|
|
|
#1
30-06-2009, 04:20 PM
|
|||||||||||||
|
|||||||||||||
( ترحيبت مطير )
محاورة جمعت الشاعرين زيد بن سلمي وعبدالله بن عتقان
زيــــــــد بــــــــن ســلـــمـــي . . مرحبا ترحيبـة مطيـر فاليـوم الكبيـر***** يوم توريـد المراجـل علـى حيضانهـا ياولد عتقان وش صار في ختـم الأميـر**** الهـوى غيـر ستـارة علـى سلمانهـا . . عـــبــــدالله بـــــــن عــتـــقـــان . . البقـا يأصحابنـا وقصرانـا يامطـيـر****** من سليـم اللـي قبيلـة رفيـعٍ شأنهـا ماهناك أخلاف يازيـد والسايـر يسيـر***** فيه يـومٍ تهجـر مطيـر كـل أوطانهـا . . زيــــــــد بــــــــن ســلـــمـــي . . أرتفع رأس الحنش وأرتخى رأس البعير****** وأحددانا سليـم شرهـت ورى حدانهـا لو نويـت الطيـر بالشـر والله مايطيـر******* خـل شرهتهـا تعـود علـى جنحانهـا . . عـــبــــدالله بـــــــن عــتـــقـــان . . يالعضيلة طيعني وأسمـع العلـم الأخيـر****** النهايـه عانهـا والسـلامـه عانـهـا قلتلك عـود بـوردك علـى ذاك الغديـر******* وأنت تبغى الناس تسقيك مـن غدرانهـا . . زيــــــــد بــــــــن ســلـــمـــي . . ويش عندك من خبر ياغنـاوي يافقيـر****** أطلـب الأرزاق واوقـف علـى بيبانهـا ياولد عتقـان لأزم تحـدد لـك مصيـر****** واصلتـك الحيـة اللـي تمـد السانهـا . . عـــبــــدالله بـــــــن عــتـــقـــان . . يالمطيري وش يحدك على السيف الشطير**** روح صوب المهد وأرتاح مـع سكانهـا أبشروا لن قادها بيننـا سلـك الحريـر***** لين نعـرف دايـن مطيـر مـن ديانهـا . . زيــــــــد بــــــــن ســلـــمـــي . . مهدنا ينتج ذهب حرتـك تنتـج شعيـر***** يأهـل الحـرة ياحبـه علـى نيشانهـا لا يهمك كل مرضان أجهـز لـه سريـر***** ماتجـف الـروس مـادام فيـه أدهانهـا . . عـــبــــدالله بـــــــن عــتـــقـــان . . مهدكم يشبه لسبت العلايـا فـي عسيـر***** ديـرةٍ ليمونـهـا يـرجـح برمانـهـا يابدو ياللـي تجاراتكـم سمـن ومضيـر***** ماتعرفـون المـعـارك ولا فرسانـهـا . . زيــــــــد بــــــــن ســلـــمـــي . . كلها ديرة شـرف كلهـا خيـره وخيـر***** ياهـل الخلفـه قطعتـوا نقـذ حيرانهـا والله إنك تو ما صرت في عيني صغيـر***** روح في شأنك وخل العرب فـي شأنهـا . . عـــبــــدالله بـــــــن عــتـــقـــان . . السفاره مابقي وسطهـا غيـر السفيـر***** والهنود مـن المجاعـه كثـر جنجانهـا والله إنك كنت في نظرتـي شـيٍ كبيـر***** ليـن نـارك يالعضيلـة كثـر دخانـهـا المصدر: ::منتدى الجبلان الرسمي:: 
|
|
04-07-2009, 09:45 PM
|
#2 | |
|
₪ :: عضو مجلس الادارة :: ₪
|
محمد أبن حلبيد
^^ ^^ ^^ يعطيك العافيه على المحاورة وصح لسانك وصح لسان الشعّار |
|
"كلنا لله راجعون"
اللهم ارحمني يوم لا يسمع لقلبي نبض وأرزقني بمن يدعو لي بعد وفاتي
|
|
06-07-2009, 08:54 PM
|
#3 | |
|
₪ :: عضو مجلس الادارة :: ₪
أبـو فـلأح الـجـبـلـي
|
الله يعطيك العافيه علي مرورك في صفحتي
وكل اشكر لك على زيارتك الطيبه |
|
|
تابعونا على ... http://www.facebook.com/aljblan http://www.facebook.com/aljblaan?ref=tn_tnmn https://twitter.com/#!/aljblan https://twitter.com/sultanalawadh 
|
|
04-08-2009, 05:01 PM
|
#4 | |
|
::+عضو شرف+::
|
يعطيك الف عاااافيه اخوي ابن حلبيد الله لايهينك محاوره جميله وصح الله لسان الشعار
وطاب منقولك تحياتي لك |
|
|
|
|
05-08-2009, 02:03 AM
|
#5 | |
|
₪ :: عضو مجلس الادارة :: ₪
أبـو فـلأح الـجـبـلـي
|
ابن عوض
شكرا لمرورك على موضوعي وهذا شرف لي ووسام على صدري |
|
|
تابعونا على ... http://www.facebook.com/aljblan http://www.facebook.com/aljblaan?ref=tn_tnmn https://twitter.com/#!/aljblan https://twitter.com/sultanalawadh
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض العادي
