(الجبــــــلان و مجلس الامة 2012..؟؟!!!)

اقتباس: المشاركة الأصلية كتبت بواسطة " فهد الجبلي "     . . نسيتوا الجحيدلي ؟ سحقاً للجيل التالي ,

هذا بالذات المفروض ماينسونه..>>


حرااااااااام عليكم صدمتوني ...

اولا..
السلام عليكم جميعا ورحمة الله وبركاته ..

ثانيا..
صدمتونـــــــــــــــــــي ..

ثالثا ..
مشكورين كلن بأسمه..

رابعا..
الجحيدلي (مقلدي)
محمد خلف المهمل (عناني)
مفرج نهار الهمل (يحيوي)
صياح شايع ابو شيبه (عناني)

وماادري اذا في غيرهم وصل للمجلس من الجبلان..
بس هالأسماء متأكده منها ..

و الأكيد ان محمد المهمل / ومفرج الهمل
دخلوا المجلس من بعد التحرير أي سنة 91
محمد المهمل اعتقد اخر دخول له في سنة 96
اما مفرج الهمل كمل لي سنة 98

يعني سنة 98 كانت اخر سنه يدخلون فيها الجبلان للمجلس ....
طبعا من 98 لي 2012 كثير اللي ترشحوا
منهم اسماء بارزه مثل مرشحنا الحالي
طرقي سعود المسيب
ومفرج نهار الهمل
اعتقد سالم القريني
واعتقد واحد من العلاج
ايضا الدكتور/ فلاح بن غيام
وابو شيبه
والمرد ..

ألاتعتقدون ان اسم الجبلان يستحق ان يدخل المجلس .....؟؟؟؟
من سنة 98 واسم الجبلان لايتصدر قائمة الفوز ....

سؤالي .......
لمـــــــــــــــــــــــــاذا ............؟
واين الخلل والعله ...؟

مع الاسف الأنتخابات الأخيره خذلتنا بشكل رهيب ..
واوجعت قلوبنا.....
خصوصا ان البعض تهاون بالتصويت..
اكيد ان من وصل من مطير للمجلس كفووووو ويستحقون بجداره
بس حرام بالرابعه فقط اربع اسووووود
والمتوقع ان يكونون ست اسود من مطير .....
وسابعهم بالخامسه ..

حســـــــــــــــــــــافه يالجبلان ..اعتقد ان هذي كانت اخر فرصه لنا ..
وبعد هالأنتخابات انســــــــــــــوا تدخلون المجلس ..
واعتقد بل اجزم انكم توافقوني الرأي ...

خلص موضوعنا لأن الأنتخابات خلصت وانحسم امر الفوز والخساره بس
لازال النقاش مفتوح ونتقبل أي طرح لايحمل تجريح لأي طرف
والعشم فيكم كبير ..

شكرا لمن ابدى رأيه وساهم ..
وشكرا لمن قراء بدون اضافه ..
يكفيني شرف المتابعه ..

محمد بن حلبيد/
اسماءك صحيحه 100%
الله يعطيك العافيه ولاهنت..

دمتم كما يحب الرحمن ويرضى/
اختكـــــــــم/
(*قمرهم*)

الـ 5 الحاليين عن 50 ..

وسواء كان جبلي أو غيره فهو يمثل الشعب كله ومايمثل القبيلة فقط ..
لأن قناعات الناس من جميع القبائل والعوائل أعطتهم الثقة وليس مطير فقط ! ..

وعن نفسي يوصل سيف مجرب أمثال المعارضة خير من المغامرة بسيف جديد !!! ..

وبخصوص 6 من مطير .. فهذي حيل بعيدة نظرآ لعدد المرشحين ..

والمتوقع كان 3 أعضاء فقط .. لكن الله رزقنا برابع .. وخامس بالخامسة ..

اقتباس: ألاتعتقدون ان اسم الجبلان يستحق ان يدخل المجلس .....؟؟؟؟ من سنة 98 واسم الجبلان لايتصدر قائمة الفوز ....

لا يستحقون دام أنهم ماتصافوا بينهم والحسد منتشر بينهم !! ....
كلنا عيال قريه وكلن يعرف خيه !! ....

وكلنا يعرف ان " المتحدون = متفرقون " ..
مخرجاتها حكومية بحتة ولايختلف عليها عاقل !! ..
وهذا ما أسقطها وسيسقطها مجددا أن عادت نفس الأسماء ..!!

وبالعكس الأنتخابات ماخذلتنا ..
بل أفرحتنا بوصول الاحرار أمثال البراك والهايف والوسمي والوعلان

وإذا عن الجبلان = علوى = الوعلان ..

ومطير كلها كسبانة بالمخرجات المشرفة ومحد خسر فيهم

اقتباس: المشاركة الأصلية كتبت بواسطة الشعلي     لا يستحقون دام أنهم ماتصافوا بينهم والحسد منتشر بينهم !! .... كلنا عيال قريه وكلن يعرف خيه !! .... وكلنا يعرف ان " المتحدون = متفرقون " .. مخرجاتها حكومية بحتة ولايختلف عليها عاقل !! .. وهذا ما أسقطها وسيسقطها مجددا أن عادت نفس الأسماء ..!! وبالعكس الأنتخابات ماخذلتنا .. بل أفرحتنا بوصول الاحرار أمثال البراك والهايف والوسمي والوعلان ومطير كلها كسبانة بالمخرجات المشرفة ومحد خسر فيهم

كلام 100% يالشعلي
وأهل مكة أعلم بشعابها

ماني جبليه بس اسمحي لي قمرهم بعقب

والنعم والله بكل الجبلان

لكن هالعنصريه بين القبيله هو الي خلا الجويهل وربعه يتجازون حدهم

جبلي ديحاني هاملي مريخي

المهم يصل واحد كفووو للمجلس

ليه اصوت لواحد واقطع الصوت كله فزعه لبني عمي وبالاخير كلهم افلسوووا

انا مع الشعلي بكل كلمه قالها

المتحدون مخرجات حكوميه

وااضحه وهذا الي جعل الناس تتجه لمسلم وعبيد بالتصويت لثقتهم بتوجهم



ماحب العنصريه ولا التحيز لفئه دون اخرى خاصه لاصار الامر مصلحه وطن

ولد عمي على عيني وراسي بس وطني يستحق الافضل

راي شخصي واتمنى تتقبلونه بكل رحااابه صدر

يسلموا قمرهم

والله انا اشوف انة كان المفروض يفوز واحد جبلي لكن شكل عيال الجبلان يوم التصويت نايمين بالعسل

ونصفهم مراح يصوت وهذا اللي خلنا بالمقاعد الخلفية الانتخابات تبي ناس حية وفيها شهامة وحمية لعيال عمها مو كلنا عيال قرية على قولتهم

لانها مقولة عنصرية البعض يتحجج فيها هاليومين وحتى لو صار بين البعض خلاف هذا ما يمنعة انة يصوت لولد عمة لانة بالاخير كلهم جبلان والكل رابح لكن للاسف

رحتو فيها يالجبلان وكل واحد يجركم من جهه لين ضيعتو الجرة والطريق نعنبوا ابليسكم انتم عددكم بس كافي انة يفوز جبليين مو جبلي بالله عليكم وين راحت اصواتكم لعلان وفلان وفلان وخليتوا ولد عمكم


معصب


تحيتي لكم

صراحة كثير من الجبلان لا يستحقون الوصول الى المجلس الا القله القلائل

اللي لهم مواقف مشرفه لدى الجميع ’’

و حتى لو ما وصل جبلي للمجلس

الاهم انه يكون مطيري لا اكثر و لا اقل ’’

الشعلي ...

لا اعتقد اني جبت طاري المتحدون ..
الكلام على الجبلان فقط ..

اوافقك بمسألة الحسد وانهم مااتفقوا هذا بخصوص الجبلان..
اما حكومي وغيره
فلم يدخل للمجلس ليصنف من الحكوميين ..
طبعا مخرجات مطير ماعليها كلام ..
بالرغم من انني ارى احدهم كفقاعات الصابون
مليء بشوفة النفس ..
والله يستر منه ..
بس رايك وصل بكل وضوووووح ..
وتشكر على المداخله ..

مستر جبلي ...

افهم من كلامك ان مكه كلها صارت الشعلي ...

^_^

تشكر مرور ولا اروع ..
تعجبني متابعة اخواننا السعوديين للحياة الساسيه بالكويت ..
لدرجة وقت إظهار النتائج يسهرون معنا ومنشغلين بقوووه ..
بجد يسعدني هالترابط ..

هلا باختي الجميله جمره ..

ايضا لم اذكر اني جبت طاري القطع ..
بالعكس التزم بأربع اصوات لضمان مطير ..
لكن مخرجات الفرعيه حكوميه هذا اللي ماني قادره استوعبه
وعلى ماذا استندتم من ادله ....؟!
انا بعد اقدر اقول هناك رجال كفو من خارج مطير
يستحق ان يكون بالمجلس لأجل الوطن ..
هل يعني هذا ان اعطي لغير مطيري
والله لن اقصر الصوت عن مطير ..

اما جويهل اترفع حتى عن ذكر اسمه او طاريه في موضوع ..
مكانه معروف عزكم الله ..

وايضا تضل مسأله شخصيه ..
مرور رائع كالعاده ..

رعي الشاص ..

انت كذا ..

والله اوافقك الراي
حتى ان قالوا عنصريه ويقولون اللي يقولونه ..
والله ان عنصريتي للجبلان بالدرجه الأولى
ولمطير ..
حرام يروح علينا كرسي ..
وحرام بالرابعه بس اربع كراسي ..

ابو علي ..

اشكر لك هذا المرور والتعليق ..
لكن لااوافقك الرأي ابداً ..
هناك رجال من الجبلان نعتز ونفخر بهم ..
وهم كثر بفضل الله ..
نبتتنا طيبه ولله الحمد..

شكرا لك ..

دمتم جميعا بحفظ الله ورعايته /
شكراً للجميع ..
(*قمرهم*)

صباح الخير ..
والسلام عليكم ورحمة الله وبركاته ..

من وجهة نظري******
لايوجد شخص يستطع أن يمثل الجبلان في مجلس الأمة في الوقت الحالي .
ولو أني أعتقد لو أن الأخ الكريم : مفرج نهار الهمل******كان من ضمن المرشحين في الانتخابات السابقة
******أعتقد والله العالم بأنه سوف يحصل على كرسي مطير الخامس******
بس قدر الله وما شاء فعل .

وهنا كان يجب على الجبلان عدم تزكية كل من طرقي سعود ونايف المرد مع احترامي الشخصي لهم ،******ولكن يجب علينا الأعتراف بأن هؤلاء الأخوان طرقي .. نايف لاتوجد لهم كايرزما******
ولو نظرنا إلا الأخ الكريم مفرج نهار لاوجدنا أنَّا له كايرزما وشخصية له حضورهـ وقبول في الأوساط .

أما بخصوص نجاح اربعة اعضاء لـِ مطير في هذا المجلس فقط وسقوط الباقي فـ السبب يعود بعدم الأالتزام في الفرعي فجميع الأخوان الناخبين من مطير كلاً يصوت لي أبن عمه المشارگ في الفرعي ويعطي صوته الثاني للي خارج الفرعي .

اتمنى باني لم اغرد خارج السرب في مشاركتي في الموضوع وأن اكون قد اصبت الهدف .******
ولله الأمر من قبل ومن بعد .

شكراً علي طرح الموضوع المُهم .

تقبلوا مشاركتي بصدر رحب
اخوكم ..

(( قمرهم كلهم ))fficeffice" /

يسعدلي مساك ومساء الإخوة والأخوات الأعضاء الكرام

بداية حبيت اقول :

ان كانت الانتخابات تقاس بالحميه

فعلمي
انك الأجدر بالكرسي وتستحقينه بلا منازع

(( فالج المجلس القادم بإذن الله ))

>>
** مقدمة إعتذار وارجوا قبولها **
>>
سيدتي كما تعلمين ويعلم باقي أعضاء المنتدى العامر
ان من بعد انتشار
الهواتف الذكيه الجديده وفي طياتها الكثير من البرامج الشيقه وخاصتاً
التويتر
حصل منا تقصير شديد جداً اتجاه منتدياتنا
وهنا اخص بالذكر منتدى الجبلان
اللي له طابع خاص عندي كوني ابن هذا المنتدى العامر بأعضائه الكرام

لذلك ارجوا ان تستميحلي عذراً بالرد والتعليق
على موضوعج الشيق لأني احد اعضاء المنتدى المقصرين
والواجب يحتم علي التواصل والوجود دوماً هنا وهذا اعتراف مني بالتقصير.
>>
أولاً :
>>
شدني موضوعج الجريء
ولم استغربه منج بالذات لأني كما عهتدج جريئه بالطرح
وهذا مايمييزك
>>
ثانياً :
ملاحظه :

اعجبتني ردود الأعضاء ولكن توقفت عند رد العضو الفاضل

الشعلي

فيه من الصحه لا انكر *
ولكن كان به نوع من الحده التي لم تعجبني وكأنه هجوم على مجموعة متحدون وكان هجوم مقزز
>>
ثالثاً :

تعليقي :

اعلم ان الكثير لايوافقوني الرأي على تعليقي
ولكن ماهي إلا وجهة نظري الخاص

اختي الفاضله

إذا سمحتيلي ماراح اعلق على الجبلان بشكل خاص
راح اعلق بشكل عام على مجموعة متحدون
لأني لو علقت على الجبلان خاصه راح يكون هناك
قمز ولمز وتجريح نحن في غنا عنه لأن الصراحه مرات تزعل
لذلك سأتجنبها
سأجعلها على متحدون والتفسير يقاس على الجبلان

الجواب بختصار

سبب الخساره هو سوء الإداره وليس سوء المرشحين

لأن الشخص يبين معدنه وأنه كفوء أو لأ بعد تربعه على الكرسي وليس قبل

وهنا نستذكر

- عواد برد وكيف كانت عليه الأمال ومن ثم قلب
- خالد لعدوه = = = = =
- الحوت سعدون حماد = =
- خالد خضير العنزي = = =

- وغيرهم

في المقابل الكل اجمع

على شعيب المويزري انه بصام وطلع العكس
وعلى الصيفي مبارك الصيفي كذلك


ومتحدون لم يشرفوا الكرسي الأخضر حتى نعرف كيف هم واين توجههم



الجواب مفصل :


الانتخابات يلزملها اداره تقرأ الساحه بشكل إيجابي
وهنا سأتحدث عن آخر انتخابات
الكل رأ ردورد الأفعال التي يستقلها كل مرشح من قبل إدارته وتوجيهه
ونجد ان ادارة متحدون تسير عكس التيار
وكأنها تمثل ان المتحدون اعضاء بصامه وحكوميين
وهذا اللي رسخ بعقول الناخبين وخاصتاً الشباب

مثلاً :
أ) حرق خيمة ( المعتوه بالعديليه )


شوفي الكل جهزله خطاب حماسي وانهم سيأثرون كثورة الزير سالم لأخيه كليب
ولكن متحدون .
استضافوا النائبين السابقين المشهور عنهم انهم حكوميين
( الدويش / رجا حجيلان )

ماذا تتوقعين ردة الفعل لدى الناخب ؟

الكثير اشاروا على ادارة المتحدون عدة اقتراحات ومنها

أ ) ان يأتي كل مرشح بألف ناخب من مطير ليقسم امامهم ان صوته مايطلع من متحدون

فيكون قاعدة كل واحد ( 4 آلف )
ولكن إدارة متحدون لها رأي آخر

لم أكن اعلم ماهي الخطه التي وضعتها ادارة متحدون


والدليل


أ) لا يوجد اعلام يعدد مثالب وماواقف متحدون بشكل كبير
ب) لم يستظيفوا شعار كبار لهم جمهورهم من الشباب لإثارة الحماس


كذلك اشار البعض لإدارة متحدون ان يتنازل عضوين عن الترشيح لكي تكون الفرصه
أكبر لهم بالنجاح لأن الأجواء العامه ليست لصالحهم ولكنهم أبو هذا الإقتراح


د) لم يكن لدى إدارة متحدون اي رأيا إنتخابيه مجرد إداريين حسابات فقط
ولا ودي اسيء الظن بهم واتهمهم وقول حاكوا خيوط مآمره لأجل هزيمة متحدون شر هزيمه
وهذا مايتمناه الخصوم


ولديهم الكثير الكثير من الأخطاء بمعنى انهم وجيه تلحس مو كفو ادارة بقالة بطريق السالمي


وان كنتي تبحثين عن سبب عدم رجوع الجبلان للمجلس فهو سوء ادارة الجبلان
للأننا ولله الحمد لاينقصنا شيء
فقط سوء اداره


فهذا كان رأي بسبب سقوط الأخوه متحدون


لذلك ارجوا عدم ظلم متحدون أو غيرهم ورشقهم بتهم تحت حجة
ان سبب سقوطهم هو انهم حكوميين وبصامه


اعلم اني أطلت
ولكن يجب ان اوضح المسأله بشكل مفصل
وشكراً على سعة الصدر