راع القنص ياعاذلينه مهابيل ... [جديد نايف ابو طفره]

راع القنص ياعاذلينه مهابيل ... [جديد نايف ابو طفره]

أتركم .. مع القصيدهـ . . . !!

تباشروا ياهل الولع بين سهيل=والقيض ولا واقتفاه البرادي
راح النهار يمد من طوله الليل=والريش كمل في طيور الهدادي
يالله ياللي تحيي الارض بالسيل=ياللي لوجهك يسجدون العبادي
ياعالم الاسرار ياعادل الميل=عليك يارحمن كل اعتمادي
يالله بنوّن من ثقيل المخاييل=تلعج ابروقه في نحور السوادي
تنشيه يارحمن يارب جبريل=سيله يفيض يالولي كل وادي
يلقفله الشرقي سوات المحابيل=ويركد شماله لاتزبر هجادي
ستين ليله للسواقي تعاليل=ويعيشله راع النياق التلادي
شقحن عليهن يصلحن التماثيل=هزعن غلاهن في صميم الفؤادي
عوبن لهن في بصره القلب تبجيل=لا ربع المشلوف شلع وقادي
اقفت تداحم جلها والمخاليل=جرد الرقاب المكرمات السنادي
مقهورها يردع وراحت عرازيل=الصلب الادنى شفها والمرادي
وراع القنص ياعاذلينه مهابيل=مايستمع في شف قلبه منادي
دقت اهجوسه والليالي مقابيل=عن المدينه تقل حاديه حادي
اليا خذا علم الرجال المشاكيل=قال الوعد من بين ضلع وحمادي
في خايعن دونه احزوم وغراميل=يمشي بشف الطير جبر الثنادي
اشقر تواديعه على كامل الذيل=فعله مثبت كل ماهد صادي
عوق الخريش اليا قعد بارد الحيل=لدلى من اللجه بسودن احادي
حرشن اكفوفه كاسيتها السراويل=رشه من المحزم وحدر الهوادي
عليه من فارس ارسوم وتحاليل=وعليه من وجه الشجيع العنادي
اشقر وكن اللي بصدره سماليل=او الذهب بصخيفات الايادي
اليا انزعج ماسبرت الدرابيل=لولا الجهاز امن المطاريد غادي
لاجيت قفرن للحباري مداهيل=فعله يزود وغير شرواه عادي
لاثبت الطلع الملاوح ورا الميل=لوزاد غيره طير فالطلع زادي
اهل الولع مايسمعون العواذيل=لاناض براقن شمال البلادي
راحوا يلمون العزب والمعاميل=ثم قربوا شعل الجموس الجدادي
يالله عساها للنشاما تساهيل=ياهادي الانسان ياخير هادي

..: الشاعر نايف .. ابو طفره

الموضوع الأصلي: راع القنص ياعاذلينه مهابيل ... [جديد نايف ابو طفره] || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

لو سمحتم .. يالمشرفين أنقلو الموضوع لـ القسم العام

صح لسان الشاعر نايف ابو طفرة وقصيدة جزلة ماشاءالله

وسلمت يمينك ياسعود على النقل الجميل وهذا الاختيار.

سسسلمت يمنـآك وصح السسسسآنه

جد ابدع لآعدمنـآك

بعيد شكرا علي مرورك ... لاهنت

	جرح الغلا .. شكرأ علي مرورتسـ الكريم

صح لسانك نايف

وصح إختيارك ياسعود

دمت لنا على إختياراتك المتميزة بالشعر

راحوا يلمون العـزب والمعاميـل
ثم قربوا شعل الجموس الجـدادي



الله الله


صح لسااان نايف


وتسلم يمناك اخوي سعود على نقلها




لا هنـــت

عود ..


الليل ..


شكرأ ..


علي مرورك ..

سلام .. ،،


العشق .. ،،



ولانتي .. //


شكرأ علي مرورتس