رحلتى لفندق الفرومنت باب البحر

رحلتى لفندق الفرومنت باب البحر

تم افتتاح فندق فورمنت البحر في ابوظبي سنة 2009 من افخم وارقى فنادق ابوظبي حاليا ،، ومكانه بين الجسرين فندق 5 نجوم، يطل على خور أبو ظبي ومسجد الشيخ زايد الكبير، يتضمن 8 مطاعم منها مطعم Marco Pierre White ومطعم Steakhouse & Grill ومتجر الشوكولاته Chocolate Gallery، و صالتان للرياضة منفصلتان للرجال و النساء، كما يتوفر جناح للعرسان. أنواع الغرف: غرفة فيرمونت - غرفة مطلة على Fairmont - غرفة كنغ ديلوكس مطلة - غرفة فيرمونت غولد - جناح مطل على Fairmont Gold، تعتمد الأسعار على المواسم ونوع الغرفة وتتراوح الأسعار تقريباً بين 825 درهم - 1,389 درهم - 2,099 درهم للليلة. حنا جالسنا مدة 4ايام بـــ 3780مع (وجبة الافطار) السعر شامل الضرائب والخدمة صورة من النت خارج الفندق لحظه وصولي للفندق طبعا اول ما وصلت فتحوا لي باب السياره وهذا احلى شئ وكل مره اترياهم يفتحون لي الباب >> برستيج الاخت الفندق تم تقييمه من قبل هيئة ابوظبي للسياحه ،، فايف استار ،، ولو انه بنظري يستاهل السفن ستار مب الا بس فايف استار ^ـ^ لوبي كراسي انيقة الرسبشن وتعامل راقي جدا <<<اكيد عشان يشفطون منا الدراهم الحينه طالعه مع الدرج وامشي حبه حبه اخاف اتخرطف خخخخخخ وعلى جانب الدرج فيه شلال ينزل منه ماي مع اضاءات خفيفه شلال الماي رهيب شعار الفندق ولابد من عملية التخريب يلا قولوا شو مكتوب على التراب فعلا الفندق خلاب وساحر وديكوره مريح و راقي ،، لاقصى درجه ! على البحر والحلووووو اذا تعبت من السباحه خذلك عصير بااااااااارد او اي نوع من المشروبات المثلجه تقريبا كانت الساعه 12 بس سبحان الله هالمره ابوظبي مافيها رطوبه وحر مثل قبل وقت الصباااح ساعه 7:30 <<<<<< نشطيه الريوق هنيه ممتع منظر ولا اروع الفندق صدق صدق ممتاز وفنان وخطير اتمنى تزرونه ... لاني بحياتي ماستانست ع فندق في بوظبي مثل فندق فورمنت الجيم غرفة التبديل المغاسل تعرفون الحريم يمووووت في الصوالين صالون الحريم وبعد فيه صالون للرجال بس ما صورته مصلى للسيدات والرجال فيه بعض المحلات الحين بنسير صوب الغرف اول طلعنا من الاسانسير الالوان الفندق رووووعه ممر طوووووووووووووووووووووووويل والحلو ولا مره تصادفنا مع الناس اللي ساكنه بالفندق << ياكثر تعليقاتج رقم الغرفه بطاقه الغرفه ومن الضروري اخذ البطاقه بعد الخروج من الفندق من معلومات عدا أنها بطاقة تفتح لك غرفتك في الفندق؟ لمعلوماتك البطاقة الممغنطة تحتوي على المعلومات التالية: 1 – اسم الزبون. 2 – عنوان إقامة الزبون في بلده الأصلي. 3 – رقم الغرفة. 4 – تاريخ الوصول والمغادرة. 5 – رقم بطاقة ائتمان الزبون وتاريخ انتهاء الصلاحية. نصيحة: احتفظ بالبطاقة الممغنطة معك حتى بعد انتهاء إجراءات الخروج من الفندق، لا تتركها أبداً مع الموظف، ليس هناك من قانون يفرض عليك ذلك، خذ البطاقة معك إلى البيت وأتلفها بقطعها ، أو مررها على قطعة من المغناطيس عدة مرات حتى تمسح المعلومات. عند المدخل ولابد من التسدح لأخذ صورة بروفيشنال خخخخخخخخ على الفكره التصوير كله من البلاك بيرى اطمن على الاعضاء حلووووو ورق الجدران مكتب اليلسه الثلاجه جربو عصير التوت واااااااااو delicious أضاءة الغرفه تعبتني بالتصوير المغاسل اكيد الحين جعتو يلا تعالوا معاي على البوفه كل واحد يصف طابور تحملوا تتزحلقون هالمطعم دوووم نتريق فيه مطعم لبناني فيه وااايد مطاعم بس ماصورتها الحينه اختار المكان اللي حاب تجلس فيه احلى شئ هنيه طبعا وقت الصباح يلا امسكوا اصحونكم يا الجبلان ^ـ^ وقت الافطار الفروت يم يم يم السويتات ريوق اليوم الاول اليوم الثاني يلا نحلي وتمشينا بالمولات ومن ضمنها المارينا مول والخلديه مول وهنيه نستهبل ونلعب بولينغ ^ـ* غدائنا بالمارينا مول لمحبي سلطة السيزر اتريو تقريري الثاني لعالم فيراري

الموضوع الأصلي: رحلتى لفندق الفرومنت باب البحر || الكاتب: بنت دار زايد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

روووووووووووووعه التقرير بصراحه

ما شاء الله عليج مافيه شئ ما صورتيه

^_^

بإنتظار تقرير الفيراري بصراحه ناوي اروح له

بصراحة المكان والتصوير يسبب لي حالة هستيرية من اللاوعي بسبب الخيالات التي دخلتها أثناء مشاهدتي للصور,,

فعلا شي عجيب,, ولاتحرميننا من تصويرتاك,, ودامك إذا اخذتي اجازة راح تجييبين لنا تقارير مثل هذا سامحين لك تاخذين كل شهر اجازتين,,

ماشاءالله تقرير جميل جداا

لاهنتي بارك الله فيـج

تحياتي لك بود

ما شاء الله

ما شاء الله

رووووووووووعه روووووووووعه

فعلاً دائماً تزدهر دولتنا الثانية الأمارات العربية المتحدة

ما شاء الله أماكن بـــ جــد مميزة وغير عن الكل

وبصراحة تقرير ولا أروح من ناحية التعليقات ومن ناحية التصوير

وأنتي تقولين شنو مكتوب بدال الشعار اللي بالرمل مكتوب بخط يدج ( منتدى الجبلان )

وتسلمين على هالحصريات واشكرج مره أخرى وإبنتظار عالم فراري اللذ اسمع به ولم أره

ماشااء الله عليج
لج بارض تصورين كل شي .. ^_^ ...
فندق راائع غني عن التعريف ..
جاري التقييم ..


بس عسى ما شفتوا مفاصيخ صوب المسبح .. يكثرون ف هالوقت يبون يسوون تسويد ( تسمير )

تسلمين على مجهوودك ..
وتسلم ايدينك على الصور ..
فندق مرره راقي وحلوو ..
نفسي ارووح الامارات ..
بنتظار تقريرك الثاني ..

ابو ساره
هلا فيك اسعدني تواجدك وان شاء الله بعد ما نزل تقريري لعالم فيراري يعجبك وتزوره
بعيد الهقاوي
هههههههههههههههههههههههههههه
هستريه مره وحد ه يابعيد
ياليتك مدير بالدوام كل شهر تعطيني اجازه ^ـ^

محمد بن حلبيد
هلا فيك منور الموضوع
فهد عيد الجبلي
الصراحه رفعت معناويتى بكلامك
ماشاء الله عليك عرفت شو مكتوب لان الخط مب واضح
وان شاء الله تقريري الثاني يعجبك
الريم
هلا فيج يا بنت بلادي
لازم نصور كم عندنا منتدى
اممممممممم ما لاحظت هالشيء ^ـ*
يسلمووووووو على التقيم
شوق النواظر
الله يسلمج يا عسل
منوره صفحتي
سلطان العوض
هلا فيك اخوووووي
واشكرك على اضافة الرحلة للفيس بوك والتويتر
سعيدة بتواجدكم وتعليقاتكم ... ماننحرم منكم

تقرير رائع وشامل

جهد تشكرين عليه

لاهنتى

خيال علوى - وخالد السالم
هلا فيكم
اسعدني تواجدكم في متصفحي