باص جهنم / انواع الضحك

باص جهنم / انواع الضحك

قصة حقيقية صاحبها منوم في مستشفى المجمعة

دخلنا عليه وكان كل جسمه ورجليه مجبسه وما تسمع إلا آه واوه وأي وما دري وش بعد ماغير يونون من الأوجاع اللي فيه عاد أنا قلت يمكن انه مسوي حادث قوي أو انه محترق أو أو أو ... الخ.

المهم جاءت الساعة 4 العصر وبدا وقت الزيارة

أنا استغربت من شي غريييييييب كل من جاء يزور هذا الشخص يطلع من عنده ميت من الضحك.

أنا جاني الفضول وقلت وش السالفه وعلى هالحال كل من جاء وسلم عليه ما تسمع إلا ضحكهم من ورا الستاير.

أنا قلت لازم اعرف وش السالفه

انتهى وقت الزيارة وانقز له على طول واتشافا له وأقول له الحمد لله على السلامة
عسى ما شر ومن هالكلام وأنا كل همي اعرف ليش يضحكون:

المهم قلت له: أنا أشوف اللي يجونك ما يروحون من عندك إلا و ضحكهم واصل آخر المستشفى ... قال لي: هههههههههه ليـش عاد أنت حاسدنا على الضحكة ..... قلت له: لا يـا أخوي ما هي كذا السالفه والله لو عندك مليون كان يمكن أحسدك! .... بس اضحكوا عادي خذوا راحتكم بس بغيت اعرف السر يعني ... إذا ما عندك مانع ... قال لي : طيـب ولا يهمك .... أنت مثل ما تشوفني مكسر ومربط بالشاش...

قلت له : إيه والله ... الله يشفيك ...

قال لي : يا طويل العمر أنا ساكن في شقه في الدور الثاني ... وعندي بلكونه ما فيه زيها مررره حلوه...وإذا نمت فتحت باب البلكونه......وطفيـت النور....وتسدحت على السرير ... ويوم نمت على السرير ...... وغصت في أعماق أعماق نومي ..... حلمت إني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار!!! .... المهم الجماعة ينادون بالأسامي .. فلان بن فلان باص النار ... فلان بن فلان باص الجنه .. وهكذا .. فلان بن فلان ... هذا اسمي ..... وقلبي يـدق ويـدق... رووح باص الجنه .... اووووووووووووه الحمد لله ارتحت ومشيـت ادور على الباص اللي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جتنا لوحه مكتوب عليها (الجنه 50 كيلو) (النار 100 كيلو) وهذا وحنا مع اللوحات ..... والله ونتعدى الجنه ... قلت يمكن السواق يـعرف مكان لباب ثاني ... شوي وشفت النار 15 كيلو ... وبعد شوي النار 10 كيلو ... وكل شوي نقرب من النار ... يا رجال وش السالفه .. المشكله الناس ساكتيـن وما حد قلق في الباص إلا أنا ..........قلت بدخل على السواق وشفته معطيني ظهره .. إيـه إإإيـه أنت وين رايح؟؟؟!!!!!!! ... قال لي بدون ما يلتفت : رايح النار يا حبيبي .. قلت له: ويـش أنا من أهل الجنه .. وليـش توديني النار يا وجه النحس..!! والتفت لي .. طلع هو إبليس !!! .. الله يلعنك ... أنا من أهل الجنه ... يا ملعون لا توديني النار .. أنا من أهل الجنه .... والله العظيم إني من أهل الجنه ..... تو من شوي قايلين اسمي..وقف يا ملعون .. وقف يا ملعون ... وهذا أنا أصارخ... وهو بأنواع الضحكات الشريره هاهاهاهاها ..... هاهاهاهاها .... هاهاهاهاها ... قلت له يا ملعون وقف!!! أبي انزل!!! ... قال: والله الباص هذا مبرمج على انه ما يوقف إلا في النار ... تبي تنزل أقفز منه ..... وركضت على الباب وفتحته .. وهووووووووووووووووووب
ولا وعيت إلا في المستشفى ... قافز من البلكونه ... في الحوش!!!

----------------------


القصة صحيحة ... وحصلت لواحد كان منوم في مستشفى المجمعه العام

الموضوع الأصلي: باص جهنم / انواع الضحك || الكاتب: oOصعب المنالOo || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

هههههههههههههههههههه
عزالله ماعين خير
الله لا يهينك صعب

ههههههههههههههههههههههههههههههههههههههههههههههههه
لا بالله رقدنا اليوم ههههههههههههههههههههه
الله لايهنك صعب

هههههههههههههههههههههههههههههه
ههههههههههههههههههههههههههههه
هههههههههههههههههههههههههههههههه

انت وين طريت علينا هالحلم يمكن يجينا اليوم ونسوي مثله


لاهنت ياصعب على القصه الرائعه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه


انا مره حلمت اني اتهاوش ويا قطوه اخر شي شمخت بنت خالي واهي نايمه خخخخخخخخخخخخخخخخخخخخخخخخخخ المشكله ان شمختها واضحها تقولي الله ياخذج شسويتي بوجهي قلت شاسوي كنت اتحلم اني اتهاوش مع قطوه قالت حتى بالاحلام تهاوشيــــــــــــن الله يكفينا شرج خخخخخخخخخخخخخخخخخخخخخخخخخخخخخخخخخخخخخخ


مشكله الاحلام والله

هههههههههههههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههه
هههههههههههههههههه
هههههههههه
ههه
ه

اجل الله يعين الي بتتزوجينة يادمعة

تلقينه مايداوم والسبة انتي واحلامك بتشقين وجهة