من هيبته من صيحته ترجف القاع . . !

#1 25-04-2007, 05:16 AM

السلام عليكم . . هذي قصيده الشاعر مطلق الجبعاء أعجبتني وحبيت اني انقلها لكم . . اتمنى ان تنال علي رضائكم

يا مل قلب ٍ كـل مـا قلتلـه هـد=قام يتهشم من ورا حدب الاضـلاع
اليا طرت طريا المواليـف يرعـد=واليا نهيته ما سمع لي ولا طـاع
وجده وجود اللي مورد على العـد=وعيو هل المارد على ورد الاقطاع
وبغى يسايسهم وعيو عـن الـود=وكل على رايه صـدود ومنصـاع
فكر بـذود ٍ مـن ضمـاه يتهبـد=وصمل وماهو للمعاديـن مطـواع
تكاونـو والعـود مالـه مسانـد=ينخى ولا حوله من الناس فـزاع
وقام يتعزوى والحق الجـد بالجـد=يكـر بلحالـه ولا هـو بمرتـاع
شق الصفوف لعين رويانـة القـد=وحول ومد اللي للارقـاب نـزاع
ياخذ علـى الجمعيـن رد ٍ ورا رد=من هيبته من صيحته ترجف القاع
وحول عليه اللي من القوم منهـد=وصكه على رجله وكسرت ولا فاع
ثم ربطوه وكل مـن ناظـره لـد=عزيز قوم وذلتـه قصـرة البـاع
تقاسمـو ذوده ولاهـو مـعـود=قدام عينه ميـر طايـع وخضـاع
وضح ٍ بياض اوبارهـن متزايـد=برق ٍ من القبله على مزنته شـاع
راحن ومن وما فيه ما عاد به سد=ارخت عيونه فوق الاوجان الادماع
نوب ٍ يكابد كسرت الرجـل والكـد=ونوب ٍ يجاوب عوية الذيب لا جاع
وبعد التعب حصل مع الموت موعد=وحتى وهو ميت تعشنـه اسبـاع
هذا وجوده وجـد قلـب ٍ مجاهـد=اليا سلم من صاع يردفله بصـاع
عليك يالمجمول يـا باهـي الخـد=يا سلعة ٍ ما هي لشـاري وبيـاع
طالبك يا راعي الجبيـن المـورد=ناظر بعيني كود تشرح لك اوضاع
عن كل زين ٍ غيركم خافقي صـد=اعطيك ودي وانت تعطيني اوجـاع
اغليـك و اودك وداد ٍ بـلا حــد=والقلب بفراقك حزيـن ٍ وملتـاع
رح واعرف اني لو تصد وتباعـد=مسكر ٍ عن عاذلك كـل الاسمـاع
وان جاك يوم وقلت لك بتركك جد=اصير مفري ٍ فري عشرة اصبـاع

سلامـتـكم