( سلطـــان الأسيمـــر هنـــا ..)

( سلطـــان الأسيمـــر هنـــا ..)

لفته بسيطه من اختكم قمرهم ..
لدعم الشاعر الجميل ..
صاحب الحرف المختلف ..
سلطان الأسيمر ..
لكل من لايعرف سلطان الشعر ..
يقرأه هنا ..
وهبه الله سحر المفرده ..
وجمال الحرف ..
قصائد كتبت بالذهب ..
وطرزت بإحساس شاعر صادق ..
لُغه شعريه مآيكتبهآ إلآ سلطآن آلإسيمر ..
ابقوا مع روائعه ..









(عاشر سنه مرت وانا ما نسيتك)


عاشـر سنـه مـرت وانـا مــا نسيـتـك "
" عاشر سنه عايش على صوت ذكراك

عاشـر سنـه مـرت وانــا مــا بكيـتـك "
" عجـزت اميّـز بـيـن صــدك وفـرقـاك

قلـي بعـد ذيـك السنـيـن إش عطيـتـك "
"قلـي وانـا ارسـم بسمتـي فـي محـيـاك

يـوم إذكــروك البـارحـه مــا طريـتـك "
" كنـك زرعـت بـصـدر الايــام شلـفـاك

مـابـيـن صـفـحـات اللـيـالـي لـقـيـتـك "
" صــوره قديـمـه بـروزتـهـا خـطـايـاك

يالـلـي عنـيـت ولا ذكــرت وجفـيـتـك "
" جرحي على خبرك من سنيـن ينخـاك

كـنـك تـقـول لسـالـف العـمـر جـيـتـك "
" وانـا آتـحـرى بــس ضحـكـة ثنـايـاك

يـاقـو قـلـبـك اشـهــد انـــي هـويـتـك "
" ويازين حظي يوم جبتـك مـن اقصـاك

يطـري علـي احيـان اسمـك وصيـتـك "
" واضحك على نفسي اليـا حـل طريـاك

اقـول انــا ويـنـه / الـيـا مــن بغيـتـك "
" رجعـت اقلـب فــي خطـايـاي والـقـاك

ما بين / يمكن / او / تواريـخ / ليتـك "
" اركيت رمحك واشتعـل صمتـي حكـاك

ذكـرتـهـم وجـــه الطـفـولـه وبـيـتــك "
" ونسّيتـهـم حــرف كتبـتـه ولا جـــاك

يــوم الـشـوارع تنحـنـي لــي بنيـتـك "
" مابـيـن كــراسّ المشـاعـر والافــلاك

اكــره دقـايـق غربـتـي فـــي مبـيـتـك "
" واعشـق ثوانـي جرحنـا يــوم لقـيـاك

ومـدري ذكـرتـك والا انــا مانسيـتـك "
" عاشـر سنـه مابيـن هجـرك ولا مـاك

اهــواك يمـكـن يــوم راحــو بكـيـتـك "
" يوم اشتعل في صـدري اليـوم ذكـراك



( سواليف )


ويتنثـر صبـا ليلـك سواليـف وسهـر ويـجـود "
" علـى وجـه البسيطـه يرتحـل والعـذر لغيـابـك

سكت كل الغـرام وحـاك جرحـه والعبـاد شهـود "
" ومر البـال فـي طاريـك لينـه صـاح وش جابـك

عضايـم ياحبايبنـا عظايـم ... والجفـا مـولـود "
" تباشـر بـه تخاريـف الزمـان ورحلـة عتـابـك

تكلمنـا تحـت مبـدأ ( بـدال العـود ينبـت عـود )"
" ولكـن مالـت اغصـان الكريـم وشحـت اهدابـك

سقيت من الحشـا بـرد السنيـن العاتيـات السـود "
" تئـن وتضـرس إضلوعـي ولا سديـت لـك بابـك

وانا مـن يبّـس جفـون الهجيـر ولحفتّـه النـود "
" ( تعابير الغياب ) و ( غرغرات الجرح ) وازهابك .!!!

تكاثرت اجرح إشعورك ولـو ساحـل مـداك إقيـود "
" أفـل السهـد لوجيـه الحنيـن وينقـش اسبـابـك

شعور ٍ لو تبي تقرب ملا ( سحب الصـدور ) رعـود "
" كفـاه مـن الغـلا ريـح ٍ يبلـه عطـر هنـدابـك

أعرف الجود .. للموجود .. بس يجود .. لا موجـود "
" كبيـره حيـل فـي حـق العقـول وحـق منصابـك

يدوم العز ياصـدر ٍ خـذا الدعـوى إسهـود إمهـود "
" يضيع الحب يا قلـب ٍ سمـت بـك طعنـة احبابـك

مدامـه يرتشـف ضحكـة بكـاي بعالـم المفقـود "
" ينسيني انا من هو و ( أحشـرج ) صـوت احيابـك

إيشاغلني ورى رواق الغيـاب وصحـت والمـردود "
" سوى . حزنك . وترحالك . وصوت بـآآآه متشابـك

احبه كيـف مـا حبـه وانـا اعشـق ثـراك بـزود "
" ( سديم ٍ ) .. ( خرمس ) جبال العظيم وعاش يرقابك

كتبتـه واعتلـى بعـض الكـلام وصبـه المنقـود "
" علـى شفـاه الرحيـل وصفقـت للريـح أسرابـك



(حضرة جنــاب الفقـــر)


رغيف الحزن من جوع الغلابآ والشقـى يقتـات "
" على كسـرة جفـاف وبلـل التنهيـد حلقومـه

تحت حضرة جناب الفقر والتلويع كم من مـات .؟"
" سؤال ٍ يقتـل امـال الكبيـر ويـزرع همومـه

ثمن آدم ورى آدم مداين ضيم .؟ والا فتـات .!! "
" طقوس الوقت ترنيمة طريح ٍ ضاعـت علومـه

رحيق الويل من عبق الحناجر كم كسـى اهـات "
" طعن في حربته وجه الصحيـح وقـدد هدومـه

نكابر لجل ضحكة سن في عيـن الغبـي ونبـات "
" على ( يمكن يجي باكر ) صباح ونقـدر نقومـه

وحنا من ملا وجـه السواحـل والثـرى دانـات "
" عزفنـا للفنـا دم الصـدور وفـاح يشمـومـه

قدحنا من محاجرنا ضما واسترسلـت حسـرات "
" رحيل الطهر يعنينا ( كِفـاه ) وماطـر غيومـه

ياماضينـا مواطينـا حوافـر تنتهيـك ابـيـات "
" يا واقعنا مـداك الشُـح فـي تعليـل مرسومـه

نقول الفقر ما خان الفقيـر ان خانـت الهقـوات "
" مصير ٍ علـق العمـر الغريـر بكـف ديمومـه

نُدار بفور / وتطيح الحواجز / وتخفـت اصـوات "
" جرس حصن الحقارى ايقض الرهبان من نومـه

ياعّم اصحى على صمت الشوارع واسأل الويلات "
" من اللي غيّـر وجيـه الحقايـق وابتـدا يومـه

شعارات المشاعر زيف تُحكى من جثـث امـوات "
" يا عّم البؤس ذي ثورة جيـاع وتنتهـي كومـه

مثل منهو بكى حاضر / ضحك اخر على اللي فات "
" أحد ما ضاق من قوته / وأحد ما افطر بعد صومه

نقول الجوع كافر كيف اجل بيصير فقـر الـذات "
" حقيقه تختصـر كـل الكـلام وتشعـل نجومـه

سراميد الظلام افنت مساحات الكِفى / لـو جـات "
"طواغيـت البشـر قضبـان والافـلاك مردومـه

حكينـا وانتهينـا والمصيـر لـهـادم الـلـذات "
" عظام ٍ تلتحف جلـد ٍ رقيـق ٍ غابـت رسومـه

سكوت / وخلو دروب المنايـا تـردم الضيقـات "
" على صدر الوجع لا غاب فقر ٍ طاح بـه قومـه



(هـيــآكــلــ آوادمــ )


عبرت البحر ليلـة شقـا وانكسـر مصبـاح
كنفهـا مـن التلويـع والواقـع اشقـانـي

اصور معالمها سمـا .. وانحـدار .. الـواح
تـجـرد مفاهـيـم الكفـايـه وتعصـانـي

اذب الفـرح حـر ٍ تفرعـن علـى الملـواح
ابآقـف علـى توديـه حزنـي وخـذلانـي

تحت ظل شمـس المفخـره يندفـن مرتـاح
غريبـه نحـط الاول المعتـلـي .. ثـانـي

كبرنـا ولكـن مـن كبـر بالوجيـه انـزاح
دموع ٍ تغارق .. فوق .. من .. اصل حرماني

هياكل اوادم .. والحقيقه .. نشـوف اشبـاح
سحـاب الوجـع جلـه تراتـيـل احـزانـي

ابرقى على خد الثرى واندهك .. يـا صـااااح
سراميـد صـوت الليـل للحيـن تنهـانـي

تعلقـت شـي ٍ مـا وصلتـه وسـدي بـاح
اعرفك ظـلام ٍ .. أجـودي بيـن .. خلانـي

ابيك انت لكن من بغـى القـرب جـاك وراح
تعديت من كنت احسبـه .. ثـورة اشجانـي

لقيت إلك بين ضلوع صـدر الغريـم إمـراح
ادورك بيـن فجـوج صـدري ولا .. ألقانـي

هنا نبض .. وهناك الغلا يـوم قـام وطـاح
على دربك اللـي جـرّد الصمـت واشقانـي

تسولف عن انفاس الضما ....والعطش لو لاح
كسـر وابـل التنهيـد رمـحـه علشـانـي

ابغتاب مـوج الوصـل لا نسنـس المسـراح
مظاليـل جفـن اليـاس مـالـت تحـدانـي

طويت المعابر وألبس اليـاس جـاك وشـاح
انا ما عرفت الناس قاصـي .. ولا .. دانـي

اببحر وخل اللي طـواه الحنيـن و سـاح ...
يذّوب صدى صوته ترى الوقت مـا آمدانـي



(بعض من الخصوصيــهــ)


وآعذاب الحال فـي ليلـة خميـس
مـن عناهـا دقنـي هوجاسـهـا

مالمحت مع البشر ضحكة ونيـس
ارتشف من ضيق صـدر انفاسهـا

سبة اللي شالها موكـب عريـس
وآعذابـي حالتـي مـن قآسهـا

روّحت والـدرب وظروفـه تقيـس
كـل شـي ٍ شدنـي لأحساسـهـا

كن دمعي من ورى جفني حبيـس
وكن نفسـي شاغلـت وسواسهـا

غادي ٍ لضلوع مجنونـه ضريـس
لو جرحنـي مـا غبـن جلاسهـا

اذبحتنـي نظـرة الوجـه التعيـس
وين اصد بنظرتـي عـن ناسهـا

خابر ٍ حظي مـع الدنيـا نحيـس
يا عسى تسلـم ويسلـم راسهـا

والا انا وآلله ما عندي .... وليـس
وسط صدري غير ( طير ) اقواسها

جاذبتنـي والوفـاء فيهـا نفيـس
وليلـة البـارح تعـب عساسهـا

طحت من كبري على صبح الخميس
ساع دقت فـالضلـوع اجراسهـا



(خـــسرتــكـــ)


الشعر / دمع وذنـب وجـروح وهمـوم
الشعـر / صـوتٍ لا فقـدتـك كتبـنـي

شفني ثلاث شهـور مـرت الـى اليـوم
مقـدر اقــول الا فـراقـك غلبـنـي

والنوم وين النوم ..؟؟ يا ( حارس النوم )
و سهـر الليالـي لجـل عينـك نهبنـي

والكاهـل اللـي بانـت بطولـه وسـوم
كـل ٍ علـى الرفقـه بحالـه طلبـنـي

ما ابكي علشانـك / ولا ابكيـك مظلـوم
ابكـي علـى يـوم ٍ تركتـك نكبـنـي

علمتنـي كيـف الشقـا يلبـس هـدوم
وعلمتهـم وشلـون ذكـرك سلبـنـي

لا مر طاري كيـف انـا آطيـح وآقـوم
حبك علـى ( سـوق المنايـا ) جلبنـي

ياليت غيري بـاع واقـدر انـا آسـوم
لـو ان مثلـك لا انهـدم شـي يبـنـي

ادري خسرتك بـس حاصـل ومقسـوم
هذا البخت في شـوف غيـرك وهبنـي

خلصـت والا باقـي ٍ عنـدي عـلـوم
وآآلله مـدري بـس / جرحـك عطبنـي

والشعر هذا الشعـر ضيقـات وهمـوم
حتى اليـا مـن طحـت بعـدك كتبنـي



(حصــــه اللوغــــاني)


الليالي دمـع / والغربـه اغانـي
والسهر ممنوع والتذكـار عيـب

وين اصد وكل ما فينـي عصانـي
وين اروح ان فاح للتلويح طيـب

يا ( عزيز ) ان شفتني رايح تراني
انهك التلويع كلـي يـوم اغيـب

بنت شيخ ٍ طول مع قـد وليانـي
خيزران ٍ داعبـه نسمـة عذيـب

من يقدمها مثل بنت ( اللوغاني )
او غـزالٍ ساقهـا للبيـد ذيــب

لا نستني قلـت هالعالـم نسانـي
ولا ذكرتني طاح من هالراس شيب

اتذكر كـل مـا قالـت عشانـي
قلت ذاب الكون يـا راع الشعيـب

الليالـي تشتكـي حـر الثوانـي
وصاحبك يشكي كذا طول المغيـب

ويا عزيز ان شفتها بين المحانـي
قلها سلطان مـن شانـك يجيـب

راس اكبر راس دام العمـر فانـي
يوم كلن حاسـب ٍ نفسـه لبيـب

قالها من لا حسب قاصي ودانـي
ولا بعد حط بثنى صـدره صليـب



(عادي التعب .....)


تصبر وانا اصبر والسنين اتعبتني
وشلون ابصبر جد يا ( راشد ) اليوم

احس كن جروح صدري اكتبتني
على الشقا حتى لبست الفنا هدوم

ياراشد الماجد بعد كلمتني
حسيت ارضي هم وآفاقي غيوم

هي لو بكت بعد الغرام انصفتني
لكنها راحت وانا آطيح وآقوم

دنياك ياخي ليتها قد عطتني
ما كنت اعيش بفلك واصادم نجوم

( صابر ) وليت احلامي اللي بكتني
ما بللت خد الرجا دم وهموم

قولو لها لو مر يوم ذكرتني
لاتنكسر قلبي لها ضلع ورجوم

ويا ( مسهل الدنيا ) ولو عاندتني
عادي تعيش بضيق وتصير محروم

وان كانها بعد الغياب المحتني
قولولها ما عشت بعدك ولا يوم



(بتسمع شي .. يــا جـرحي..)


زما جرحـي وانـا دونـه وأميّـل
على باقي هيال ٍ وسـط صـدري

أجر الصـوت كـل ليلـه واسيّـل
ظلام ٍ مـا غشـاه الليـل بـدري

تحت ظـل الغيـاب بحـزن أقيّـل
وأنا وصلي سـراب ٍ مـل قـدري

حزين ٍ لا ضمـاه الوصـل خيّـل
ورى بارق حيـاه يطيـح جـدري

رعيت الحب لكن صـار ( عيّـل )
رفعته فوق لكـن طـاح حـدري

كثير الجـرح مـا يعـرف قليّـل
سقى روح السنين العوج سـدري

أعز الخوف فـي جوفـي وأشيّـل
حنيني من ضمـا غلـي وغـدري

أبروي من عطش صمتـي حليّـل
حداه القيـض يـوم البعـد يـدري

بتسمع شي يا جرحي ..!! ( تخيل )
أضمك حيل وأنـت تقـد صـدري



(اقسم قسم بالله اني له اشتقت)


اقسم قسم بالله اني لك اشتقت "
" واقسم قسم بالله ماني برايق

ياللي معك حسيت في قيمة الوقت "
" غيبّتك حلم وذكرياتك حقايق

ان قلتلك ماشي انا جد ما ضقت "
" اكذب على نفسي عشانك تضايق

كم ليلةٍ في ضوح وجهك تعلقت "
" يوم الليالي تستبيح الدقايق

شاعرّك لا مره خيالك ودنقت "
" روح ٍ تمازج بين غافي وفايق

تحسّبني انسى والذي يوم عانقت "
" اسمه ذكرتك من جميع الخلايق

من وين ماهبتّ هبوبك وفارقت "
" يقتلني النسيان لا هب عايق

كل شي اطيقه بس غيبّتك ماطقت "
" عجزت اشوف انك على البعد لايق

وياللي عن احبابك من ايام شرقّت "
" بردك دفا وجروح وقتك حرايق

والبارحه يوم انحنيت ولك اشتقت "
" صوتلك صدري من البعد ضايق



(فــ/ــراغ .. شـــآعـر)


عطيت الزمن وجهـي لكّـن الزمـن خـداع "
" بغيت اشتكي نفسـي مـن الضيـق للراحـه

عباد الولي تشكـي مـن الهـم والاوجـاع "
" وانا ما اشتكي لا هم / لا اوجاع / لا طاحـه

لكن الفراغ اللي لـوى الرجـل لـوي ذراع "
" مخلي ضلوع الصـدر عنـده ( سمرداحـه )

يتـل الشـوارد كـل ليـل ٍ وانـا مطـواع "
" وبالـراس مسراحـه / وبالصـدر مرواحـه

غديت السديد اللي بغى الـراي لكـن ضـاع "
" فهقت العدود وصمـت ظلـي علـى مراحـه

يلـوج الكـلام احيـان وده يغسـل شـراع "
" مفاهيـم وضـع اليـاس لا ركـز إرماحـه

صحيح المعالـم واضحـه حيـل والاوضـاع "
" مثل شاعر ٍ فاشـل تربـع علـى الساحـه

يراهن علـى صوتـه ورى دقـة الاصبـاع "
" ويندب علـى حظـه اليـا طـاح بوشاحـه

وهـن كفّـر النسيـان ياصفحـة الابــداع "
" عطـى كبـل التلويـع بـروازة اشبـاحـه

وانا ما نسيت اني مـع النـاس لكـن بـاع "
" عرق وجه ليـل البارحـه نـور مصباحـه

ورى وقفتي / قاع / وحجر / صم / واستمتاع "
" بشر / ما تعرف الحر مـن ريـش ملواحـه

تقـول الكـلام الملتـوي والفجـوج وسـاع "
" تـدوس الصحيـح ولا تـدور ورى ارباحـه

ابا آقف وانا مانـي علـى وقفتـي منصـاع "
" اخالـط سمـا نـور ٍ تجـاوزت وضـاحـه

يجـوز الخيـال وماسكـن بالصـدور يـذاع "
" تمـوت الجواهـر والبحـر كّسـر ألواحـه

ابترك مدى الواقـع علـى غـارب الملتـاع "
" خرز فلك بعض الخلـق يجـري بمسباحـه

مدام الزمـن قطـرة هـدب واستلـذة قـاع "
" بميّـل علـى وجـه ٍ إتعـريـه افـراحـه



(شواقة غــــلا / كيبورديه )


هانت عليك جـروح قلبـي وصديـت "
" وانا هنا يرسمنـي البـوح واشتـاق

خذني معـك مليـت ارضـي ومليـت "
" كل الدروب وما عبر دمـع الاشـواق

خذني معك حسيت انـي هنـا ميـت "
" سافرت واغتاضت تجاويف الاعمـاق

طالبـك لا مريـت اسمـي وحسيـت "
" انـي هنـا بعثـر مشاويـر الاوراق

هذي مداين شعر طاحت وانا ازريـت "
" اغتال بك صدري ولو محجره ضـاق

انساك كيف انساك / من شانك ابكيـت "
" ( حلم ٍ ) صبغ وجهه على سفح الافاق

اندهّك ( شواقـة غـلا ) لا تماديـت "
" واهمس ل( جورك ) ذاب كلي ولا فاق

داعب ( نسيم ) العمر صوتك ومريـت "
" ( شارع ضماك ) وذبه الحزن وانساق

على امنيات الريح واحلامـك وليـت "
" يبقى سحابي ( بكر ) تجتاحه احـدااق

لني عطيتك ( اسم ) لكن وش اعطيت "
" غير انكسـار ٍ تختلـف فيـه الاذواق

قلي نحرت فجوج صـدري وسميـت ؟"
" والا شربتك ذنب مـن كـاس تريـاق

لكـن هنـا مريـت لحظـه وناديـت "
" اسمك و لدّت بـي ملاييـن الاعنـاق



( شد الــّرحال )


شد الرحال وخل عنـك السوالـف "
" من راح دايم عادتـي ماحسبلـه

ماني بناشد عنك وين انت ذالـف "
" موضوعنا كف ٍ نُزع منـه دبلـه

خالف وتُعرف وانت تعرف تخالف "
" تبغى كذا خبل ٍ على سـاق خبلـه

ماعلموك اني من سنيـن حالـف "
" ما طيح لو راسي همى غيث وبله

اذكر بأني كنت حاضـر وسالـف "
" حر ٍ مواكيده علـى الطلـع قبلـه

واليوم اشوف الحس مُعدم وتالف "
" ماعاد يغريني على الوصل حبلـه

وأبسألـك بالله كيـف انتـوالـف "
" وانا اكتبك وتقول وش ينكتب لـه

عطني سبب واحد عشان إنتحالف "
" لو ان جرح القلب دونك نشب لـه

والا السوالف ماتفيـد السوالـف "
" الموت منهو راح ما أحد ٍ حسب له



(وانا عيني على جده)


ماعاد باقـي فـي حياتـي مـوده"
"ولا عاد باقي بالزمن شي ارجيـه


حلم ٍ كبير ورمـح الاقـدار هـده"
"وقلب تحطم كيف تجبـر هقاويـه


مليت جـزر الوقـت مليـت مـده"
"مليت حتى ثوبي اللـي انـا فيـه


يمكن لقيت الحـزن مرسـى اوده"
"ويمكن عذرت الولف لاصرت ناسيه


وين انت ياللي بحر الاوهـام لـده"
"وين انت ياللي بح صوتـي اناديـه



ليت البحر عينك وانا اصيـر جـده"
"واسكن على موجك والمه واداريه


وليتك سالت الجفن عن حال خـده"
"والا سالت الحال عن سكتة التيـه


احيان اضم الشوق واحيـان اهـده"
"والقى معه بين الحنايـا مشاريـه


الحق علـى قلـب تحـب وتـوده"
" قبل الشقى لا يدفن ثيـاب راعيـه



( أركان الأرض )


البارحه واركان الارض (إ) تلف والحاله دمـار "
" والمستـريـح الـلـي فـقــد لـيــلاه مـــا غنـالـهـا

جريت صـوت وانهـدم فـي داخلـي اكبـر وقـار "
" ولديـت عينـي والهـدب مــن غربـتـه سمالـهـا

يكفيـك يـا قلـب المواجـع مـال صمـت الانتظـار "
" وانا ارتجي رحما السنين اللي غـدت مـع فالهـا

سافـر وخـلانـي عـلـى جــال العـنـا والانهـيـار "
" ما شال نفسي عن سبيب القوس ساع اغتالهـا

ضجـت مياديـن الغـلا الفـيـن مــره لـيـن طــار "
" اسـراب جـوف المهتـوي لحظـة فـواده شالـهـا

عدت على الذكرى الحزين وهدها ضوح النهار "
"وتعـقـدت هــوج السـنـيـن المقـفـيـات احبـالـهـا

ياصاحبي دمـع القهـر مالـه علـى مثلـي مسـار "
" الـيـن ماعدلتـهـا حسـبـي عـلــى مـــن طـالـهـا

لـو الفلـك يسمـو علـى كلمـة فـضـا والا مــدار "
" مــا علـقـت ســود اللـيـالـي للـنـواظـر شـالـهـا

خذني دخيلـك لا تقـول اليـوم هـذا ويـش صـار "
" خذنـي تـرى ملـت ركايـب ناطـرك مــن حالـهـا

خذني بعد باع الرخيـص اغلـى معازيبـه وجـار "
" خـذنـي بـعـد ماتغـيـرت كــل الـعـرب بأقـوالـهـا

خذنـي ولـو بوابـةٍ تبقـى عـلـى وجــه المـطـار "
" خذنـي ولـو بعـت الجـروح ولا نسيـت افعالـهـا

انت الدواء لكل داء اخمـد بجـوف الجـوف نـار "
" يعمـر بـذكـرك صـدرهـا لــو مــر مــره جالـهـا

يمكـن احـس انـي غلـط لكـن علشانـك /عـمـار "
" تـبـاع لاصــرت الـظـلال الـلـي يـظـل ظـلالـهـا

قـلـي وانــا بـتـرك مـدايـن هالـغـرام لـكـل بــار "
" مـن هـو الـذي علـم حـرار الـدار تقتـل خالـهـا

قلـي ضحـك وجـه الكريـم بكـل عـزه ليـن خـار "
" عـيـا يشـيـل الـلـي تشـيـل بـكـل قـــو جبـالـهـا

قلـي مـن اللـي علمـك حـب المواجـه ليـن ثــار "
" المشـكـلـه كـنــك تـــردد كــــل كـلـمــه قـالـهــا

واليوم كان انك تشوف ان السفـر غربـة ديـار "
" انـا الديـار بغيبـتـك مــا شــوف غـيـر حثالـهـا

والبارحه واركان الارض تعيش دمع الانكسـار "
" ذكــرت روحــك يــوم روحــك ماتغـيـر حالـهـا



( استاحشت كل الديار بغيابك)


ياصاحبي بانت مع الوقت غيبتّك "
" وأستاحشت كل الديار بغيابك

أشتقت لأنفاسك وريحك وطيبتّك "
" وأشتقت لأحلامك وطيشة شبابك

اليا ذكرت اسمك ودارك وهيبتّك "
" ولديت في حالي وصّوت عذابك

كان الفراق اللي عّزم غنْج ريبتّك "
" ما مل من ضيقات صدرك وجابك

انا نبت في راسي اليوم شيبتّك "
" وأعلنت منهو مات عقبك حيابك

ياللي محسسني مقامك وسيبتّك "
" في ذمتي غيري فلا احد ٍ درابك

يمكن تبيّن في ذرى الروح خيبتّك "
" لكن اكابر واعتنز بك وآهابك

لنك اذا بانت على الكون عيبتّك "
" يكون سدك اخر الوقت عابك

والا انت تدري اسهل السهل جيبتّك "
" أخاف أفج بنحر الاوجاع بابك

ويا عين سجي بالنظر عن غريبتّك "
" تتعب فلول اليآس ملح ٍ بكابك

مدام بالطرقه وطاحت صويبتّك "
" يرتاح ليل ٍ لا بكيته سرابك

عّدو على الظلما وميّل رقيبتّك "
" وأنهال ضلع ٍ عن شعوره حكابك

يكفيك من صدري تبرت عطيبتّك "
" ويكفيك عن شمسي تعذر سحابك

رح وافتكر وش قال عني شبيبتّك"
" من يسمعك بيقول مثلي غدابك

خلك على فالك وتعرف إمصيبتّك "
" به يوم تذكرني وتعرف مصابك

واللي سئل عن طول بعدك وغيبتّك "
" قلب ٍ رميته يوم شاقه غيابك


ختاما اتمنى ان اكون قد وفقة بجمع مااستطعت ان اجمعه من درر ذلك الشاعر الجميل ..
وهي بمثابة وقفه لمساندت شاعر مطير ..
سلطان الأسيمر ..
وانا على يقين بل واثقه ان كل من سيمر من هنا ..
سيقتنع بحرفه وموهبته ..
وسيصوت له بإذن الله ..
ولتسمح لي إدارة منتدى الجبلان ..
ان اقدم هذا الجهد المتواضع بإسم منتدى الجبلان وإدارته واعضائه الكرام ..
وليس فقط بأسم العضوه قمرهم ..
واتمنى ان تغفروا لي أي تقصير او خطأ ..
يستحق منا شاعرنا الراقي اكثر من ذلك ..
وبالتوفيق يابو ساره وفالك البيرق ..
بإذن الله ..

دمتم جميعا بحب الله وحفظه ..
(*قمرهم*)

الموضوع الأصلي: ( سلطـــان الأسيمـــر هنـــا ..) || الكاتب: (*قمرهم كلهم*) || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

سلمت يمينج عالنقل




كفيتي ووفيتي



وصح لسان الشاعر





ولاهنتي عالمجهود الجبار






تقبلي مروري

لاهننننننننننننننننننننتي اختي قمرهم
بصراحه قصائد في غاية الروعه
تصنع احساس لمن لا يملك الاحساس
وليس جديد على عضو مثلك مبدعة في طرح مواضيعها
وصح لسان الشاعر سلطان
والله يوفقه ان شاء الله
وفاله البيرق
تحياتي لك/احمداللويمي

صح لسانه...
وسلمت يدآج...
شآكرلج...

ابداااااااع × ابداااااااع
صح لسسآن الشااااعر سلطااان
وصح لسااانك قمــرهم على النقل
الاكثـــر من رااااائع
كـــل قصيدهـ تتميــز بالرووعه
فعـــلآ كم هو راااائع هذاا الشااااعر
وبالفعـــل آنه يسستحــق كل الدعـم
والبــــيرق بإذن الله (مطــــيري)

يعطيك العاااافيه قمرهـم
وكلمة شكر قليله في حقــك
على هذاا المجهووود الراائع
وااااصلي ابدااااعك

لاهنننتي

يـوم إذكــروك البـارحـه مــا طريـتـك "
" كنـك زرعـت بـصـدر الايــام شلـفـاك

مـابـيـن صـفـحـات اللـيـالـي لـقـيـتـك "
" صــوره قديـمـه بـروزتـهـا خـطـايـاك


احلى بيت قريت له / صح لسسسسسآنه مليون وفآله البيرق ..

وتسلم يمينج ولا هنتي على الابدآع .

صح لسااان الشاااعر
وفاااله البيرق ان شاءالله
والله يعطيك العااافيه قمرهم
اختيااار جمييل
لاهننننننننننننننننننتي

قمرهم كلهم



مجهود متعوب عليه ....... يعطيج الف عافيه



والاسيمـر شاعر شاعر شاعر ...... والبيرق مطيري بإذن واحد أحـد

قمرهم كلهم ..

الاسيمر اكثر من رائع .. وفاله البيرق ان شاءالله ’’


لاهنتي علي هذي البادره الطيبه .. لنقل نخبة قصائد سلطان الاسيمر المطيري .. وان شاءالله نشوفه شايل البيرق ..

دمتي بهذا الابداع ..

وصح لسانه ..

وان شاءالله البيرق للآسيمر

الشعر / دمع وذنـب وجـروح وهمـوم
الشعـر / صـوتٍ لا فقـدتـك كتبـنـي

شفني ثلاث شهـور مـرت الـى اليـوم
مقـدر اقــول الا فـراقـك غلبـنـي

والنوم وين النوم ..؟؟ يا ( حارس النوم )
و سهـر الليالـي لجـل عينـك نهبنـي



صح لساانه وذوووقك يالغاليه

ابدعتي بجمع هالقصائد


ديوان جميل ومجهود مميز ويستحق التثبيت لين نرتوي من هالجمال

وفايف ستار لك انتي مو للاسيمر

^ _ ^

دمتي مبدعه