سجل دخولك للمنتدى ببيت شعر

صديت مثلك والصراحه اشتقت لك=اترك الناس حولي واقعد اشره عليك
كم ذبحني غيابك واستحيت أسألـك=بس بعرف ,, خيالي مايسير عليك

شوقي ياوليفي يخلي مية القلب يشتاق

شوقي اكبر من شوق طفل بشوفة امه

صدري مشتاق اي بالله بالحيل مشتاق

يميني يبي يمنه وصدري يبي يضمه

اضحـــك حبيبي دام وقتـــك مسليك .... بكــــرة تموت من القهر لا نسيـــــتك

ناسن لها بالقلب حشمه وتقدير وناسن تجي وتروح محدن فقدها

لحضه هنا مفروض توقف وتفهم انك تموت ولا تثير اهتمامي ..

لا ضاق صدر الشاعر استدني القلم والاوراق بس للاسف ماني شااعر

هاذي مرثيه حبيت انقلها لكم

البارحه ليلي هجوس وهناد يب=ها ضت عليه من حظيب حظبها
أقنب قنيب اللي يعد المراقيب=وعينه على ظين الشواوي رقبها
ألياأعتلى من بين روس الشخا نيب=للقى بوجهه للسموم ولهبها
وتنظب على وروكه وثناءالعراقيب=وأيدنه الثنتين قدمه صلبها
دار النظر وشاف الخلا مابه ذهيب=وأيس ونار الجوع بطنه حطبها
ثم مد خشمه للسماءكالح النيب=تقول أيطالع حاجت ينتهبها
وقنب قنيب موجع ماله أ مجيب=الاضلوعه يوم حلقه قنبها
ايست مثل الذ يب وصعب من الذيب=يا سي من اللي راح حزت طلبها
لكن ابطلب واحد يعلم الغيب=اللي مسك روحه وقدم سببها
تقبل دعاء اللي دعوته ما بها ريب=صادق مشاعر والمشاعر كتبها
مرحوم ياعودً حفظة المواجيب=وقولة نعم حصلتها من عربها
من شبتك حتى كسا راسك الشيب=والطيبه بين الملا تكتسبها
نزيه عرض ولالقي بك عاذا ريب=وان جت لك الضيفان تلقى وجبها
ولانته من اللي للقرابه شواذ يب=سود الظغاين فرق الله اشعبها
عا ش بوفاء بين الاهل والاصاحيب=وأكبر أشهود أصحا به اللي صحبها
يكره يصير الذم بين الاقار يب=واهل النشا يب مايباري نشبها
عزاي فيه اهل الوفاء و التراحيب=اللي مشو مع سير تله نصبها
أخر عيالاً للمراجل كواسيب=على الوصيه ما خذلوا من رتبها
لومات أعده حي بين ألاعار يب=عقب أصقور تعجب اللي ند بها

نبي نطلع من جو الموت شوي اللله يكافينا شره

مبطين عن جزل القصايد والاشعار=وين الذي يثلج صدور الشواعيـر
شعارنـا ودك تولـع بهـم نـار=واللي معه قدره على الطير بيطير

هالله هالله ....

لو خيروني بين فندق بباريس = ولا مقابل ضو يعجب سناها
والله فلا ابغي غير كسب النواميس = الدولار يعجز لو كثر ما شراها
وفنجال يطلق للخيال الهواجيس = مشاعر اصفى من الماء بهاها

يالله يآخالق في السماء كواكب ونجوم=وياباسـط ارضـه ويارافـع سمـاه
تلطف بحال اللي ماذاق طعـم النـوم=ولاانس راحتـه بمقعـده وبمسـراه

القصايد سحايب والمشاعر.. هبوب=وغيمة ما تطيع الريح وش لي بهـا