{ اصعب سؤال } لشاعر المبدع محمد جارالله السهلي ..

{ اصعب سؤال } لشاعر المبدع محمد جارالله السهلي ..

قصيده لشاعر الشاب المبدع النجم محمد جارالله السهلـيٍ ,,

واتركم مع البداع بشعر ,,,,,

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )




وسلامتكم .............

اتمنى القصيده نالت اعجابكم " اخوكم ، علي الحصيــــــــــــــــــــٍــــــني

الموضوع الأصلي: { اصعب سؤال } لشاعر المبدع محمد جارالله السهلي .. || الكاتب: علي الحصيني || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )




بيض الله وجهك يا على الحصيني
على القصيده الاكثر من رائعه
يا اخوي لا تبخل علينا عطنا من جديدك الله يوفقك
لك مني جزيل الشكر والاحترام

اخوي علي الحصيني داااااااائما اختيارك له نكهه خاصه وذوق رفيع
والشاعر محمد ابن جارالله من الشعراء المبدعين ودائما احرص على قصائده لما فيها من ابداعات جميله وحديثه شكرا لك على منقولك.
بس اخوي هل بداية القصيده بنفس الشطر اللي في الاعلى؟
كأنها فيها نقص شطر اخوي.

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!


لاهنت

تقبل مروري

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

الله الله يا الحصيني .. صح لسانك ولسان شاعرهااا السهلي

من اجمل ما سمعت
الله يعطيك العافيه
اخوي على......... على النقل الجميل

شكرن علىى مروركم الجميل والرائع الذي اسعدني < الواثق .. بعيد الهقاوي .. صافي الحساس .. جبليه ومن قدي .. سعود 777..