قصيدة للشاعر الكبير سحلي العواي المطيري

قصيدة للشاعر الكبير سحلي العواي المطيري

من نكاير الزمان

قصيدة للشاعر الكبير سحلي العواي المطيري






ياهيه يا اللي تا تسافـر لملحـان
ود الرسالـه يـم راع الرسايـل
أنا على شوفه شفاوي وشفقـان
لو أن مالـي حاجـةٍ يـم حايـل
ودي بشوفه مير عاجز وتعبـان
وعليه من درب المراجـل دلايـل
يابو مشاري ياسلايـل كحيـلان
صابر وأنا أشوف النكّر والهوايل
حنا وقت اليوم يا أميـر عميـان
الحق غـادي والشـداد أمتمايـل
أمر الحفر بيدين عوده وعثمـان
عقب الرجال اللي تقود الأصايـل
اللي يقودون السبايـا بالأكـوان
فرسـان يـزون العـدو الغلايـل
كم واحدٍ داسوه مـع فجـر الأذان
كونٍ على الأجناب والسبر صايل
اللي مخابطهم وراء حزم حـوران
يوم الحضير يجمعـون الجوايـل
اليوم حضر سدير سوت لها شان
شاخت وأورتنا أنجـوم القوايـل
وحنا غدينا بينهم مثـل عـدوان
متفرقيـنٍ عقـب هكـا القبايـل
حطننٍ أدوج وين قضاب الأرسان
أن كان غرّت منك مامن عقايـل
سوت بنا حضران ورقه شمعدان
أصبر ليـال وياخـذون العوايـل
ماعاد به واصل ولا فيه صعـران
أقفت علينا ما بهـا قـول قايـل
والضابط المسؤل عنـا سليمـان
لو أنت راعي حق سواك عايـل
هاذي علوم أبريه من غير نقصان
خذ الصحيح أن كان عنا أتسايـل
ببيوتنا بـس أنتراعـا بالأعيـان
الذيب رابض والسلوقـي يفايـل
البيت مايبنى على غيـر عمـدان
وين العمود اللي يشيـل الثقايـل

الموضوع الأصلي: قصيدة للشاعر الكبير سحلي العواي المطيري || الكاتب: ذيب المساري || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

ونعم والله فيه وبربعه ..


شاعر جزل . . ولا عليه كلام ..



لاهنت ياذيب المساري . .


الى الامام دوماً ..

..

..

يا سلام يا سلام ياذيب على نقلك الذى امتعنا بجزالته ,صح السان الشاعر .واشكرك على النقل ..

جزلة من جزل


سحلي شاعر علم كبير



لا يخفى على احد يعرفة الجميع




شكرا اخي ذيب المساري على النقل وننتظر

روائع من شعر سحلي


وتقبل مروري وسلامي