تحياتي على أطلال السعاده ...... ماجد الضميان

تحياتي على أطلال السعاده ...... ماجد الضميان

السلام عليكم ورحمة الله وبركاته ..


بعد غياب لكم هذه المتواضعة ..


ليا نامت عيوني الناس كني
صويبٍ صايبه رمح المطنّي

صويبٍ في يدين القوم صاغر
وحيدٍ ما جداه الا التمني

عليه من الحرس خمسين حارس
ويدينه في بعضهن كبّلني

ولا من طاب جرحه يجرحونه
وجلاده على حزنه يغني

ليا منّه تذكر دار ربعه
يصيح بصوت فك القيد عني

ولا منّه تذكر شايبٍ له
ضعيف الحال والشوف متدني

يجر الونّه اللي من صداها
ضلوعه من صداها يجرفني

ولامنّه تذكر ضحكة امه
دموعه فوق خده يذرفنّي

هذا حالي عقب شانت ظروفي
وأعز اصحابي برمحي طعني

طعني بالغدر في حين غرّه
وهو والله ماجاه الشين مني

وهذا وجدي بعد عقب المفارق
فراق اللي فتنّي وإمتحنّي

فراقه حط في قلبي كوايا
يبي يمحى طويق ولا محنّي

سلام الله على ايام مضت لي
سلام بريح هيل وريح بنّي

وتحياتي على اطلال السعاده
تحياتٍ بها هجسي يغني

وسقاك الله يانجد العذيّه
من مزونٍ رواجفها تدنّي

ياديرة من على العليا رباني
وعشت بها وانا في صغر سني

ياديرة مكرمين الضيف والله
غيابي عنك مع وقتي شحنّي

ياديرة كاسبين الطيب عنوه
ذعاذيعك لها قلبي يحني

وختام القول في زبدة كلامي
اظن وخاب فالأياااام ظني


الشاعر : ماجد مطلق الضميان الروقي ..

تقلو أحترامي

الموضوع الأصلي: تحياتي على أطلال السعاده ...... ماجد الضميان || الكاتب: فهد الضميان || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسان شاعرهااا

لاهنت على ايرادهاا بارك الله فيك

تحاتي لك بود

عزلله أبيات وافيه

صح الله لسان شاعرها

وتسلم يمينك يافهد

صح لسان ماجد
وتسلم يمينك على نقلك لهذه القصيدة الرائعة,

صح لسان شاعرها
ولاهنت على الطرح

هذا حالي عقب شانت ظروفي
وأعز اصحابي برمحي طعني

طعني بالغدر في حين غرّه
وهو والله ماجاه الشين مني


اختياار جميل

صح لسااان شاعرهاا واحساااسك اخوي

لاهنتو على المرور

وشاكر لكم

صح لسااان الشاعر /// ماجد الضميان شااعر متمكن ومهما نقول ما نقدر نوفيه والله يعطيك العافيه فهد الضميان ع نقل الابيات هنا

لاهنت على النقل وصح لسان شاعرها


تحيتي لك