:[ جـديد إبن فطــيس]:

:[ جـديد إبن فطــيس]:

بسسسم اللـه الرحمـن الرحيم أضع أمـأمكم دره مـن درر إبن فطـيس
ماهـو بكفـو الوقـت حبـك يمحـيّـه
ياللي تخـاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكـراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه

شرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضـاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نـوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّك....... واستغفـر الله
مـع فائق إحترامي وتقديري إخـــوكم
ذيــب اللأمي،

الموضوع الأصلي: :[ جـديد إبن فطــيس]: || الكاتب: فيصل بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صــح اللسان بن فطيس ولسان ناقلهــا

يعطييكـ العافيــة ع الطـرح

الـرائـع والاختيــار الارووع

لاهنــــــــــــــــتت

ولا أنتي إختي قبلة مطير .
تقبلي أحترامــي
إخــؤتس
ذيـــب اللأمـي

ذيب

قلت جديد بن فطيس جيتك طاايره

^ _ ^


لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه


هالقصيده قديمه

لكن كل مره اقراهاا استمتع فيها كاني اول مره اقراهاا

روووووووعه هالشاعر

اختيار موفق اخوي ذيب

اشبعتني شعر

عشـان اشـوف اذا محبتـك ..ترفيـه
والله لا اقفي عنّك....... واستغفـر الله

من اكثر القصايد اللي احبها لبن فطيس
لا هننننننننننننننننننننننننننننننت ياذيب
تحياتي وتقديري لك

اقتباس: المشاركة الأصلية كتبت بواسطة * جمرة مطير *     ذيب قلت جديد بن فطيس جيتك طاايره ^ _ ^ لا تنزعـج هـذا خفـوقـي وباقـيـه ولا تضايـق مـن تصـدع زوايــاه قـد زلزلـه فرقـا وهـزت عراويـه والله ستـر والحـظ عـانـه وعـافـاه وكانه صلح لك واعجبـك زيـد تبنيـه ابـنـه وجـهـز للمقابـيـل مبـنـاه هالقصيده قديمه لكن كل مره اقراهاا استمتع فيها كاني اول مره اقراهاا روووووووعه هالشاعر اختيار موفق اخوي ذيب اشبعتني شعر

ههههههههههههههههههههههههههههههه. أدري أنهأ قـدينه وانا متعمد عشـأن أجــذب الكـل لهأ .. تقبل ودي وإحترأمي إخــوتس
ذيــب اللأمـي

أحمـد أهـم شي إنهـأ أعـجبتـك .ولأ أنــت . تقــبل خألص ودي وإحترأمي. إخـؤك
ذيــب اللأمـي,,

ذيب الامي ..

أنت اكتب ابن فطيس .. وشف الاعضاء الي يدشون

لاهنت وبيض الله وجهك ع النقل

سعـؤد لأهنننننننننت عـلى المرؤر الكـريم ولك منـي كـل التقدييـر .. وهـذا من حبـهم للمبدع محمد إبن فـطيسس.
إخـؤكـ .
ذيــب الامـي

شفتك كتبت جديد بن فطيس جيتك هروله




اختيار رائع ياالذيب




لاهنت عليه