من روائع محمد بن مريبد ((للشباب فقط ))

من روائع محمد بن مريبد ((للشباب فقط ))

هذي قصيده للشاعر محمد بن مريبد العازمي ايام الشباب ههههههههههه
اتمنى تنال اعجابكم

لا شفت صدرك من كثر ضيقته مل = وقامت تراقص وسط راسك شياطين
جهز جوازك والشناط وتسهل = البخل ما يمدح يدين البخيلين
وامش العصير وتبع الموتر الظل = تطلع عليك الشمس في ديرة حسين
نوخ ركابك عند ناس المتبل = واطلب حميصه من مطيعم فلسطين
وعمان حطه في يسارك وكمل = بس انتبه خطك ترى يصير خطين
وان جيت درعا لا تفيهم تبهذل = عطهم تراهم اهل جود وكريمين
وعلى يسارك سوق في مدخله زل = لازم تمره لا تخليه بعدين
تلقى لكيف الراس شين مشكل = هذا احمر وهذا اصفر وذاك لونين
منهم تزهب بالزهاب المكمل = لا تنقطع وتصير مثل المجانين
وليا دخلت الشام لك دربن يدل = دور على المدعوم خل الضعيفين
اضبط امورك واحلق وحط لك جل = والبس وسيده لا يسارن ولا يمين
على طريق التل تل الخطا تل = دور على جو(ن) يسر المحازين
ترقى سما سما سما لين توصل = يم الثريا والقمر والميازين
وعلى بلاط البست شين يهول = ضباط هتلر يوم تقسيم برلين
شقر البنات اللي زها زينهن دل = طول عنق ارقاب رووس الشياهين
هذي تلاعب شعرها واتمايل = وهذي تناظر بك وتسالك من وين
وهذي حكيها من شفاها تسايل = ومن الغنج تحول الشين للسين
واحرص على جو الخوي لا يتبدل = خله على جوه وصيروا حبيبين
وليا سريت الصبح من طلعة التل = مابين برزه والتجاره وتشرين
سير لام حجاج من الصبح منهل = وعط العجوز شوي وارض البزارين
وليا وصلت لديرتك كبر وصل = كل الخلايق بالذنوب متساوين

الموضوع الأصلي: من روائع محمد بن مريبد ((للشباب فقط )) || الكاتب: صافي الاحساس || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وليا وصلت لديرتـك كبـر وصـل=كل الخلايـق بالذنـوب متساويـن

الله يهديه بس ..

عز الله انه ما نصح

يعطيك الف عافيه يا صافي ..

شقر البنات اللي زهـا زينهـن دل طول عنق ارقاب رووس الشياهين
هـذي تلاعـب شعرهـا واتمايـل وهذي تناظر بك وتسالك من ويـن
وهذي حكيها مـن شفاهـا تسايـل ومن الغنج تحـول الشيـن للسيـن


والله الظاهر اني بتلها للربع مير ابغالي خوي >>ههههه

يعطيــك العافية أخوي ،،،، قصيدة اكثر من رائعة اتحفتنا بـــها .....

الله لا يهــينك >>>> بإنتــظار جديــدك ..

امحق قصيده عزالله مانصح للخير

سير لام حجاج من الصبـح منهـل
وعط العجوز شوي وارض البزارين

^

^

هذا الي انتم فالحين فيه وزع فلوسك على النور والنوريات

لو تصدق فيهم ابرك تجيك بأخرتك بس هذا فودكم للنـــــور



--- قصيده مالها اي معنى

صح لسان بن مريبد يحليه كان سربوت ايام الشباب


دمعه شوفي العنوان عدل تراج داشه بدون عزيمه



لاهنت صافي على اختيارك الرائع

دمعه برا برا .. تدور السوالف بنت الحلال .؟ .



صافي . . انا اشهد ان ابن مريبد يعجبك ..


صح السانه ملايين ..


ماتبينا تنل الموتر تل ^_^


لاهنت على النقل .. !

^

^

^

تلك الي ماياويلك



--اصلا دمعه تجي من غير عزايم البيت بيتي<<< ايوا يالثقه

اجي وادرعم واقول الي ابيه

الي يعجبني ابدي اعجابي فيه من غير تردد والي مايعجبني احط اكس وماعلي