سجل دخولك للمنتدى ببيت شعر

وحده مرض ’ الفقد ’ .!
ذاك الذي لايبُقي على حياة ولايفُضي إلى ممات !!



؟

يابـــــوي جعلك للبقا والمكاسيب
عمري بدونك يالذّرا ويش أبــي بـه

يابوي تسأل عن شفـاك المراقيب
طلعة ســــواتك للنّــــوايف غريبـه

ليه المرض مايعرف الزّين والعيب
مايــــدري انك للمخـــــاليق هيبه !!

أبسألك وش به غزا وجهك الشيب
والقلــــب لايع والنـــــواظر شحيبه

وش بك تحاتي لانوى الموت تغريب
تخشــــى علينا بالليّــــالي الكئيــبه

خذ دلّتك واركى على مسند الجيب
وعطني شماغك بلثمه وأحتمي به

ونروّح لأرض ٍ بها العشب والطيب
وتسمـــع كلام ٍ يالغــــلا تحتفي به

يابــــوي بنتك لا انحكـى بالتّجاريب
كل ٍ يشـق لهيـــبه الصّيـــــت جيبه

يابوي ماني من ســوات المخاريب
اللّي تجيـــــــب لعليَـــة القوم خيبه

وماني من اللّي لامشت حفّها الرّيب
أنــــــا من اللّــي مايـــدنّس حليبـه

مرفوع شاني عن غـــرام المكاتيب
وأكبــــر من انّي أرتضـي بالحبيبه

أنا غـــرامي لا ابتـدوا بالتّـــــراحيب
نفـوس الأوادم في وجـودي رحيبه

وان كان زينــي فتنـــــة ٍ للمصاويب
أحط وجهــــي بالحريـــق ولهيــبه

زيني أبيعـــه وأشتري سمعه الطّيب
اسم ٍ ينومس بالصّـروح الذهيـبه

وان كان عندي بالحلا شي ٍ اصعيـب
عنـــدي جــدود ٍ مارضت بالغليــبه

دموع القبـــــايل في لقانا مســاكيب
كن المقــــــابر لاحضـــرنا قريبــه

خضّبت لك كفّي من العــــز تخضيب
ورفعت راسي للنّجـــوم الصّعيــبه

والله لأســـدّك بالفعـــــول المصاليب
والله لأشيـــلك بالرخــا والمصيبـه

طلع المعالي ما انحكم للشّـــواريب
بنت ٍ وأناطح فـــارس القـوم طيـبه

وياشيخي إبشر لو تدور الــدّوالــيب
بنتـك إلا منّه عـوى الذّيـــب ( ذيبه)

(*قمــــرهم*)

يـــــــــــــارب يسرها معي وين مااسـير

من رهبتـي باسمـك تنافـض شفاتي

يـــــــــــارب سامحني على كل تقصيــر

واغفــــر ذنــوبي قبــل حــزة ممــاتي

(*قمــــرهم*)

وحيد من كل شَي .. إلآ من آلضيقَـه
وآلعَبد مآله سوىْ [ ربّه ] يفرجْ لَـه

صَحيحْ مآنيبْ من صفـوَة مخآليقَـه
لكنْ روحيْ من آلليْ يغضبَه / وجلَه !

(*قمــــرهم*)

حبّو من تحبّون .. من غير تقصير
و أعطوا بلا منّه .. وعيشوا بلآ غياب !

ما من ورىَ العزله سرور و تبآشير
غير الحزن والدَمع لأصحآبها أصحاب

و إن شحّت الأفر ا ا اح .. فأستبشروا خير
مآصگ باب إلا فتَح غيرَه " أبواب


(*قمــــرهم*)

العيب ترك المعرضة بالمواجيـب
والا الرفيق بفزعته ما نلامي

رفيقنا كنه بروس الشخانيب
في رأس حيدٍ نايفٍ ما يضامي

ورفيقنا ما نجدعه للقصاصيب
يجبر بنا لو هو كسير العظامي

ورفيقنا لوهو من الجد بصليب
متعلقٍ معنا برأس السنامي

هاذي قدايمنا ليا عدوّا الطيب
ونذرا ليا هبـّت لنا بالولامي


(*قمــــرهم*)

ليتـه إلـى منـي دعيتـه ليتـه
يسمـع ندايـه كـل ماناديـتـه

وان ضاق صدري واشتهيت أغني
يـزول همـي كـل مـا جاريتـه

شعـرٍ يجمّـل شاعـره لاغنّـى
يطرب خفوقي وانتعش لااوحيتـه

وحْروفه الجزله تْوسّـع صـدري
ليتـه يواسـي خاطـري ياليتـه


(*قمــــرهم*)

أنا لو بَطْلق عْنان القلم يكتـب علـى ليـلاه
حرام أن يشتكي ركني على القاري من حْروفي

حرام أن أطرب السامع بشعرٍ يعجبـه لاجـاه
واسجّل في سماا الابداع مما يخلـج بْجوفـي

واقول امن القصيد العذب مايشفي جْرووح الآه
واهيّض من جماهير الشعر مئـات وولوفـي

ولكن ماقدرت أطيع شعري وامْتثـل لرضـاه
قسم بالله من باب الحياا ماهوب مـن خوفـي


(*قمــــرهم*)

الله يسامح حروفٍ هيضـت بوحـي
حره..تجيني جديـداتٍ ومحبوكـه..

وأنا حروفي جداها الدمع والنوحـي
تبكي وتشكي ورى بيبان مصكوكه..

حلفت تبقى ولو تثّر علـى روحـي
في داخل القلب مسجونه ومملوكـه..


(*قمــــرهم*)

سبحان من قال [ ألم نشـرح لـك صـدرك ]
ياذو الجلال .. الغفور .. الرازق .. المعطي ..

استغفرك من رضـاك لـ (عفـوك) لـ (ستـرك)
عن ذنبي اليوم .. واللي أمس .. والمبطـي !


(*قمــــرهم*)