محاوره بين تركي وملفي قوووويه

محاوره بين تركي وملفي قوووويه

السلام عليكم ورحمه الله وبركاته

مساكم الله بالخير جميعاااااااا

حبيت انقل لكم ماحاوره ساحنه بين تركي وملفي على موال الاماكن

تركي

ابتدا حرب الكواكب والنجوم

ومن يطيح يطيح جعله ما يقوم

فالمواقف ما نبا حب الخشوم

ما على الدنيا ضميرن مستريح

يالعتيبي لاتعاند قويين العزوم ,’,’, من يشب النار يصبر على دخانها

لك ثلاث سنين وانته تكدر فالعلوم ,’,’, مير مال الحيه إلا نقص إلسانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,

ملفي

ابتدا يا احصحاب نا حرب الفضا

والبسيطه كنها جمر الغضا

وانشدو تركي زعل وإلا رضا

ما على الدنيا..........

حولت فوق الشياطين حاويت النجوم ,’,’, ما تقول إلا جمال طوال أرسانها

منت ربي لجل اعبدك واصليلك واصوم ,’,’, رح لعبدلله لحرتك وادع أوزانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,

تركي

انت ما تعرف صوابك من خطاك

ندفعك قدام وتعوٌد وراك

وان زعل تركي يبا يلعن ثواك

ما على الدنيا ............

مالك إلا سهم واحد يسد عن السهوم ,’,’, وانت تعرفنا رجال طوال أيمانها

وانت خلك من ديار المحاني للجموم ,’,’, واتبع الروقه ومرح على مرحانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,

ملفي

يا حليلك يا هذاه المدرسه

المطيري للقشر دن جرسه

والعتيبي كل ليله يفرسه

ما على الدنيا............

منهو اللي قومك جعل حظك ما يقوم ,’,’, ما رفعك إلا عتيبه على ذرعانها

ربعي الروقه رجالن يسدون اللزوم ,’,’, والمطيري يوم شال الامانه خانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,

تركي

طيحت في روق وعطوك المسبحه

وانت يا ملفي ليا قمت إبرحه

شيلو المقرود قدام أذبحه

ما على الدنيا............

ابك انا قسمي ليا قمت من جزل القسوم ,’,’, ادوي العتبان واكحل جميع اعيانها

........................كل عام وكل يوم ,’,’, اذكر الكعبه وتكسيرك لبيبانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,

ملفي

انت يا تركوه طايش ومغرور

تحسب انك لازمن كل الامور

وانت هوريٌن تصافقك البحور

ما على الدنيا............

يا ولد ميزان طعني تريح ومخدوم ,’,’, لا تهوز بيوت عزن على عمدانها

الشجاعه عندنا والرخامه للرخوم ,’,’, يعشق العليا رجالن عظيمن شانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,

تركي

لو يطول الوقت ما طاح علمي

والذخيره جاهزه في محزمي

وانت مثل اللقمه في فمي

ما على الدنيا..........

يا محب العافيه في زمانك ما تدوم ,’,’, لا تقدم حجتن ضايعن برهانها

ابك حنا اهل الشجاعه عريبين السلوم ,’,’, لا تديٌنها علانا ولا تدٌانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,

ملفي

بارك الله فيك يا راعي العلم

كان انا لقمه وتطعمي طعم

والله اني لقمتن فالحلق سم

ما على الدنيا.........

والوفا يقفا بداب المشاهد والختوم ,’,’, كان عينك ما تشوف المشاهد عانها

نعم بالمطران كان اقبلو قومن لقوم ,’,’, مير حنا سرج للمملكه وعنانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,

تركي

الوعد من بيننا نور الصباح

في مكانك لا تحرا للمراح

انت روقيً يروعك الصياح

ما على الدنيا..........

انت رقمك يا ابن روق الاخير من الرقوم ,’,’, الرساله جتك وموضحن عنوانها

استتر يا بن عطيه وتسترك الهدوم ,’,’, وش تبا بالمملكه منت من فرسانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,

ملفي

عبدليً خالقه ربي شرود

ويحسبنٌا مثلهم ما من جهود

فعلنا هز المناطق والحدود

ما على الدنيا..........

انت مالك رقم رقمك مع الناس معدوم ,’,’, يوم ركض الجيش والخيل في ميدانها

اذكر شليويح وبخيت قاسين العزوم ,’,’, يا ولد ميزان ميٌلت في ميزانها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,

تركي

عبدليً ما يُذل ولا يهاب

من رياجيلن يقصون الرقاب

وانت يا ملفي كما وضح السراب

ما على الدنيا..........

اذكر اللي صار بين الدماثه والرجوم ,’,’, يوم بنت العود تبكي على ورعانها



وسلاااااااااااااااااامتكم

الموضوع الأصلي: محاوره بين تركي وملفي قوووويه || الكاتب: محمد بن حلبيد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله الله الله
على
الأبدااااع
وصح لسااانك ولسان تركي وملفي
ويعطيك العافية

صح لساااااانك ولشاان الشعاااار

الله يعطيك العااافيه على النقل الراااائع

اشكركم لمروركم على موضوعي وهذا شرف لي ووسام على صدري

محمد لاهنت على النقل يالغلا


وتقبل مروري يالغلا


أخوك / مرمح الجبلي

مرمح الجبلي


شكرا لمرورك على موضوعي وهذا شرف لي ووسام على صدري

يعطيك الف عافيه اخوي محمد على المحاوره الجميله بين الشاعرين
الكبيرين تركي الميزاني@وملفي المورقي
لاكن عندي ملاحظتين بسيطتين الي هن
انت تقول (طيحت في روق وعطوك المسبحه)
والصحيح
صحت في روق وعطوك المسبحه
وتقول ياطويل العمر(ادوي العتبان واكحل جميع اعيانها)
والصحيح
أزوي العتبان واكحل جميع اعيانها
لك مني كل التحيه والتقدير

ابن عوض


شكرا لمرورك على موضوعي وهذا شرف لي ووسام على صدري