سجل دخولك للمنتدى ببيت شعر

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟!
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

يا زين لا يطري على بالك فراق !=إياك تتركني بليا خطيه
"أنت" الطبيب لخاطري كل ما ضاق =وأنت الدوا لجروح قلبي الخفية
"كانك" تظن البعد سهلن وينطاق=فأنت نويت إعدام نفسن بريه

كم سؤال حير أقلام الكتابة=وكم إجابة صارت اشبه بالمحال
السؤال يضيع ما يلقى إجابة=والإجابة تنتظر طرح السؤال
والسؤال اللي عجزت ألقى جوابه=""ليه أحبك كثر حبات الرمال ؟!! ""

يا ( سيِّدة شعري ) أنا .. قومي إرقصي بين السطور
في داخلي شوق / وعذر .. والله يعين المبتلي ..!

زعلانه مني ! وتنهدم فيني ملايين القصور
لأنك طموحي .. ورغبتي .. وتخطيطي لـ مستقبلي !

" بركان " شعري .. ما هدى وخايف مع المُده يثور !
في غيبتك .. شفتي الشعر وشلون فيني ينغلي ؟

اجمل " زمن في ظل حبك قضيتـه=واحلى قصيده قلتلها فيك ولهـان
والعين " تهوى" كل درب مشيتـه=والرجل تاطى لك شعوب ووديـان
" حبك " هو اللي في الحياة أرتجيه=وعرفت في قربك"غلا" كلمة انسان

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي

طــوينا صفحــه الماضي وتبنا =خــذينا اللــي كفـانـا وانـتهينـا
وعــن قــولة نبـي نصبر تعبنا=وعــن مـن لا يراعـينا ..سلينـا

ضحيت بالواقع على شان الاحلام=وضحيت بالغالي على شان غالي
حتى الغرام اللى كسر قلبي العام=ماني بحاله كان ماهـو بحالـي
ما بنحسب عمر البنادم بالاعوام =بعض السنين نعيش فيها ليالـي
وجه التشابه بين وجهك والايام =القلب خالـي والليالـي خوالـي

جيت عِندكْ شايلْ عتاب وملامه
وقلب مُغرم فِيكْ عالشُوفه شفوق

كان غيري حقَّقْ بوصلِكْ مرامه
هَمْ أنا .. في شوفتِكْ عندي حقوق

الفُضَا قلبي .. وشُوقِي لِكْ ( حمامه )
ما تطُبْ الأرض , دُومْ إطِّير فوق

عهد قطعته لو مضى العمر منساك=إلا إذا صادفت لحظة وفاتي
جايز أحبك، أفقدك واتناساك=جايز تغيب وتنسى حبي وغلاتي
بس أنت تدري كيف أنا احس وياك=وتدري إذا غبت بحياتي كيف أحاتي؟