سجل دخولك للمنتدى ببيت شعر

ياكثر ماتكشف الأنفاس عن ضعفي=ياكثر ماتجرح إحساسي ولا آلومك

ابصبر واتصبر مير اظـن الصبـر مـا ينـذاق =لقيت الصبر مر ولو ينـوش الكبـد يحرقهـا

ياصاحبي لو كل شـئ يمـر بالخاطـر يقـال=ماكانت العبره تولجّتنـي اليـا منـك طريـت
شفني قدرت احبس دموعي بس دمع القاف سال=وياكبرها ساكت ولكن داخـل اوراقـي بكيـت

لاتثنى عوده اللين خطر عقلـي يغيـب =داعج العينين عينه كنهـا عيـن المهـاه

عاد المشاركة رقم 1500 لازم تكووون مميزة

عديـت راس ابـرقٍ مـن بيـن عرقينـي=في حد حير العصـل مـن ماقـف ابوابـي
وقمت اتذكـر ابراسـه وانشـد العينـي=يوم انعمـس خاطـري فـي راس مرقابـي
ياعيـن ويـن الربـوع اللـي توديـنـي=ماشوفهم لـو رقيـت مـع املـطٍ نابـي
ياحيـف يالابـتـي سـقـم المعاديـنـي=متيهـت بالوسامـي جــرد الأرقـابـي
نزالـت القفـر مـن بيـن الحفيفيـنـي=يـوم العـرب تسطفـق والقفـر ينهابـي
والنـاس ماهفيلهـم حـظ ٍ وموازيـنـي=ميـر ان ربعـي بهـم شـارتٍ اتعـابـي
قهـارت الـورد عـن وجـه المحيلينـي=الأجنبـي لاعرفهـم عـاف الأقـرابـي
والضيـف لاضافهـم بــادوه باليـنـي=لادش بأرباعهـم عـن الكـدر غـابـي
مـن دارهـم بالمـوده واجـه الزيـنـي=ومن دارهم بالقشـر جولـه نسـم دابـي
احلـى مـن الغنـد لاصبـوه بالصينـي=وامـر مـن حنظـل الكنـه اليـا شابـي
ربعـي اطـوال الخطـا ماهـم خفينـي=هوماتهـم مايهـومـه كــل كسـابـي
جبـلان يدعابهـم لـو هـم بعيديـنـي=كـم جمبتـن صبحوهـا دونهـا اجنابـي
هذا قضا مامضـا جـاء دورهـم شينـي=كـلٍ بنالـه عشيـش وحطلـه بـابـي
اميـرهـم عشـتـه بـيـن القليبيـنـي=تشدي اشـراع الجنـب بأمـراح عزابـي
يـاالله عسـاهـم ابمنزلـهـم عزيزيـنـي=مـن حبلـه منـزلٍ فـي خاطـره طابـي
وانـا مـدام انـي القـا مـن يباريـنـي=ابنـزل البـر الأصـبـح والله اولابــي
اليا نـاض بـرقٍ علـى خـدٍ يشهوينـي=قلـت اطـون البيـت وزونـه بالطنابـي
ودنيـت مـن وارد الفرتـات ستيـنـي=من كسب اخويه ماهو من سوق
ماعاش جـدي علـى المسحـاه والطينـي=اليـا نـوى الله بـرزقٍ جالـه اسبـابـي
رزقـي علـى اللـي خلقنـي مايخلينـي=معطـي العطايـا بليـا مـنّ واحسـابـي
والخاتمـه يـاالله انـك تنصـر الديـنـي=واتمن احدود العـرب مـن كـل طلابـي

اداري الخوف بعيونك وانا في داخلي مرعوب
.................................................. ..وأقول اقوى على بعد .. ولو طول وانا مااقوى

هذه أبيات من غالي إلى حبيبتنا الغالية




القصايد سحايب والمشاعر.. هبوب
وغيمة ما تطيع الريح وش لي بها
واليماني تسجل ما تكن.. القلوب
والقصايد تسيل وينكشف.. غيبها
يوم اغني بداري يجتمع كل صوب
من حياتي الى آخر يوم في جيبها
يا قصيدي كتبتك ما كتبتك.. طروب
كلمة الروح وحروفي مناديبها
نبضةٍ من معاليقي بلحن.. عذوب
من مداهيل قلبي جيت أهلّي بها
شاعر ما يسوي من خياله ضروب
من مناهل شعوره دوم يشدي بها
ياهلا في بلاد حبها.. ما يذوب
قدرها بالقلوب وطيبها.. طيبها
غربها.. والشمال.. وشرقها.. والجنوب
كلها أرض وحده وين مبدي بها
يا بلاد خصال الطيب فيها وجوب
تكرم ضيوفها حشمة.. معازيبها
ثوبها الدين ما هي كل يوم بثوب
سيرة تحكي الحشمة وتحكي بها
عقب ما وجهها كاسية هم وشحوب
حسنها اليوم لابانت.. يماري بها
يوم دور المواجع والفتن والحروب
كل ذيب برز نابه.. يراوي بها
ويوم زادت لهايبها وشبت شبوب
دورت فارس يوفي.. مطاليبها
دورت فارس يقضي لها كل نوب
يحتمي حدها ويعيد ترتيبها
وما لقت غير قرم من كرام النسوب
من رجال مراجلها.. مكاسيبها
للمعالي طموح وللمراجل رغوب
جاء يشيد المباني عقب تخريبها
لا احتمت ساحة الميدان ما هو هيوب
كلمة الحق ينطقها ويافي بها
أبوتركي ليا لاح الخطر والكروب
أبوتركي لياشانت مشاريبها
جاء لداره وخلا كل عاصي يتوب
بيّن أطماع عدوانه وأساليبها
جالها مانشد وش دونها من خطوب
لامست نخوته صيحة.. رعابيبها
لجلها سج رجله مع عسير الدروب
الشدايد يصبحها.. ويمسي بها
جاء بصحبة رجال بالشدايد تنوب
الليال الثمينة دوم تصخي بها
راكبين الصعايب كالركايب ركوب
ذيك الأعمار ما قاموا بتحسيبها
سبلوها لوجه الله كرام الحسوب
أنفس باليقين استاصلوا ريبها
تحت حكمة حكيم ما يعيش مغلوب
الشجاعة تعلا في.. مراقيبها
وصلها يوم مالت شمسها للغروب
ردها للشباب وفارقت.. شيبها
المعادي عليه امة تشق الجيوب
تقضي الليل كل الليل بنعيبها
بارق يوم شعشع شق صدرالنصوب
خيره أقبل على الديرة.. وأجانيبها
اخضرت من زلاله ممحلات الخبوب
عوّد الطير بلحانه.. يغني بها
ما بنا ساسها طين وحجارة.. وطوب
شيده بالنفوس اللي يباهي بها
ويوم راح بجوار الله عليم الغيوب
احتموها رجال ينعم اصحيبها
احتموها عياله والجناب مهيوب
ترقد العين والرحّال يسري بها
خلو الشرع يحكمها رضاه محسوب
ماحصروا شرع ربي في محاريبها
درة حبها يسكن سويدا القلوب
فوق درب التقدم دوم نمشي بها
ما يمسّي علينا كل رجل كذوب
المعادين نكشف كل الآعيبها
علم اللي جداهم بس قلب الشعوب
موتنا دون عفتها.. وتغريبها
كان حطوا ضعاف الدين فينا عيوب
عيبنا كل نفس تميل نقدي بها
الطيور العصية فوقنا.. ما تجوب
والجوارح نعيفها.. مخاليبها
والقصايد سحايب والمشاعر هبوب
وغيمة ما تطيع الريح مالي بها

يا طيف احييك واقبل لي تحياتي=حشمتك من حشمة اللي غبت عن باله
لا غاب راعيك جيت تبدد اسكاتي=تمرني يوم خلي منّ,, بوصاله
تعال اقهويك واشرب غالي أبياتي=عندي دلال القصيد,, وهاك فنجاله
لو كان لاجيت جيت وجبت لوعاتي=حي الله الضيف مهما كانت اخصاله
لاجاني الضيف لو هو طيف ما باتي=هاذي سلوم الكريم وهاذي أفعاله
للضيف دلة قريب النار,, مركاتي=من زارني في صميم القلب منزاله
وللطيف دلة غلا وابهارها ذاتي=يهديه قلبي تباريحه ومواله
الطيف ضيف الخفوق وضيف سجاتي=عيبٍ على اللي يهين الضيف لاجاله

اكتب وانا ادري

يبي يجي يوم تقرا

وتعض اصابعك بـ ندم لا تذكرت

اني بعد كل هالعمر . .
~ صرت ذكرى !

و انك على موعد لقانا / تأخرت

عليكـ شلونــــ ما أزعلـــ ؟
وتسوِّي أشياء تجرحني تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حـ ص ـل منِّك ..
ح ـصل من واحدٍ ثاني !
م ـثل غيرك ومنتَ غير ..
جرحت ج ــروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمنيے الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. رآح ـة أيَّامي !
وأشوف إن الـح ـقيقه غير ..
تح ـب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جم ـيع الـ ن ـاس تتغيَّر )