سجل دخولك للمنتدى ببيت شعر

الله يمسيك بالنور والرضا

المرجله حبله طويل ومدووود= ياكود من تقصر عن الما حباله
والى قصر حبله فلا هو بـ مزيود = كم واحد ٍ يهفي مقامه فعاله
اللي يريد الجود ماهو بـ مردوود =شوف العيون ولاتريد الدلاله

يالله ياللي كل حــي يراااجيــــه=ياللي بما يخفى على الناااس عــــلام...
يامن دعــاه ايـووب من جــوور مافيه =وانجـا الخليـل وذل عبـاد الاصنـام...
تفـرج لقلب ٍ كا ثــراات ٍ طـواااريـه=تارد همومه بالحشـا فـرد واتوااام...

صاحبي يلبس البرقع ماهي عادةٍ له=مير اخذ سلم جيرانه وصارت طبيعه
مثل من قال لاجيت الوطن خذ دله=اتبع الناس وان ماطاعك الوقت طيعه
هيه يلي مكلفكم على برقع له=وسعو قرضته ترى عيونه وسيعه
فصلو له حرير ناعماً مايمله=حيث بشرة خدوده بتأثر سريعه
صاحبي لاهرج تشفق على هرجةً له=من حلاوة كلامه كن هرجه يبيعه
يوم اشوف المحاجر والرموش المضله=وعاتقاً كنه رقبة الغزال الرفيعه
ياصلاة النبي وش جمع الزين كله=لو بحنيه كنه بالأصايل طليعه
كامل زينه الصافي وهي تستغله=بالعقل والانوثه والمحاسن فضيعه
عيني اللي على شوفه ودوداً مغله=ماغضى جفنها تمسي وتصبح وجيعه

هالله هالله ... للمدبع سليمان الهويدي ..

اهلا ياخوي بكيفي ..

سلام يا حر على الطيب المتبوع != من بيت عز ما تغير طبوعه !

اااه يا كبر القهر لا صار ما بـ اليد حيله=والجروح من القرايب والخطا مني وفيني
إن نويت اشفي غليلي ما لقيت أي وسيله=كيف ابلقى دام جرحي سبته طعنه يميني

يضحك بي الشامت إذا قلت ما آتوب
ويحزن صديق العمر ممـا يجينـي
ليته يغطي لوعة العاشـق الثـوب
والا عيونـي مـا تبيـن حنيـنـي
وان كان تعذيب المحبيـن مكتـوب
على عذاب الحـب ربـي يعينـي

امسك خيوط الليل وأقول وش عاد!!
ينفع وجودالذات من غيرذاتي!!
واعلن ضياعي واترك النفس تنقاد!!
يم السراب وبالصحاري مباتي!!
واركب سفينةفوق الأمواج نشاد!!
وييين الصديق ووين فاهم حياتي..

لا تعاتبنــي دخيلك انتهــى وقــــــت العتــــــاب=دام ما للحــــب قيمــــه ويش لـه نعيـــد ونزيـــــد
ودامــك اللـــي للخطايا مشــــرعٍ عشريــــن باب=العتــــب ما ظــــن يقــــدم لا ولا حتــــى يفيـــــد
مــــن هويتــــك وكنـــي الظامي ويتبع له سراب=لا اقتــــرب يمـــه تلاشــى وابتعـــد عنـــه بعيـــد
حايــــرٍ تاه بدروبـــــك ولا نقــــل غيــــر الصواب=كـــــم نــــزفه الشــوق لجلك وللأسف قلبك جليــد
وكـــم تعثــــر به سؤالـــي ولا لقــــى منك جـواب=غيــــر جورك والتجنــــي ما جنــــى شيٍ جديـــد
اشهــــد ان الحـــب كافر وأكثــــر أيامــــه عذاب=لا غـــدى منهــــو تحبــــه قاســــيٍ رايـــه عنيــد
وعشـــــرةٍ فيهــــا مذلــه يا عساها للذهـــــــاب=ليتهــــا تفنــــى وتبقــــى عــزةٍ عــــيت تبيــــد
لجـــل لـــو حتــى طرى لي وصلكم قلت الغيـــاب=ولا اعتــــزمت إلا رحيلـــــــي والشديـــــــــــــــد
بتـــــركك يا حــــب عيّا ينجلـــــي عنـــه الضباب=أيــــه نعــــم هـــذا قراري وانتهـــى قدرك أكيد
وكان قصــــدك فـــي مجيك تفتح أبواب العتــاب=أنصحـــــك وفــــر كلامــــك لا تعيـــد ولا تزيـــــد

هالله هاالله .. المبدع فيصل العدواني

المشاركة الأصلية كتبت بواسطة اخت القمر

اهلا ياخوي بكيفي ..

سلام يا حر على الطيب المتبوع != من بيت عز ما تغير طبوعه !

^
^
المهلي مايولي اختي قموره

اباانذر اللي من ربوعي يبا الطيب = لاياخذ الا من بيوت الشجاعه
يجي ولدها مدرب كنـّه الذيب = عـزّ لبـوه وكل ماقال طاعـه
وبنت الردي ياتي ولدها كما الهيب = غبن ٍ لبوه وفاشله بالجماعه

بـ أقـول لك بيت وأنت اللـي تبي سـوّه
ــــــــــــــــــــــــــ حـتـى لـو تـجـامل علومن مـا أدانـيها

يا أمـولـّـع الــدوّه ويا أمـطفـّـي الــدوّه
ــــــــــــــــــــــــــ ( الـنـار مـا تحرق الا رجل واطيها )


افهم يا مدعي بالفهامه !!