ) ولاتحاول تسيئ لهم بهالفظ اللي ذكرت الخامس هم هم شباب الجبلان وابناء الجبلان من رجال ونساء لانهم اذكياء زيادة عن اللزوم وشلون لكم مرشح تبونة يفوز وانتم نصفكم ما عطى المرشح صوتة وقام يوزع اصواتة على علان وفلان من برا الجبلان والنصف الثاني عطى المرشح صوتة واصواتة الباقية قام يوزع اصواتة من هنا وهنا وكان المفروض حجب اي صوت عن اي مرشح ثاني مهما كانت الظروف وقصر الاصوات والتصويت على مرشح الجبلان بس ماشاء الله عليك مطلع زياده عن اللزوم وكيف عرفت هالمعلومه هل انت صندوق الإقتراع مثلاً أرجو انك ماتتهم بني عمك بالغباء وين كانت إدارة الجبلان اللي مشكلها طرقي ليش ماوجهتهم حق منو يصوتون ولا شنو كان دور هاللجنه السادس هو فتوة بعض مرشحين الجبلان كل سنة يطلع لنا اكثر من واحد يبي يترشح للمجلس ما يصير يا اخوان لازم يكون المرشح واحد بس ويكون علية اتفاق كامل من كل ابناء الجبلان السنة هذي فية اكثر من واحد ترشحوا ليش طيب تبون اصوات الجبلان تروح يمين وشمال وشلون طيب راح يفوز واحد منكم وهذا الشي كان المفروض ان كبارية الجبلان يكون لهم تدخل بالموضوع على شان الاصوات ما تروح يمين وشمال السابع لجنة الجبلان اسمها اكبر من حجمها بصراحة وين الناس اللي قايمة باللجنة هي يا ناس نايمين بالعسل وكان مالهم مرشح شايل اسمهم مترشح لمجلس الامة وين جهودهم وين دعمهم للمرشح وين اعلامهم وين دعواتهم للتجمع ودعم مرشح الجبلان كل هذا كان مطلوب منهم لكن للاسف نرجع ونقول ان اسمهم اكبر من حجمهم ودورهم يا ناس اننتم اسمكم لجنة الجبلان يعني لكم تدخل ومطلوب منكم في كل امر يخص الجبلان انكم تدعمون ابناء الجبلان بكل الوسائل المتاحة عندكم السادس والسابع > > بإختصار هذا ان كنت فعلاً لك نظره بالإنتخابات المرشح اذا طلع من الجبلان وصار مرشح قبيله اهنيه يوقف دور لجنة الجبلان يبدأ المرشح بتشكيل إداره خاصه فيه يعني لجنه مصغره بما يراه مناسب من شخوص تفهم بالانتخابات يعني طاقم انتخابي يديروله الانتخابات وهم اللي يوجهونه ويرسموله خريطة اللعبه الانتخابيه > وسلامتكم واتمنى محد يزعل من كلامي لاني بصراحة كنت اتمنى يفوز مرشح الجبلان لكن ...؟؟؟ لاأبد مامن زعل ماقلت الا درر وكلام موزون وبشرك مدام هذا فكر أحد ابناء الجبلان ابشر بالكرسي تراه قريب

لاهنت يا المتيم


اهم شي اننا نرجعك للموضوع ههههه ومدري لية انت متحمس قوة وانت ترد ياخي انا وسيف الاسلام اقصد البث الحي ( حلو اللقلب اعجبني ) ما اخطينا على احد ولا ظلمنا احد

كل اللي انا قلتة هو من كلامكم وردودكم بالموضوع ومن بعض المعلومات اللي عندي واللي تقول ان فية كثير من الجبلان صوتوا لمرشحين من مطير ومن برا مطير وهذا شي معروف لا تحاول تنكرة ولا لو كان في اتحاد وقلب واحد كان اول واحد يفوز هو مرشح الجبلان الا اذا كنتم تنكرون كلامكم بالموضوع من الاساس فهذا شي ثاني


وبعدين اكيد ما فية ملامة من العمل مع مرشحين اخرين سوا من مطير او من غيرهم وهذا شي عادي لكن النقطة هذي تضاف ضمن احد الاسباب الي ادت الى خسارة مرشح الجبلان لو بنسبة قليلة لكن بالاخير هي احد الاسباب


ويا اخي حنا نهدف من الموضوع اننا نعرف سبب خسارة مرشح الجبلان الا اذا كان ودكم بس نلمع ونسوي اجواء ما كانت وصارت وبالاخير كل ما صار فية انتخابات او غيرها نكرر نفس الاخطاء فهذا شي ثاني بعد


وانا بالعنجهية ما اقصد الكل وكلامي واضح قبل وانت عارف القصد لانة فية فعلا الكثير من الجبلان ما صوتوا لمرشح الجبلان والسؤال موجه لهم ليش وبعضهم صوت للمرشح ومنح اصواتة الثانية لمرشحين غير مرشحنا وايضا نسالهم لية بعد

الا انا بسئلك سؤال واتحداك تجاوب وبكل امانة هل صوت لمرشح الجبلان او لا واذا كنت صوت هل كان صوتك وحيد بس لمرشح الجبلان او رشحت بعد غيرة خلنا نشوف حرصك


وكل النقاط اللي انا ذكرتها عقلانية وتدور عن خسارة مرشح الجبلان وانت لك نظرتك ولكل واحد لة نظرة وهو حر سوى يقبلها او لا لكن هذا اجتهاد شخصي مبني على كلامكم انا ما جبت شي من عندي وهذا اهم شي بالموضوع ولاهنت على ردتك لموضوع خيو



تحيتي لك