جبلان للشاعر الكبير / دغيم بن غيام الجبلي .. معايدة حصرية منة لمنتديات الجبلان

جبلان للشاعر الكبير / دغيم بن غيام الجبلي .. معايدة حصرية منة لمنتديات الجبلان

السلام عليكم ورحمة الله وبركاتة



تحية طيبة ... لكم جميعاً

في البداية كل عام وانتم بخير ومن ثم يطيب لي ان اضع بين ايديكم قصيدة

للشاعر الكبير / دغيم بن غيام والد الجميع وهي هدية ومعايدة منة لابناء

الجبلان وقبيلة مطير وهي حصرية لمنتديات الجبلان الرسمية


اتركم مع القصيدة الكبيرة والتي نعتز بكل حرف مما جاء فيها و سوف نقوم

قريبا بعمل انتاج صوتي لها ومن ثم اضافتها لقناة الجبلان الشعرية على

اليوتيوب باذن الله ... تمنياتي لكم

بالصحة والتوفيق ...






قصيدة جبلان للشاعر الكبير / دغيم بن غيام الجبلي

انا استجرت بخير من استجارا ‍=محيي العظام الباليات الرميمة
واخذت من زين المعاني خيارا ‍=وردها الهاجوس ورد المحيمة
وحبيت ادون ماطرالي وسارا ‍=بالهجس لأفعال الرجال القديمة
جبلان تقحم بالطراد المهارا ‍=لاثارت الهيجا تطفي جحيمة
يوم المراجل بينهم بالأمارا ‍=وركابهم مع كل وادً مسيمة
باجو سباسيب الفجوج القفارا ‍=من فوق عوصن دارباتن هميمة
يتلن ابوسفاح مغني الفقارا ‍=ومفقر غناوين غناته مقيمة
وجابو جهامن بالمسير ايتبارا ‍=عليه من كل القبايل وسيمة
يومن شيخ القوم شب الشعارا ‍=وسيقت اجموعن كنها نو غيمة
جبلان سلة حرب هاكـ النهارا ‍=وقعود بنت الشيخ شدة شكيمة
قالت ارجالي منكم ابغى المثارا ‍=في ماحصلي فالسنين القديمة
بغيابكم شفنا القهر والحسارا ‍=وفـ حضوركم نبغى القضاء بالجريمة
يوم اسلبو منها ستير الخمارا ‍=ضعوف النفوس مضيعة كل شيمة
والجمع الاول جمعنا بفتخارا ‍=نقدم على الصابور بااعلى عزيمة
وركبو على صم الحوافر دجارا ‍=واهدو لغالي الروح من دون قيمة
صورامً بالكون سود هصارا ‍=تسهل عليهم كل كونن عظيمة
وخذو قضاها بالعيال السكارا ‍=ستر الجبان الياقعد مع حريمة
افعالهم منها الخصيم استذارا ‍=وقفت بعطبين الأهاوي هشيمة
نعمً بهم مير الفلك لأستدارا ‍=عقب محاريفن عليهم وخيمة
مثل نهار اوراط يوم انكسارا ‍=جموع مرويت النمش من خصيمة
اقفنبهم دق الأشابر دبارا ‍=الخيل قدم غنيم راحت حطيمة
من فعل اخو شماء شعاه الذعارا ‍=فعل العديم اللي يمينة عديمة
وعجير حكم فعلهم بالقرارا ‍=اسمع كلام عجير واقرا اتحكيمة

......

الموضوع الأصلي: جبلان للشاعر الكبير / دغيم بن غيام الجبلي .. معايدة حصرية منة لمنتديات الجبلان || الكاتب: سلطان الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وعليكم السلام ورحمة الله وبركاتة

صح لسان الشاعر/ دغيم بن غيام على الجزله . . .

ونشكره على إلاهداء القصيده الجزله بارك الله فيه ولا هي غريبه عليه وتسلم يمينه

ولاهنت . . . ياخوي سلطان العوض على ايراد القصيده الي بيت الجبلان عفاك الله

وتقبل مروري وفائق الاحترام والتقدير . . .

تحياتي لكم بود . .

صح الله لسان الشاعر الكبير : دغيم بن غيام

على هذي الأبيات القمة في التميز

وإهداء جميل ورائع منه شخصياً

وأبيات أعجبتني بصراحة من أول بيت للأخر القصيدة

وكل الشكر لك أخوي سلطان على إيراد القصيدة لنا

و إبنتظار الصوتية

صح لسان الشاعر/دغيم بن غيام
ومشكور على الاهداء ولا هنت يا سلطان

صح لسانة وبيض الله وجهه

وبيض الله وجهك ياسلطان ولاهنت

على النقل

كرم كبير من شاعرنا ..
ولاهي غريبه عليه ..
الجزل مايهدي غير الجزاله ..
لاهان قاصدها ولاهان ناقلها ..

لاهنت ياسلطان ..
حرم الله يمينك على النار ..
ولاتحرمونا هالجمال ..
وكثروا من هالعيادي بارك الله فيكم ..

دمت بحب الله وحفظه..
(*قمــرهم*)

صح السان ابن غيام

ولاهنت ياسلطان وبيض الله وجهك

ودي قبل ردي

جبلان تقحم بالطراد المهارا ‍
لاثارت الهيجا تطفي جحيمة
يوم المراجل بينهم بالأمارا ‍
وركابهم مع كل وادً مسيمة

صح اللسانك ياأبو نهار قصيده جزله من جزل..
وشهادتي فيك يالعم مجروحه ..,

بيض الله وجهك ياسلطان على الايراد الطيب ....
واتمنى أن نشاهد الكثير من قصائد الشاعر / دغيم بن غيام .... في منتديات الجبلان..,

تحيتي

صح الله لسانك يا شاعرنا
ولاهى غريبه من والدنا دغيم بن غيام

سلطان العوض لاهنت على نقلها

ياسلام هذا القصيد اللي ينموس وبس

يسلم راس ابن غيام وياليت الادارة تنقل لنا كل قصايدة وقصايد كبار الجبلان


لاهنت يا سلطان وبيض الله وجهك على القصيدة