من معجزات مطير مكتوب عنوان / / بدر بن صاهود بن لامي

من معجزات مطير مكتوب عنوان / / بدر بن صاهود بن لامي

قصيدة فهد الهيت . . .

ابسألك يابدر عن ضلع حوران=ابسألك وانته تجيب الاجابه
ابسألك وش صار في ماضي الازمان=صحيح جدك يابن لامي رقابه
ابنشدك والناس في كل الاحيان=تنشد صحيح العلم ولا دعابه
كانه صحيح خابر العلم يانسان=قلي وانا اقول الخبر بنيابه

واعذروني القصيده اطول من ذالك ولاهو موجود عندي وهذا رد الشاعر / /

بدر بن صاهود . . .

يامرحبا بالي لفاني مسيان=يامرحبابه عد مزن السحابه
واعداد ياينزل مع الوسم هتان=تصبح به الصمان خضرن شعابه
واعداد وردن فاح في وسط بستان=وعد الخزاما والنفل في هضابه
جاني كلام ريحته ريح ريحان= واحلى من الريحان في كل مابه
كلام شاعر قال يابدر حيران=قال الفعول اليوم قامة تشابه
جاني يقول اسألك عن ضلع حوران=منهو طلع به يابدر وعتلابه
تقول ابي منك الشهاده والاعيان=عطني صحيح العلم عطني صوابه
ياحيف ليت العلم منك انت ماكان=ياليت هذا العلم غيرة حكابه
خابرك رجلن تعطي العلم نشيان=واليوم تنشد شي كلن درابه
رح راجع التاريخ ياذرب الايمان=كلن عرف مابه وكلن قرابه
وشواهدن تثبت فعايل بليهان= شي صحيح لايبيله طلابه
طلبت برهانن وانا اعطيك وكدان=رد العلوم ورد عني جوابه
برض الحويرا يافهد ماض الازمان=يلقابه صاهود كسبه وجابه
وترى الطرب حوران سفاح سكان=مدفون والله يافهد في ترابه
وكم من شيوخن يوم روغاد الاذهان=صاهود عشى روسهم لذيابه
يم الاخيضر محتلي عنه سلفان=والذيب جا في راس ضلع وعوابه
والغزوه الي يافهد جالها شان=غزوة ثلاث الشهر به اتعب ركابه
من معجزات مطير مكتوب عنوان= القبر والغزوه وفك النشابه
قبر العظيم الي شهد قاصي ودان=فك الدخيل الي لجا ولتجابه
فدغم ترا خيال هدبان لاهان=فدغم عسى كل الحساين ثوابه
وام رضمه زادت علي القاف قيفان=فعلآ لبن صاهود مابه عيابه
منها خذا الوارد وصادر وعطشان=جاسر ولد صاهود كلن يهابه
بربعه مهديت الصعب يوم الاكوان=من ينطح الجبلان لاوعذابه
كم من هنوفن تكحل العين فتان=جاها الحداد وزوجها في شبابه
وكم من هنوفن تشتكي بعض الاحيان=تشكي الحليل ودها في غيابه
جوها من الجبلان لاقيل جبلان=ربعي مرملة النساء فالحرابه
من رافق الجبلان والله مانهان=رفيقهم يحسب حساب القرابه
هذا الصحيح ولاذكر شي بهتان=موجز قليل وفي علم سرابه

الموضوع الأصلي: من معجزات مطير مكتوب عنوان / / بدر بن صاهود بن لامي || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله يعطيك العافية يا سعود بن لامي على هالمشاركة

وصح لسان الشاعر بدر بن صاهود على هالقصيدة وبيض الله وجهه

أخوك .... عبدالله السالم

تــســلـم يـميـنـك ,, وصــح اللـسان شــاعـرهــاا

بــدر الصــاهــود كـــــــفـــوا

جــزل والقصـيـده جـزلـه

عبدالله السالم / /

لاهنت علي مرورك الكريم / /

والله يعافيك / /

وصح بدنك / /

لاهنت اخي الكريم على هذا النقل الطيب

طبت وطاب منقولك

بيض الله وجهك

مرمح . .

لاخلا ولاعدم علي مرورك تحياتي لك

الجبليه لاخلا ولاعدم

تحياتي لج

لاهنت ياخوي ياسعوود
وترا البيت هذا فيه غلط

وترى في طرف حوران سفاح سكـان
مدفـون والله يافهـد فـي تـرابـه


وانت كاتب طرب
وتسلم يمناك

لاهنت ياعبدالله


لاخلا ولاعدم علي مرورك

صح السان فهد الهيت

وصح السان بدر ابن صاهود


ولاهنت ياسعود على النقل الرائع

ولاتحرمنا من قصايدهم