وتعود (الفاااااااااهيه) مجددآ . . . . نايف ابو طفره

وتعود (الفاااااااااهيه) مجددآ . . . . نايف ابو طفره

احبتي بمناسبة فوز ابل السيد مطلق بن مسلم بهجيج الشيخ / احمد فهد الأحمد الذي أقيم صباح هذا اليوم 8/3/2007 شمال الكويت وحصول (((الفاهيه))) والايفها بالمركز الأول دون منافس اضع امامكم هذه المشاركة بهذه المناسبة

لاوالله الا جا نهار العنادي=وكلن عزله من حلاله ثلاثين
وتفرجوا كل الحضر والبوادي=وحنا عزلنا مرجحات الموازين
شعلن ليا نسنس نسم البرادي=جاهن على هبه نسيمه شياطين
عوبن معاندهن من الناس غادي=تسهر اعيونه والمخاليق ممسين
مثل الضبا لاذيرن فالحمادي=لاشوشن بالاذن والخشم والعين
صدن عن الضيحه وحس العبادي=(والفاهيه)ترجح عن العالم يمين
ماتسمع اللي في طلبها ينادي=بين السطر والولف والخوف ياحسين
راحه والايفها وراها اتلادي=قطم الفخوذ اللي سوات الشياهين
مدهالهن حسنا وضلع الشدادي=والا فبو نبطه بعيدن عن الضين
ماليمن منبين شبك وهوادي=قبل ايتبدوى تاجر 2002
لابكر الوسمي وسيله وكادي=غدى لسيله فالمصامد نياشين
والراي قده للنشاما اسدادي=والفجر شالوا ملحقين المخلين
مقهورهم مع طلعت الشمس قادي=راح ايتزاعج والمناعير صلفين
خلوا وعدهم بين هضبه ووادي=وطياحهم لاشرف ايغيب ويبين
يرعون سهفن مكرماتن سنادي=طرش الرجال اللي على الطيب ضارين
مروين حد مصقلات الهنادي=جبلان ستر المترفات المزايين
نوادرن تفعل نهار الهدادي=للسلم سلم وللحرايب سراحين

أضغط هنا للآستماع القصيده

http://www.am2m.com/upload/free/free2_7/naif080307.wma

الموضوع الأصلي: وتعود (الفاااااااااهيه) مجددآ . . . . نايف ابو طفره || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

مبدع الشاعر نايف ابو طفره

امتعنا في قصيدته الراائعه

بيض الله وجهه وصح السانه

وسعود بن لاامي ما قصرت على نقلك للقصيده

يعطيك العافيه

وهذا انجاز جديد يضاف للجبلان..,

ونتمي للسيد مطلق بن مسلم التوفيق..,

لليحقق لنا المزيد من الانجازات..,

والله يوفق الجميع

تحياتي للجميع

صح لسان ابو طفره عزالله ماقصر ويستاهل ابو نواف


وسلمت يمينك سعود على النقل المبدع

تقبل مروري

ابن مسلم . . المبدع آنت علي ردك الجميل

الله يعآفيك . .

والي الآمام يابـو نوآف

ويمناك يالغلا . . .

لاهنت يالقعيمي علي المشاركه

تحياتي لك

الله يعطيك العافيه اخوي اسعود........ وصح لسانك يابو طفره والله يبيض وجهك يابو نواف ومبروك لمطير عامه وللجبلان خاصه (والقلطه للجبلان)ياربع ابو نواف ماله من الاسامي الا منتخب البرازيل<< والى الامام يابو نواف>>

لاهنت يالمعتمد . . . شكرآ علي مرورك

ولقب ابو نواف . . . . الفهد حسب ماسمعت ^_^

لاهنت علىى مرورك

الله يعطيك ألف عافية أخوي سعود على نقلك للقصيدة اللي نفتخر فيها

وألف مبروك للجبلان

وصح لسان شاعر القصيدة

وتقبل تحياتي

القاب ابو نواف كثير منها
الزير , والزعيم , والفهد
يعطيكم العافيه

لاهنت عبدالله

الله يبارك فيك