شاعر الصمان وشاعر المرقاب (محاوره قويه)

شاعر الصمان وشاعر المرقاب (محاوره قويه)

بسم الله الرحمن الرحيم

هذي محاوره اخترتها لكم يتنومس فيها كل جبلي

من فينا لايعرف ( شاعر الصمان) كم اسماه بندر بن ماجد الدويش بعد وفاة الشاعر ابوحواس رحمه الله او (ضلع القصيد) كما اسماه الشاعر الكبير خالد العقيلي او (حبيب2) كما اسماه العتبان لكن هو احب الألقاب الى قلبه (شاعرعيون الغلا) هو الشاعر سعود بن قويعان الجبلي ابن اخ الشاعر الكبير اديب مطير الشاعر صحن بن قويعان

ومن فينا لايعرف الشاعر الكبير ياسر الروقي (سداح) شاعر شبكة المرقاب وممثل عتيبه

هذه اللمحاوره جرت بتاريخ14\11\2006
في شبكة المرقاب المشهوره وامام حشد جمهور كثيف وحضور كبار الشعراء بضيافة الشاعر الكبير الشبح حبيب العازمي

اترككم مع المحاوره الكايفه


سعود

ياسلام الله سـلامٍ نشتريـه ولا نبيعـه = السلام اللي يباع ارخيص مايشرى بغالي
الزمن هذا زمانٍ أحرم السرحان ريعـه = يابروقٍ تنفض الما لارعود ولاخيالـي

سداح

مرحبا وأنت السلام المعتبر عندك وديعه = ما نسومه بالجنيه ولا نسومه بالريالي
أنتهت حرب الرغامه وأنتهت حرب الوديعه = مير لا تبكي على عنتر وابو زيد الهلالي

سعود

عشت يابن روق والمبدول من يشكر صنيعه = يامدور فالجنوب وجتك وحده مـن شمالـي
المطر في رقعة بيوت البـدو ينقـع نقيعـه = وأنت من ضامنلك الأيام وصدوف الليالـي

سداح

يا سعود أطلع شويّه لين تصبح فـ الطليعه = ثم نعدّك من كبار القوم وأصحاب المعالي
يا عساه من الحفر لـ أم الجماجم لـ الرفيعه = يستهل ويرحم الله حال رعيان الحلالي

سعود

أثر من ضاع القوايل ضيعته هذي طبيعه = الخبل مايعجبه أن القمر يرجـع هلالـي
كان سداح ايتلكع العـرب مثلـه لكيعـه = أنشد (حبيب) وسلمـه العمامـه والعقالـي

سداح

عندي علاج ٍ يهدّي دقة القلب السريعه = مع صلاة الفجر خمس اكواب من دم الغزالي
قبل لا ننشد حبيّب لا تضيق ابك الوسيعه = وانت يا سعود المطيري من طحاطيح العيالي

سعود

قبل لاتبيع العلاج اكلـه لعلـك للقطيعـه = واعلم ان الكيف ياسداح في صفر الدلالـي
انت رجال متهور لانصحني كيف اطيعـه = يحسب ان الحلو مر ويحسب ان المر حالي

سداح

صل فرضك وأقضب أرضك وأحفظ أحكام الشريعه = وأعلم أن الحج مابه لا فسوق ولا جدالي
أعرف النفس الذليله .. وأعرف النفس الشجيعه = كيف أذمّك وأنت أعدّك مثل واحد من عيالي

سعود

انتبـه للعلـم ياسـداح مـن قبلـك تذيعـه = منهو اللي حـج وأرثـع فالبعيـد وفالموالـي
لاتـروعّ مارضيتلـك المضـره والفجيـعـه = أنت عندي لا رخيص ولا أنت عندي حيل غالي

سداح

الشجاعه من قديم الوقت لليمنى البتيعه = ما نخون العهد والماجوب توفيه الرجالي
لا فركنا راس خشمك قدّم اللي تستطيعه = عقب هاذي لاتقول الشمس أخير من الظلالي

سعود

الزمن صيفـاه ياسـداح مايشبـه ربيعـه = كان صدرك ضاق هوناّ وشدينـا الرحالـي
ماأنت فارك غير خشم اللي يسنع لك سنيعه = مير ريح وأنت لامكسب ولا أنته راس مالي

سداح

والله انك من بيوت العز وحصونك منيعه = ليه ترقص كل ماهبّ الهوى يا هملاّلي
يا المطيري سمّ بالله وأحمده على صنيعه = راس مالك لك لحالك يا عسى مالك حلالي

سعود

وأنت راعي يبطي السرحان ماياكل قطيعه = بس فيك الحاجه اللي يالعتيبي ماتقالـي
الدعاوي للعجايز هـذي علـومٍ وقيعـه = مير لاتدعي على المطران تنقدك الرجالـي

انتهت المحاوره

الموضوع الأصلي: شاعر الصمان وشاعر المرقاب (محاوره قويه) || الكاتب: محمد بن وديع || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله الله
صح الله لسانهم
مبدعين وقمة في الإبداع
ولاهنت يا أخوي محمد على إيراد لنا هذي المحاورة الشامخة
وبيض الله وجهك

ما نسومه بالجنيـه ولا نسومـه بالريالـي
أنتهت حرب الرغامه وأنتهت حرب الوديعه

الله الله

على الشاعر سدح

ولاهنت اخوي محمد


وتقبل مروري


اخوكم برلين

الدعاوي للعجايـز هـذي علـومٍ وقيعـه
مير لاتدعي على المطران تنقدك الرجالي

صح لسانه وأعتلا شانه

وافيه من علم من اعلام الشعر
لاهنت يابن وديع على نقل المحاوره الشيقه

دمت بهذا الابداع

صــــح لــسانهم وتعلى شانهم , , ,

لاهنت . . . يابن وديع على الايراد بارك الله فيك , , ,

تقبل مروري , , ,

الدعاوي للعجايـز هـذي علـومٍ وقيعـه
مير لاتدعي على المطران تنقدك الرجالي



الله الله


بيت عالمي


صح لسان سعود


وصح لسان سداح

كفو ووفوو

صح لساااااااااااااانهم جميع
وتعلا شانهم

لاهننننننننننننننننت يابن وديع على النقل والايراد

.


.



لا سمعت اللي يطيب إلك استماعه ,, قول صح السان سداح العتيبي

وأنت راعي يبطي السرحان ماياكل قطيعه

بس فيك الحاجه اللي يالعتيبـي ماتقالـي

الدعاوي للعجايـز هـذي علـومٍ وقيعـه

مير لاتدعي على المطران تنقدك الرجالي

صح لسااااااااااااااااااااااااااان سعود

ومافيه حيله

لاهنننننننننننننننننننننت يابن وديع

صح لسان ابن قويعان
مشرف في كل المحافل