باقة شعرية لأجمل الأشعار

باقة شعرية لأجمل الأشعار

باقة من الاشعار حبيت اشارك فيها اخواني واخواتي في قسم همس القوافي

أحرص على اللي دايم الدوم شاريك .....وأحذر من اللي لا قسى الوقت باعك
****
للي خذاه الموت تبكي وتنساه ... الموت من تبكي على فراقه وهو حي..!

****
المرجله مثل الدجى والوطا .. شوك.... ولد الردى ماظنتي به يناله

****
مو مشكله كذبتك ياسبدي اليــوم... المشكلـه وشلـون اصدقـك بكـره؟


****
ماقلت لي تقدر تحدى المقادير... وراك بدلـت التحـدي بالأعـذار

****
ماكل من يبعد به الوقت ناسيك... بعض البشر قدام عينك وينساك؟؟
****
قالو هبيل وجايزلي هبالي... اهبال طيب ولا صحاوت رخامه

****

دام الحشا بيتها وانا مدلّعها.......وش دخل القلب يزعل يوم توجعني؟

****

شعوري لو يـمر عندك اكيد انك تبي تركع .. تبي ترفع تعز نفسك تلاقي حضرتك ساجد ..

****

تكفى ترى تكفى تهز الرجاجيل... لولا ظروف الوقت ما قلتلك تكفى

****

ياحظ ابو من قام عدلٍٍ وقافي...ومشى بريضان تخالف زهرها

****

من مد لي يمناه مديـت لـه خمــس... ومـن صـد عني عفـت شيـفت بــلاده
لاني عزيز وعـزتـي تـحكم النفــس... والنفـس ماترضى بهـون المكــاده

****

حبيبي وش تقول بعاشقٍ قصة غرامه فيك ...نسى الدنيا ومن فيها وجا ينشد عن احوالك

****

من باعنا برخيص بتراب ينباع .. ومن عافنا كل الجوارح تعافه
ماني بحاجه حب راعيه خداع .. والحب ماهو بالغصب والكلافه

****

بشرب من الدله لوكان بها سم...مااهز فنجالي و لااقول كافي
مادامه بيمناك وتقولي سم...بسم الله اشرب كل سم عوافي

****
جا يشوف الحال كيفه بعدماهزه حنينه.. وقبل يسألني سألته كيف حالك يالحبيب
قال انا كني غريب مضيع دروب المدينه .. قلت انا كني مدينه تنتظر رجعة غريب

****

أتـعبني الحلم لين الواقع أنـــكرني ... كني مسكت الفرج بيدي وهديــته!!!

****

كانك بعيد الله يقرب بعادك ... وكانك قريب الله يقربك لي زود

****

الناس ماهمها ظروفك كود الذي يحزن لغمك... وان شلت حملك على كتوفك بتموت محد ترى يمك

****

تعبت أسال من المخطي تعبت أردد الموال ...مادامك ما سقيت الزرع ما لك حق في قطفة

****

ماكل من يضحك مع الناس مبسوط... ياكثر من يضحك ونفسه حزينه

****
حسافه يندفن حلمي واصير بعبرتي مسجون...حرام ايأس من الدنيا ولي في دنيتي غالي

****
تلعب بقلبي لعبة الطفل بالطير...الطير ميِّّّّّّت و الطفل ما درى به

****
من شهور وأنا ألمّح..إني أحبك.. إني أعزك....في النهايه صرت أصرّح..عيـّأ تصريحي يهزّك

****

ودي قبل موتي أرد أعتباري... أخاف أموت وخاطري منك مكسور

****

تفداك نجد ومن على الكون يفداك ... و يفداك عمري مع بقاي من شبابي

****
روحي وروحك .. صاغها الله في روح .......... لا فرق الله بين روحك وروحي

****

قال العلوم وقلت عقبك عوافي...مامن جديد و لارفيق على الدين

****

اتبعك كيف اتبعك وانته مقفي ...غشيم من يتبع غرام المقفين
ان كان حلمي معك معناه ضعفي ... حسبك ترى تحت الرواسي براكين

****

لو كل غالي جابه الله لغاليه... ماشفت لك مخلوق تبكي عيونه

****

تغيرتي .. وكل شي ن .. تغير ....اظنك عن لضى شوقي كبرتي
انا ماني على كيفك مسير ... انا الربحان .. وانتي اللي خسرتي
****

كل مادعيت الله يجيبك زدتني ببعاد... رح الله لايردك يمكن الدعوات مقلوبه

****

لو الشجر ينبت عزيزين وملوك...والله لأشوف أسمك بعالي ورقها


****

رخص الحصان ورخصو الطيبيني... وغلي الحمار وماشبهله من الناس

****

عزي لمن جاله ورى النذل حاجه... ياعنك ماحده زمانه على خير

***

انا جعلتك نور.. وانت من الطين
جره قلم... وامحيك من عالم النور

****

لو كان قلبي ناوي اليوم ينساك ... لقطع عروقه وانزعه من مكانه

****

من حبكم عيايجي عيني النوم...ومن كثرمأسهر باعوأهلي افراشي

****

شفت الكويت بكبرها وانت موجود....ماهي بعيني شي لاصرت غايب

****

ربع الرخا عديتهم فوق الألفين...ووقت الشدايد ماوقف غير واحد

****

لو الغلا يورث على مر الاجيال ... غلاك عقبي يورثونة اعيالي

****

من يأمنك بكرة على بيت وأطفال؟... وهو امس يشوفك خاينه بيت اهلك

****
تجي دنياي او تدبر... عزيز في كل حالاتي
انا فرحي لمن حولي... وايامي فداء اصحابي
****
حبك بقلبي لو ملك موقع الشمس... احرق جميع الي على الكون يمشون

****

من يشتري قلب همومه ملايين ... ويبيعني قلب من الهم خالي
عجزت أعدل مايلات الموازين ....الى اعتدل ميزان و ميزان مالي

****

تعيش بالوجدان ماعاش هالراس .. لولاك قل لي وش انا عايشٍ له

****

ازعل وكان رضاك في حبت الكوع... كسرت انا ايدي وحبيت كوعي

****

إليا شان وجه الزمن ما زان وجه الرفيق .......ياليت الاصحاب زانو يوم شان الزمان

****

ارحل مع اللي قلبك اليوم يهواه ... هذا حبيـــبك رووووووووووح والله يهنيك

****

ماكل من حبيت وغليت يغليك....وماكل من تشفق على جيته جاك
تسهر تخيل... نايم ماحلم فيك ....لا.. ولا جاله على يوم طرياك

****

ان عشت باقتل داخلي حلم ما مات ... وان مت ماتت ذكرياتك مع الروح

****

جايز انك في غيابي تقلب الدنيا علي... بس انا من قبل أشوفك ...قالب الدنيا عليك

****

ما كل من يضحكلك تلاقيه يغليك... بعض العرب يضحك وقلبه حقودي

****

ابرمي كل مافيني من جروح الزمن وانساك... خلاص اسمك من افكاري قتلته بسيف نسيانك

****

من حبكم صرت البس الثوب مقلوب ... ادور شماغي وهو فوق راسي
****

مع غيري العب وبين له مهاراتك ... لو كنت مثلك بدون احساس لاعبتك

****

الموت حق وكلنا ذايقينه... مير البلا من ذاق موتَ ولا مات

****

أحترت كل ما جيت اوصفك.... كيف أخذت الملح كله و أنت حالي

****

والله اني ما اتنازل لك واطيع... لين اخليها تضيق ابك السعه


****

خلك على خبري كما ريحة العود ...اذا احترق بالنار يزداد طيبه

****

الموت ماهو لاتكفنت بتراب... الموت لافارقت حي تحبه

****

مشيت من شانك على كل ممنوع ... مدري جنون الحب ولا شجاعه

****

خطاي اني سئلت ورحت ادور للغياب اسباب ....خطاي اني تعلمت الوفاء والناس كذابه

****

شريت لي ثوبٍ على شان لقياك ... والثوب راحت موضته مالبسته

****

ماقلت لك عمر سيف العشق مايقتلك ... ماتشوفني حي قدامك وانا اموت فيك؟

****

ماأقول أحبك يكفي متولعن فيك ...كلمه أحبك قالها ألف غيري
****

القلب يجبرنى عليك انت بالذات ... ولا العرب واجد وغيرك مزايين

****

ابشر بعزك لو تبي الجدي وسهيل... انا رفيقك لاقبل الوقت واقفى

****

أحلم وحلمي صعب بالحيل بالحيل ...من يخرجه من وسط عنق الزجاجه

****

من كثر صدماتي بناس كثيرين ... صرت اتحرى صدمتي من ظلالي

****

مابيني وبينك مشاريه وعتاب...شف دربك اللي جيت منه تدله
ماراح تغلبني لو الحب غلاب...من حضرتك عشان قلبي تذله

****

عشقي ماهو عشق مزخرفين المظاريف .... حب تربع بالحشى ما يروحي

****

تعالي فاحت دلة الشوق بالهيل ... ما غير انا وهموم صدري معازيم

****

اردى الشعر قول يجي في محله... احلا الشعر قول محله يجي فيه

****

لو سمعك ابليس وانتي تضحكين.... والله المعبود ان يسجد غصب

****

لولا إشتعال النار ولولا لهبها.. ماكان طيب العود ريحه عرفناه

****

مادام نلت العز فاالمال هيّن .. ماكان فوق الأرض تاليه للأرض
****

خلي جمالك ينفعك ... واستغليه ... روحي ورى اللي قال لك ياحلاتك

****
مااخترت انا الطيب .. انا مختارني طيبي... من علم الحر يشهر في مراقيبه

و تقبلوا المسك من حامله
أختكم جبليه جامعية

الموضوع الأصلي: باقة شعرية لأجمل الأشعار || الكاتب: جامعية || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق