سجل دخولك للمنتدى ببيت شعر

شفني نخل .. كلي عذابات وعذوق
----- لا لا تهـز .... ولا تـطير حـــمامـي !

الليلـة الدنيـا عليـه فضـاهـا=أضوق من الإبرة على ناظم السلك
أسباب نفسٍ غيضها من رضاهـا=أهبي يا نفس الخطأ ويش مزعلك
وأنا أدعي وأقول نفسـي قساهـا=فيه أفتخر لكن عسى الله يفشلـك
بينتـي الخلـة لحـرصٍ وراهـا=يركض حرص يبي خوافي مسائلك
اليـوم حصـل حجتلـه بغـاهـا=فاتت علي يا نفس وشلون أعقلك
قدمك أنفوسٍ مثـل جـات جاهـا=ما شايلوها مثل مانـي بشايلـك
مثلات غمضة عين قبـل أنتباهـا=مشموت عاذلك ومفلوج حاملـك

اول الموضوع نظرة..وأخر القصة فضيحة
والنذل ما هوب نادم .. و انتي اللي تنديمن
الرجل مهما يطيح الناس تنسى له مطيحه
والبنية .. لأجل غلطة تدفع العمر الثميـن

نسيت إني زعلت وجيتك اشواقٍ تسوق اشواق
تفضل لك من أفراحي إلى اخر دمع احداقي
أجيك وجيتي غيمة بها وبل ولها براق
ليا من خلت بارقها تجي وتصافح اوراقي
تنثِّر من معانيها على ارض الورق مالاق
ليا من ساقها شوقي بليا منة الساقي
وتنبت بالورق وردة زرعها خافق مشتاق
قبل تنبت على الدفتر نمت في داخل اعماقي
حبيبي والزعل كذبة ولابه بالغرام افراق
ليا من غبت عن عيني شغلني طيفك الباقي
واذا كان الزعل واقع فهو ما يشمل العشاق
لاني ضمنهم عاشق ولافكرت بفراقي
حبيبي وأنت ما تبطي بلاك الليل ما ينطاق
اجل وشلون لو تبعد بعيد وتنوي اغراقي
ارافق يوم تتركني عناي ودمعي المنساق
سحابٍ يم وجناتي يسوقه صافي اشواقي
أسير الهم بغيابك أسير وعايشٍ برهاق
وليا من جيتني همي لعينك يعلن اعتاقي
حبيبي والهوى اكبر من دموعي وجفن فاق
حبيبي والهوى أكبر من إنك صرت خفاقي
حبيبي والهوى ما هو مجرد شعر وسط اوراق
اشوفه شيء اخر شيء اكبر من شقى شاقي
اشوفه كوكب عالي مكانه عالي الآفاق

نحب نموت ما جينا على مفهومه الراقي

ومن كثر صدماتي بنـاسً قريبيـن

قمت أتحرى صدمتي مـن أظلالـي

نحب نموت ما جينا على مفهومه الراقي


انشهد يابعيد الهقاوي00000

ياانسان راقي بكل ماتحمله هالكلمه من معنى0000


مختاراتك000000تحطم

ارفق بنا ياخوك ههههه

مراحب يابن معرقب
والذوق والرقي منك و فيك يابن معرقب

سيف الجفا في يديك ودوم تجرح به
سلمك تعذب وسلم القلب يدمح لك
تخسر ودادي ولا أدري كيف تربح به
اصك بابي ولا أدري كيف يفتح لك
إن جيت اسلي خفوقي عنك واسرح به
مايسمع القلب كلماتي ويجنح لك
ياصعب والله غرامك كيف ابنجح به
وانت الذي ماتسيل دمعتك كحلك
اجهل صباحي مع إني دايم اصبح به
وظلام ليلى يشادي قذلتك وأحلك
إن جاني الخير منك اشكرك وافرح به
وإن جاني الذنب منك اعذرك واسمح لك
لو إن نفسك علي ياصاحبي رحبة
كسرت حاجز عناي وجيتك اشرح لك
وإن كنت تدري بشفي ليه اصرح به
ياكامل الزين مايحتاج اوضح لك
ارجع لقلبٍ حنانه دوم يكدح به
ارجع لقلبٍ بنبضاته يلوح لك
ارجع لقلبٍ غريبة ماقضى نحبه
لاجيت بين الحنايا قام يفسح لك
له تالي الليل طاروق يطوح به
ليلى الهوى يسهر لانمت في رحلك
والموق دايم هبوبك سابق سحبه
والخد دايم يروّي لك ويجرح لك
ليه أنت ميزان قلبي دوم ترجح به

ليه الفرص ياحبيب القلب تسنح لك
ماقول بحر الهوى اللي طحت به طح به

اقول كيل الموده كيف يرجح لك

المنتدى هذا .. ليـا غبـت .. عنّـه
يردنـي طـاري غـلاه .. وليالـيـه
ياما خـذا منـي وانـا اخـذت منّـه
كل الغلا .. شف عاد وشلون اجازيه ؟
ولي فيه حب ٍ مبتلينـي .. واظنـه .!
مايدري إني بالغلا .. ميت ٍ فيـه .!!

اكتب القصايد والقصايد تجي فيه///////// كن القصايد حالفة ماتخونه

اكتب لغيره والقصايد تجي فيه
كن القصايد حالفه ماتخونه