خنيفس ابوشيبه وكرمه

رحم الله الوالد خنيفس ابوشيبه
واسكنه فسيح جناته فقد عرف
عنه الكرم وحسن الجوار وكان صاحب
طاعه وفيه ميزه طيبه نادرآ ماتجدها في
احد هذه الايام فهو لايحب ان تتكلم في احد عنده
ولايحب اغتياب الناس
رحمه الله وجعله من عتقائه من النار
وشكرآ لك اخوي على هذه القصه

الله يجزاك خير اخوي عادل الله يرحمه ويرحم اموات المسلمين

فعلا خنيفس كان على كثر ضيوفه ولي يعزمهم كان قليل الكلام

كان بلغزو يذبح ست ؤسبع ذبايح احيانا حسب ضيوفه خاصه في بداية الغزو

وكان الجميع يعاتبه ايام الغزو على كرمه خايفين عليه من الفقر

كان كل ماشافله رجال اجنبي مهو من اهل الديره جابه وغداه في بيته ولا عشاه
هذا طبعه طوال حياته

ؤفيه سالفه تدل ان خنيفس كان كثير الصمت

كان دائما يعزم اي اجنبي يشوفه وما كان يحب احد يعرف اسمه

لدرجة ان الناس الاجانب كانوا يضنونه امير هذه البلده الي يجونها

وقاموا يسولفون عن كرم امير هذه البلده ونتشر بين الناس كرم امير هذه البلده

وبعد سنين اكتشفوا بالصدفه ان خنيفس ماهو امير هذه البلده وانه من عائله اخرى

الله يغفرلة ويرحمة كنا نذهب سواااااااااا معاة ومعا عمي الله يرحمة في الوينيت صدرين الاحمر للابل في القرعة وكان لاتفارقة الابتسامة وطول البال رحمة الله وغفر له

الله يرحمه ويرحم ناصر اولده هو سنده لاكن الدنيا ماتخلي الطيب

مواقف لاتنسى لهذا الرجل .. العظيم

قرأتها فـ بكيت ... واستشعرت فراقـه

و" مكانـك يابو ناصر مايسـده أحـد "

ومانقول إلآ ... الله يرحمك ويسكنك الجنه مع الصديقين والشهداء والصالحين


ويعطيك الف عافيـه يا العيباني

هلا اخوي ابو عبدالله جزاك الله خير والله يرحمه ويرحم اموات المسلمين

هلا اخوي خيال صبحى جزاك الله خير والله يرحمه واموات المسلمين

هلا اختي داشه عرض جزاج الله خير والله يرحمه واموات المسلمين

ؤفيه سالفه لخنيفس يوم يجي واحد اجنبي يطلب واحد من الجبلان دين

اتى رجل اجنبي للدبيه يبحث عن احد الجبلان ليطلبه دين وكان الاجنبي مايدل بيت الجبلي فقط يعرف اسمه

وتصادف الاجنبي مع خنيفس في الطريق ونشد خنيفس عن بيت فلان الجبلي
قاله خنيفس فلان مسافر مهو بالديره بس علمني اشبغيت منه
قال الاجنبي ومنهو انت قال خنيفس انا اخوه
قال الاجنبي اطلبه دين
وخنيفس يسدد دين الجبلي والاجنبي يرجع لاهله
وبعد سنين تواجه الاجنبي مع الجبلي الي يطلبه دين
واخبره الاجنبي بانه اتى يبحث عنه في الدبيه ؤلقيت اخوك ؤسدد عنك المبلغ المطلوب
قال الجبلي منهوا الرجال الي سدد عني انا ماعندي اخوان بالديره وشسمه
قال الاجنبي ماقالي اسمه بس قالي انه اخوك ومواصفاته كذا وكذا
وعرف الجبلي انه خنيفس