النساء المتزوجـات(( فلاح بن عريج))

النساء المتزوجـات(( فلاح بن عريج))

قصيدة الشاعر (( فلاح بن عريج المطيري ))


,, بالنساء المتزوجات ,,



بعض النساء تجلب على بيتك الخيـر ** والبعض منهن لـك تجيـب النكـاده

والبعض منهن مثل وصف النواويـر ** ومع العقل والزيـن فيهـا الركـاده

والبعض منهن يستر الحـال تستيـر ** لوهي تعيش العمـر صبـر وجـلاده

والبعض منهن عقلها يـوزن النيـر ** ومعها على تـاج الرزانـه شهـاده

وبعضهن احلى من حليـب المغاتيـر ** واحلى من الطايـف ونفحـة بـراده

وفي مجتمعها تمشي ابحسـن تدبيـر ** عقـلٍٍ رزيـن وفـي حلاهـا زيـاده

وبعضهن اينومسك عنـد المساييـر ** والبْـن فالدلـه اتظـبـط اقـنـاده

وبعض اللسنتهن مثل وصف المناشير ** والبعض منهن طايـشٍٍ فـي عنـاده

والبعـض منهـن فكرهـا بالدنانيـر ** قشـرا وشوشتهـا سـواة العـراده

والبعض منهـن مايكـب المشاويـر ** وفيها التغطـرس والغبـاء والبـلاده

وهذي هي اللـي تستحـق البواكيـر ** حيـث انهـا للسـوق فيهـا عبـاده

والبعض منهن عايـشٍٍ دون تفكيـر ** وان شفتها منتـه ب ويـا السعـاده

وان رحت عنها ولعت فوقك اسعيـر ** وشنت عليك الحرب حـرب الابـاده

واللي ماصار اترهمه غصب ويصيـر ** ومـن جورهـا لازم تـزور العيـاده

والبعض منهن دايم اقدامهـا اتسيـر ** علـى امـهـا والام راس القـيـاده

وتنفـذ اللـي تسمعـه دون تاخيـر ** وترسم امخططهـا لفـرض السيـاده

واليا حصل من بينكم شـيٍٍ اصغيـر ** تفيـد منهـو ماطلبـهـا الافــاده

وتوافـي اهلهـا بـكـل التقـاريـر ** ليـن الرجـل يعـاف شربـه وزاده

واليـا ظربهـا كـف مالـه معاذيـر ** راحت هو ياكل عشاء البيـت سـاده

راحت طمـوح وبلشـوه العصافيـر ** ومن همهم حـارب منـام الوسـاده

وان جاء يرجعهـا عيونـه مطاييـر ** قالوا قبـل ترجـع تجيـب القـلاده

وسبحه من الأربش وأطقم أساويـر ** ومن جورهـن لا واعنـاه وهجـاده

وان كان ماانسابك ارجـالٍٍ مناعيـر ** هيجـن وهوبـل ياحيـاة الـقـراده

وارجو السموحه من جميع الغناديـر ** وهن الأصل منهـن للاقطـار سـاده

ومصنـع رياجيـلٍٍ تقـود الطوابيـر ** والحـرب تقـدح للمعـادي ازنـاده

والمعذره وان كان بالقـاف تقصيـر ** وماكل من يجهد نجح فـي اجتهـاده

وللكلمه الجزلـه زبـون وجماهيـر ** وقول بـلا حكمـه مافيـه استفـاده

والله يجعل لي مـن الذنـب تكفيـر ** يوم ان راع الـزرع يلقـا حصـاده


صح اللسانك يابن عريج


المـــزيـــونــ

الموضوع الأصلي: النساء المتزوجـات(( فلاح بن عريج)) || الكاتب: العامري || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

لاهنت .. علي النقل
وصح لسان فلاح ابن عريج ..

لله درك يالمزيون
قصيدة جزله من الشاعر الرائع
فلاح بن عريج المطيري

وأحب بمناسبة
تنزيلك هالقصيده الرائعه
عن النساء
وإذا سمحتلي يالمزيون
حبيت انشد وأقول لنساء
من باب النصيحه لهن
طبعاً قصيده منقوله
والله لو كنت من حور الجــنان لما
نظرت نحوك مهما غرني لهدل
أختاه إني أخاف الله فاســـــتتري
ولتعلــــمي أنني بالدين مشتمل
تمسكي بكتاب الله واعتصـــــمي
ولا تكوني كمن أغراهم الأجل
أختاه كوني كأسماء التي صـــبرت
وأم ياســــــر لما ضامها الجهل

كوني كزوجات خير الخلق كلهم
من علم الـناس أن الآفة الزلل
من صانت العرض تحيا وهي شامخة
ومن أضاعـته ماتت وهي تنتعل
كل الجراحات تشفى وهي نافـــذة
ونافذ العرض لا تجدي له الحيل
من أحصـنت فرجها كانت مجاهدة
كمريم ابنة عمران التي سألوا
ومن أضاعته عاشت مثل جاهلة
تريـد تسير من قد عاقه الشلل
أختاه من كانت العلياء غايته
فـــــليس ينظر إلا حيث تحتمل
أختاه من همه الدنيا سيخسرها
ومن إلى الله يسعى سوف يتصل

هذا وتقبل مروري ياعزيزي المزيون

المزيوون

تسلم يميينك علا هنقل الطيب وصح السان شاعرها

ولاحنف يعطيك الف عافيه بعد علا الي ذكرته

تقبلو مرووري ...

يعطيك العاافيه اخوي على هالنص الجميل

وصح لساان فلاح العريج

وذوقك على هالاختياار

شكرا لك

الــزيــونـــ , , ,

لاهنت . . . على القصيده بارك الله فيك , , ,

تقبل مروري وفائق الاحترام والتقدير , , ,


لاحنف , , ,

لاهنت , , , على القصيده وطاب منقولك , , ,

تسلم أناملك علي النقل

وصح لسان شاعرها ...وننتظر جديدكـ

الـــلــــه عليك

اختيار جميل

صح السااانك

نــص راائــع

صح السان شااعرهااا ونااقلهااا

يـع ـطييك الــع ـافـيه

شكرن علا النقل يالمزيون
وصح السان ابن عريج