مساجلة بين الشاعر المرتاح والشاعر خالد الرشيد الجبلي

مساجلة بين الشاعر المرتاح والشاعر خالد الرشيد الجبلي

مساجلة بين الشاعر المرتاح والشاعر خالد الرشيد الجبلي

صوت : ( المرتاح )

البارحه يا خااالـد مساااعـد الليـل=دبّل علي فالطول والعـرض ليلـه
عودت أجر إلحون حزني مواويـل=والدمع ما تقضب من العيـن سيلـه
واعلنت من بعد السعـاده غرابيـل=حوّل على راسـي وشـب الفتيلـه
أشوف شي ٍ مايبـي غيـر تحليـل=ومن يفتح الموضوع يكشف حصيله
العالم الرايق علـى العـز والميـل=مـا يفـرق الثنيـن نـاسٍٍ دخيلـه
يا صاحبي واقرب هنـا للمراسيـل=إنظـم ومالـك فالليـال الطويـلـه
لا قلت عن بعض الأوادم ترى حليل=صـدره يضيـق ويتجـه للرذيلـه
عجزت أفكر حالتي منهـك الحيـل=واللي نظمتـه فالحـروف أنتميلـه
أنـا ذبحنـي فالغـرام التماثـيـل=اللي علـى سـن التقاعـد نحيلـه
سافرت فعيـون الشقـاء للبهاذيـل=واخذت من نجم السمـالـي دليلـه
كان إتجاه الشرق أقرب من سهيل=كانت سؤال الصبح بنـت الكحيلـه

صدى : ( خالد الرشيد )

جتنا ركايـب شعّـل جتنـا مقابيـل=اتشيـل هـمٍ فـي كنفهـا تشيـلـه
إشرب مـن الدلـة ثلاثـة فناجيـل=أشقر بلونه مـن يحصـل مثيلـه ؟
من وارد الرسلان .. والبن .. والهيـل=وامن العويـدي حـط فيهـا القليلـه
وإقدع من القيفان زيـن المحاصيـل=وإخـذ العلـوم الليـنـه والثقيـلـه
واحذر من الدنيـا تراهـا عراقيـل=بعـض الليالـي صوبنـا مستحيلـه
خلك على عسـر الليالـي تساهيـل=وحذرا من النيـران تشعـل فتيلـه
ولا تشكي الحالة وقدمـك رجاجيـل=بعض الرجال احسوفه إنـك تجيلـه
والبعض منهم يا المطيري حلاحيل=رجلٍ يفك أنشـاب مـن يعتنـي لـه
وكني عرفت أللي تقوله تفاصيـل=هاك الهنـوف أم العيـون الكحيلـه
كم عذبـت قبلـك رجـالٍ مداهيـل=وكم طاح فارس راكبٍ فـوق خيلـه
لا تنشـب أنفاسـك تراهـا تهاويـل=واحذر مـن النشبـة تراهـا عليلـه
ياما سهرت الليـل وأنظـم تعاليـل=وأكتب حروفٍ بألـف ليلـه وليلـه
وياما نظمنـا بيوتنـا لـه مجازيـل=ومابه فوايد حتى لـو هـي جزيلـه
لا تتعب أحوالك بشـوف المهابيـل=ولا تتعب احروفك بشـوف الهبيلـه
وخلك من أللي ايقول كذب التقاويـل=وإذا نشبت ايقول : ( يا عزتـي لـه )
دام البنية نجمـةٍ بعدهـا اسهيـل !=إبعد تـرى بعـدك عليهـا فضيلـه
كاتب قصيدي دون حـذفٍ وتعديـل=قصدي يزول الهـم يشفـي غليلـه
وما ظني به قاصر على وزنة الكيل=كاتب وأنا فينـي لهايـب مقيلـه !!
وختامها صلوا .. على ( سيد الجيل )=( محمد رسـول الله ) ولابـه بديلـه

منقول من منتدى قبيلة مطير

تقبلو تحياتي

الموضوع الأصلي: مساجلة بين الشاعر المرتاح والشاعر خالد الرشيد الجبلي || الكاتب: عبدالله السالم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

لا قلت عن بعض الأوادم ترى حليل صدره يضيـق ويتجـه للرذيلـه


يعطيك العافيه عبدلله السالم ,,

وصــح اللسان ابن رشيد والمرتاااح

قصايد جزله ,؟

صح بدنك أخوي

وأشكرك على مرورك الكريم

تقبل تحياتي

لا تتعب أحوالك بشـوف المهابيـلولا تتعب احروفك بشـوف الهبيلـه


صح لساانهم . . .

لاهنت صراحه

تحياتي لك

صح بدنك أخوي سعود

وأشكرك على مرورك

تقبل تحياتي

صح لسانهم جميعاً

وتسلم يمينك على النقل والمصداقيه في نقلك للمواضيع,,,

تقبل مروري,,,

الله لا يهينك يا النداوي على هذا النقل

وبيض الله وجهك

وصحت أبدان الجميع

شكراً لكم

صح لسان الشاعر المرتاح والشاعر خالد الرشيد

بيض الله وجهك يالنداوي على النقل المميز

يعطيك ألف ألف عافية

يعطيك الف عافيه على النقل الطيب


وصح الله لسان الشاعرين

تقبل مروري

صح الله السان الشاعر خالد الرشيد والشاعر الرحال

قصيدتين رائعتين

بس انا لي عتب اصغير على الشاعر خالد الرشيد دايما في اغلب قصايده دايمن تنصح الشعرا الي معاك بقولة ابعد او انصحك لاتمشي بهالطريق (طريق الحب) وكله يحط على البنات وايضا بهالقصيده قال:

لا تتعب أحوالك بشـوف المهابيـل ولا تتعب احروفك بشـوف الهبيلـه
وخلك من أللي ايقول كذب التقاويـل وإذا نشبت ايقول : ( يا عزتي لـه )



عالعموم يعطيك العافيه يالنداوي على هذاالنقل الرائع