سجل دخولك للمنتدى ببيت شعر

ودي اجيك من التعب ثم أضمك
وتشوف أنا وشلون عايش بلياك

قربك عطر ودي من البعد أشمك
أخاف يبرد مابقى لي بذكراك

أبنثرك في عروق قلبي ولمك
وأحسسك بالحب في يوم لقياك

باقي معي أغلي هديه تهمك
صورتك كاتب فوقها مقدر انساك

متى يزين الوقت وأكون يمك
اقلها اعرف ظروفك ودنياك

يا ليتني في أنفاس روحك ودمك
أبقى معك وأعيش الأيام وياك

يا كثر ماني بغربتي شلت همك
أنشد نجوم الليل من عقب فرقاك

عليك اخاف اكثر من ابوك وامك
والله ما تلقى مثل قلبي أغلاك

مارتاح أنا من الوله لين أضمك
وأعلمك وشلون حالي بلياك

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !

وترى دايم روحي على قلبي توصي
يرد ويقول لاتوصين لجل عين تكرم مدينه


ويقول ياروحها على حبي لاتوصي
ترى كل مابي صار في حبها رهينه


سألت روحي القلب حبيبتك تدري كم حبك يخبي
جوبها آهـ بس لو تدري حبها سوى فيني جريمه


انا اترجالك ياخلي لشوفتك الطلب لبي
لأن هالقلب صار دايم يحتاج منك تجينه


كثر ماقلت احبك صدقيني ماتكفي
يقووووووولون الحب من الله يجي من غير حيله

صبحكم الله بالخير والرضاء

حيّا الله اللي يغيب ويسـرع الـرده=اللـي يجينـي اليـا منـه تباطانـي
قلبي يـوده و حالـي كنهـا القـده=ودي بشوفه ودونـه حـوم عقبانـي
يا صاحبي جارك الله وش هاالصـده=مهـوب حـق تولعنـي و تنسانـي

أنا وين أبلقى يالاجاويد فاعـل خيـر=حريصٍ على سرّ المحبيـن لارسلتـه
أناّ لوّ أبصبر عام مابـان بـي تأثيـر = وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير = والى جيت ابشرح له كلامي تهيزلتـه
يجيني منّه هيبه . معزه . سحى . تقدير = اقابلـه عنـدي علـم وأروح ماقلتـه

صبحك الله بالنور والرضى بكيفي جبلي

هذا واحد(ن) كان يلوح لطيره عند العرب ... يقول تالي

أصيح للطير وصياحي على غيره .... على عيون العرب جني على طيري

طيري الله الله

ياحياك الله يامطلق فاقدينك لك مده ماتبين .,

-----

الجهاله فـي ابـن آدم توليـه الدبـور = لوطريقه غـادي يحسـب انـه متجـه
عنده ان مامثل شوره مع الاشوارشـور = مادرى انه له مـزاج وللنـاس امزجـه
يمكن ان تلقى مـزاج يبادلـك الشعـور= لو على فلم الشطـاره وفلـم الدبلجـه
واخر المشوار لا حصلت مافي الصدور = كل زور فيـه شوراليـا فـاق اهرجـه
القمر والشمس كنها تسلف منـه نـور = والجبال اتصير تحته خيـول مسرجـه
يحسب ان معه افضليه توليـه العبـور = ان لقاءالملح ازعقه ون لقاءالحلواسمجه
السماء عجزت تنوشه جناحين الطيـور = ماوصلـه الامحمـد ابليلـة معـرجـه
يا ابـن آدم يلعـن الله مختـال فخـور = من تواضع تحت ربـه يعليـه ادرجـه
لجل ماتدخل جهنم على شـان الغـرور= للعرب حاول تواضع وتعطيهـم وجـه
من لقا عذب المشارب ومثمرة الزهـور= ما قعديغرف من البحرويسوق احدجـه

ودي أبكي لين مايبقى دمــوع
...............ودي أشكي لين مـــايبقى كــــلام
من هموم صارت بقلبي تنـوح
...............من جــروح أحــرمت عيني المنام
وأنطفت في دنيتي كل الشموع
...............والهنا مايـــــــوم فـــي دنيـــاي دام
إن شكيت الحال محد لي سموع
...............وإن سكت الناس زادوا في الملام
طال صبري والزمن عيّ يطوع
...............والـــرجا بلي عيونــــه مـــا تنـــام

البلاء ان اللي يعاندنا الزمان=والمصـيبه كيف بـس نقدر عليه
لاهو راضي يوم يتركنا بأمان=ولاهو راضي يوم ياخذنا بيديه

أنا لو أكتب لك حبي ضاقت أوراق الدفاتر=وأن كتبت شي تبقى أغلب كنوزه دفينه ..
جيت لك كلي وضوح بلا قناع ولامظاهر=وجيتني من طيب أصلك لا غرور ولا ضغينه