|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
| الشعر العام خاص بالقصائد المنقوله سوى كانت من الشعر العربي الفصيح او الشعبي النبطي |
 |
|
|
أدوات الموضوع | انواع عرض الموضوع |
|
#1
10-08-2008, 09:28 PM
|
|||||||||||
|
|||||||||||
سعد الحريص
هنـــــــ/ـــــــ/ــــــ/ـــــا الــــــ/ـــشــــ/ــــعـــــ/ــــر نــعـــم هنـــــــا الشـــــــعـــر اذا اردنــــــا ان نعـــرف حروووووف الشعـــر الحقيقـــي نقـــــول ســـعــد الحريص شــاعــر لا يمكن ان اكتــــب بقلــمـي له اي مقدمــه لان الشاعر هــو سعــد الحريص ،،،،،،،، ، ، ، الشاعر سعد بن عبدالرحمن الحريص المطيري شاعر انصفه جمهوره ولم تنصفه الصحافه كتب قصيده متفرده تنظر لدواخل الاشياء اكثر مما تبدوا عليه في الظاهرعجز عن مجاراته الكثير كتب عن حرمانه ...وكتب عن صمته ...وحزنه...فابدع ايما ابداع..ووقف ضده الاعلام فتره واقصد بالاعلام هنا الصحف والمجلات التي تعنى بالادب الشعبي .. وكل ذلك لانه لم يسير على النهج الذي اختطته الصحافه لانصاف المبدعين والعجزه فسعد الحريص .. كما يقولون انه صعد للقمه بدون استشارتهم والصحيح انه نزل الى القمه ؟؟ سعد الحريص..ظاهره لن تتكرر في الشعر النبطي الحديث ..بدايته ونهايته:: ؟؟ بدا كالعاصفه او اشد قسوه لم ياتي كما يفعل الكثير باطراء الكبار من الشعراء وكسب ودهم ومن ثم الوصول اليهم والى طبقتهم عن طريق مهادنة محرري صفحاتنا الشعبيه لا بل اذكر من اوائل قصائده كان يقول . انا ما جيت اعدل منعوج جيت اعوج المعدول ؟؟ .............. واشب النار بطراف القصايد .. واشهر سيـوفي سالوه حينها من انت ومن هو المعوج ومن اين جئت وكم ترتيبك . ((السوال الاكثر والاغبى ..المتداول في ساحتنا الشعبيه)) . فقال انا الثاني وضعوا من ترتضونه اولا .؟؟؟ وربما هذا ما اخاف الكثير من الشعراء المحسوبين على الشعر فاخذوا بمحاربته وازداد بسالة وشجاعه فانشد فقال ان رحت يا كثرهم وان جيت يا كثري ................ضاقت بي اعيونهم لو كنت وحداني ؟؟؟ ولكن لم يدم صموده كثيرا فالجماعه تغلب الشجاعه كما يقال فابتعد برغبته وترك كرسي القمه شاغرا الى الان ؟؟؟؟ حين قال من جزم نفسي يوم صار الردى طيب .................حلمي قبل لا يكسرونه كسرته !! ثم صمت بعد ذلك طويلا وعاش وهو يغني للصمت يقول طال السكوت وما لصمتي مطاليب ................غير الكلام اللي وقف وانتظرته ويقول ايضا واصمتي اللي صار فـ عيونهم عيب ...............واجرحي اللي لو فضحني ...سترته ويقول في رد على رشيد الدهامي يا صاحبي لا تكسر الروح بالروح .................من علمك يارْ شيد تكسير الارواح ودي على الكلمه وودي على البوح .................مير العيون اللي تصافحني اشحاح هكذا هو دائما حتى في عتبه لا يفارقه طابع الحزن ومناجاته للعيون فكانت نظرته ان العيون هي المحرك الرئيسي للشاعر في محبوبته او لمكانة شخص ما فهي في العين لا القلب يقول يا صاحبي مجروح انا منك مجروح ...............ياللي تغير في عيونك ...محلي يقول ايضا في قصيده اخرى عن حزنه غنيـت للدمـع يومـن البكـى كـبـري .............. واليوم انا اكبر من دموعـي وحرمانـي نعم هذا هو سعد الحريص الشاعر الرقيق الحزين يقول في احد احزانه اقصد اشعاره ان تركتيني في ليلي صرت قارب حزين ؟؟؟؟؟؟ انظروا الى التشبيه لتعرفون مدى حنين هذا الرجل اذكر حديثا عندما سئل مره اخرى السوال الغبي المتكرر ماهو ترتيبك بين الشعراء الان وبعد ابتعادك المريب عن الساحه؟؟؟؟فاجاب الشاعر الجيد كالصقر والصقور لا تطير اسرابا. واسباب هذا الغياب تظل اسيره في قلب شاعرنا سعد الحريص . واترككم مع اروع ماقال شاعرنا سعد .....!!! برد المكاتيب!!!..... هبت جنوب وطاح برد المكاتيب ..................ويا كثر ما هب الجنوب وذكرته يملا حضوره من حضوري وانا اغيب ..................وياما غيابي في غيابه حضرته انا جا مطر صارت له اضلوعي اشعيب ..................وان راح ريح(ن) طير اللي بذرته طال السكوت ومال صمتي مطاليب ..................غير الكلام اللي وقف وانتظرته جنبت لو مالي عن الدمع تجنيب ..................من وين ما صديت فيني شعرته واصمتي اللي صار فعيونهم عيب ..................واجرحي اللي لو فضحني سترته لي صاحب(ن) يملا كفوفه تراحيب ..................لولا الحيا من ضحكته ما اعتبرته يا صاحبي ماهي عليا مقاضيب ..................عذروبي انك ذخري اللي ذخرته عذروبك انك شوهتك الاكاذيب ..................عذروبك انك جاك طيب ونكرته ان جيتني بفراق زود العذاريب ................ لاجيك انا من زود صبر صبرتــه للطير جنحان وريش ومخاليب ..................لكن يضيع صيدته في غبرته ومن جزم نفسي يوم صار الردى طيب ..................حلمي قبل لا يكسرونه كسرته ومن راح مني قـلت يا عله مصيب ..................دورت له عذر(ن) كريم وعذرته للي يبي بعدي انا ماني قريب ............... اما ربحني ولاانا مـاخسـرتـه قلبي خويي مالقلبي معازيب ..................واللي حقرني من رداه احتقرته رغم الجروح اللي بقلبي معاطيب ............ حبيت كفين الزمــان وشكــرته **** .....!!! حادي العيس !!!..... البارحه غنيت ياحــــــــــادي العيــس ................. واليوم صمتك عن عيوني حــــداني اليوم تلعب بـــــــــــي رياح الهواجيس ................. ولادري عشانك ضيقتي أو عشاني مابين لوعات الجفا والوســــــــــاويس ................. البرد ساكن فـ ارتعاش المـــــحاني وانا حبيس الصمت سجن الاحاسيس ................. ضاق الزمان ولا وسعنـــــي مكاني والنور طعمه في عيون المحـــابـــيس ................. مرٍ مثل طعم الكلام بلـــســــــاني متى بشعري يزهرنّ الكراريـــــــــــس ................. ومتى بقلبي يمطــــرن الأغــــاني بيت الشعر ماهو كلام بــــقراطيــــس ................. ليت القصايد بالدفاتر مبـــــــــــــــــاني والله ليفرق شعر من يرجي الكيــــس ................. عن شعر من ينحت صخور المعاني ويبان فرقي باختلاف المقايــــــيــــس ................. حتى تحس بصدق وش كثر اعاني والا الأماني راس مال المفاليـــــــــس ................. عزي لمن كانت جداه الأمـــــــاني **** .....!!! تعالى نهيم !!!..... تعالى نهيم فى دنيا المطر والغيم ولكنك000 تخافين00وتخافين00وتخافين وعندك شي تخفينه00 وأنا أحب المطر .. وأنتى تخافينه ولا أدرى سبب خوفك؟ ولا ظنك بعد000تدرين!! تخافين المطر00 لا يبلل ثيابك تخافين الرعد00 لا يرعب أحبابك تخافين أن لمع البرق000 فـ عيونك يبان ما تخفين. ابركض فالمطر00وابتل وأذا أرعبك المطر ليله000 أنا أرعبنى الجفاف سنين00!! **** .....!!! كل الدروب !!!..... هذا الكلام جروح واوجاع واشواك ............... كنّي على طول السكوت مغصوبي ازعلت ذولا..لجل يرضون ذولاك .............. لا مرضيٍ نفسي ولاهم رضوبي تعبت اقلب في يديني هداياك .............. وتعبت اشاور توبتي في ذنوبي لولا الزمن لولا الليالي ولولاك .............. ماصار طيبي دوب حبك ودوبي هب الهوى يمك وبانت خفاياك .............. ولاعاد لك قلب يميل للهبوبي اول عيوبك في عيوني مزاياك .............. واليوم ميزاتي بعينك عيوبي وكانك تشوح اليوم منا ومناك .............. والله لا ارجع كل الانظار صوبي وان قلت انا بنساك ياسرع مانساك .............. من قبل ينشف عطرك اللي بثوبي الشمس باكر فيك وإلا بلياك .............. ماهيب لاموتي ولاهي غروبي وإذا انقطع درب يجيبني بذكراك .............. كل الدروب اللي تودي دروبي **** .....!!! اكثرية !!!..... ضاقت الارض واشتد الزمان .............. راح وقت الهموم الشاعرية من فقدتك واناماني بأمان .............. والقصايد ماعادت منبرية كنت اجيلك وكان الشعر كان .............. ورد روحي وقلبي مزهرية اكثري حب واكثرك الحنان .............. وش كثر كانت الدنيا طرية من حنانك يضيق بنا المكان .............. وين ما اروح القاك اكثرية **** .....!!! العبارة !!!..... مريت فينا ليلة مالها وصف .............. في وصفها ضاقت علي العبارة رحبه جميله ناعمه جوها ترف .............. مثلك حبيبي واسعدتني الزياره فعيونك التحنان وفقلبك العطف .............. رغم السنين وفي سلامك حراره نظرتك حب وبسمتك كلها لطف .............. يلوق لك ثوب البها والطهاره من جرحك الأول إلى جرحك الألف .............. قصيدتي بين الألم والمراره واللي كتب فرقاك ما جاز لي حرف .............. عقبك ولا قلت افدحي يا خساره اقول في نفسي ورجلي على جرف .............. إما عمار القلب والا دماره لا طاب لك جرح ولا منقطع نزف .............. والوقت مر وحان رفع الستاره **** .....!!! برد الخوف والمستحيل !!!..... غابت الشمس وإلا الحزن له مغربه ..................... وين أبغرب وأنا حزني غروبه ثقيل مجدبه ياجروحي والسماء معشبه ..................... ساكنه والهوى ميل جريد النخيل بارده ياحروفي والدفاء موهبه ..................... بارده مثل برد الخوف والمستحيل صوتٍ أبعيد في قلبي ياليت أقربه ..................... وبين قلبي ومابيني طريقٍ طويل ليت حزني مثل حزن البشر وأكتبه ..................... وليت دمعي مثل دمع العيون ويسيل أشهد أني ردي حظ وردي تجربه ..................... وأشهد أني على بعض المشاعر بخيل أيه مذنب في هالدنيا وهي مذنبه ..................... من دفا حلمي الطيب لبرد الرحيل عذري اللي متعبنّي وأنا متعبه ..................... مال قلبي على بعض الهقاوي دليل كل طيرٍ له اللي بالسماء يجذبه ..................... وكل غصنٍ تجوز له الهبايب يميل صرت أقول الكلام المر وأستعذبه ..................... صرت أخاف الدفاء لوني وحيدٍ نحيل كم صبرت وليال الصبر مستغربه ..................... لين قلة حلاة الصبر لو هو جميل الزمن صعب والنسيان يامصعبه ..................... والدفاتر نشيّلها الهموم وتشيل **** .....!!! يا حادي الركب !!!..... يا حادي الركب لا تنطح هجير الشموس ........... و أحجب ظما البيد عن ماها و عن عيسها كل ٍ على قد فهمه و الليالي دروس ...........و هل الحجا تفهم الدنيا و تدريسها و الشجره اللي علت في جذعها نخر سوس ..............لو تصبر الريح عنها كان ما جيسها ابقطع الصمت في صوت ٍ كما حد موس ...........و أقرع طبول الوفا و أضرب مراويسها ما كانت الحرب إلا حرب روم و مجوس ...........و إلا أرضها يعربيها في تضاريسها في قدومها تفتن الأنظار مثل العروس ...........و عجوز شمطى إذا أقفت في هداريسها ليا قبست قل طالبها و طاب الجلوس ..............لو قلت يا كثرهم فينا معاريسها ماهي بداحس و غبراهم و حرب البسوس ................جحافل الروم تزمي في كراديسها أقول وجه الزمن باكر علينا عبوس ...........والله يكذب فزع نفسي و أحاسيسها **** .....!!! رميت الورد !!!..... (رميت الورد .. طفيت الشمع) مضى عامين مامر بكلامي دمع ولا مريتي بعيوني يا انتي اي حزن اللي تركتي لي واي احساس ياكل الارض في قلبي .. وكل الناس وش اللي فيك ماينحب وش اللي ينكره وركه تغيب الشمس وتشرق شمس وبكره لو يجي بكره يصبح امس مثل ماكان في يوم من ايامنا بكره وترا اللي حب مايكره اقول اسمك وينبت للمعاني قلب وتحضرني اغاني حب وقول الدنيا لسى بخير اساميهم تجي وتروح واسمك مايفارقني يجي مثل البحر ويروح مثل الروح انا ماخترتك احاسيسي والا خترتي تحبيني يقلون المشاعر في سماها طيور وانا اقول القلوب اشجار ومن متي كان الشجر يختار رميت الورد طفيت الشمع مضي عامين مامر بكلامي دمع **** .....!!! العذر مكتوب !!!..... العذر مكتوب لاصـار الخطـاء مقـري .............. آسف على ضحكتي وآسف على احزاني خطـاي معـذور والا غلطتـي عـذري .............. و مرارة العذر فـي قلبـي وفـي لسانـي مدري وش اللي ذكرت وضاق به صدري .............. مـدري وش اللـي نسيـت ولاتنسانـي لبست انا ثـوب لاطولـي ولا قصـري .............. ياطيبـه القلـب ويـن القلـب ودانــي سنتين من عمرها مـرت ومـن عمـري .............. سنتيـن احـس الزمـن فيهـا تعـدانـي سنتين مرت حياتـي مـن ورا ظهـري .............. والحب سجنـي ومسجونـي وسجانـي والشعر مطرود من قلبي ومـن فكـري .............. سنتين ماني ب انـا مانـي باحـد ثانـي غنيـت للنـاس والدنيـاء علـى خبـري .............. والشعر في دفتـري مغـرور وانسانـي غنيـت للحـب يـوم عيونهـا تـغـري .............. يوم الوفـاء والكـلام الطيـب الحانـي غنيـت للدمـع يوم(ن) البكـى كـبـري .............. واليوم انا اكبر من دموعـي وحرمانـي اليوم ماعاد يمـدي اللـي جـرح يبـري .............. مليـت كثـرت خطاياهـم وغفـرانـي مليت انا الشعر مل الشعر مـن شعـري .............. مليت انا الحـب مـل الحـب وجدانـي و لو هي عليه عزيز النفس مـن صغـري .............. ماشاور القلـب فـي كرهـي لعدوانـي ان رحت ياكثرهـم وان جيـت ياكثـري .............. ضاقت بي عيونهم لـو كنـت وحدانـي تعبت وازريـت مامليـت مـن صبـري .............. ليـت الـذي راح منـي كثـر ماجانـي احيان ودي اطيـح مـن التعـب وازري .............. و تشيلنـي عـزتـي وسـلـوم جـدانـي **** .....!!! ديار المسلمين !!!..... أنفض كلامك عن غبـاره ............. صمتك فقلبك لـه رنيـن قلبك ماكـان إلا مغـاره ............. ترسم بها جـرحٍ حزيـن رسمٍ نقشته فـي حجـاره ............. يشبـه رسـوم الأوليـن ياوجهٍ أخجل من وقـاره ............. حلو النبا سمـح الجبيـن ربح الزمن هذا خسـاره ............. والخافيـه باكـر تبـيـن طاحة فأمريكـا عمـاره ............. هـزت ديـار المسلميـن منها بدت حرب الحضاره ............. حـربٍ تـروع الآمنيـن ماتاسع الجـرح العبـاره ............. ويضيق فالصـدر الآنيـن أصعب من الموت أنتظاره ............. والأصعب العيش المهيـن من عيونٍ تحبس الدمع لعيـونٍ تشـوف احضنينـي حـب ولا استبيحـي عبرتـي ومن كلامٍ يوجع الصدر ازريت الوقـوف اجلسي يمكـن يخـف الكـلام بجلستـي كن صدري مجلس رجال وجروحي ضيوف اطلبـو منـي سماحـك وعيـت عزتـي والله اني من رجالٍ وطو رمـل الحتـوف لكن اني همت واخلفـت ساقـة عزوتـي في طريقك تحريـت المواعيـد من يقول الهوى مابـه كلافـه ؟ كم لشوقي وانـا انـادي واعيـد انت عفت الوعد .. ولاَ تخافه ؟ لا تلحّق عتـب عينـي مناقيـد ولا تلحّـق نـدم قلبـي حسافـه حس بي .. منت عن تنهيدي بعيد من متى وانت تحسب هالمسافه ؟ من بعادك امتلى صوتي تجاعيـد وزاد قلبي مـن الفرقـا نحافـه زف صوتك على سمعي تراديـد من يحبك يخـاف إنـك تعافـه خطا..خطا..صح..لكن صح ماهو صحيح حسبتها الف مره.. والف تطلـع خطـا الصمت شاهد على قبـر الكـلام الذبيـح كانت عيونك فشق بندق وشعـري قطـا سكت..والشعر يصرخ والقصايد تصيـح والقلب عاري وانا صمتي فراش وغطـا لوبعض الايـام مرتنـي بوجـهٍ فليـح جتني الليالي تشيل الجـرح حتـى سطـا ياليتني قبل اعرف اركض تعلمت اطيـح لاجل اتقي شر عثراتي واعـاف الوطـا ياليتني قبل اعرف اتعب عرفت استريـح عشان ماتوجـع دروبـي ثقيـل الخطـا جيتك جريح الكلام وكان صمتك جريـح بين المجاريح ماحاجة دخـول أو سطـا تدري وش اللي عجبني فيك غير المديـح تنسى التفاصيل في كذبك وتنسى العطـا خطاي مايستره صمتك وعذري شحيـح وخطاك ماتدمحه وحشتك عقـب البطـا هذا انت ناسي من انت ومابقى للصحيـح الا اني ارجع وانا جيتـك وهـذا خطـا حيّ هالصوت يالعذب الصدوق ......................................مرحبا ليـن يرضيـك السـلام نوّر الليل وأنـورت الخفـوق .........................................بإتصالـك وصحيـت المنـام صوتك الصبح ياطعم الشـروق ...........................................بعد ليلـة شتـا بـرد وظـلام أسمعك يابعـد عمـري وأذوق ..........................................لذة الحب فـي كـاس الغـرام كان ماشتاق لك وش اللي يشوق .........................................في حياتـي وأنـا كلـي هيـام السوالف معك نبـض العـروق ......................................والسوالف مع غيرك " كـلام *منقول المصدر: ::منتدى الجبلان الرسمي:: 
جا يشوف الحال كيفـه بعـد ماهـزه حنينـه
قبل يسألني سألته:كيف حالك يالحبيب ؟ قال انا كنـي غريـب مضيٌـع دروب المدينـه قلت انـا كنـي مدينـه تنتظـر رجعـة غريـب !
آخر تعديل فلاح الحصيني يوم
10-08-2008 في 11:51 PM.
|
|
11-08-2008, 12:06 AM
|
#2 | |
|
:: إداري سابق ::
|
موضوع عن الشاعر / سعد الحريص
يـــــــوم كامل محد يرد ................... عــــــــجـــــــب والله 
|
|
|
جا يشوف الحال كيفـه بعـد ماهـزه حنينـه
قبل يسألني سألته:كيف حالك يالحبيب ؟ قال انا كنـي غريـب مضيٌـع دروب المدينـه قلت انـا كنـي مدينـه تنتظـر رجعـة غريـب !
|
|
11-08-2008, 12:33 AM
|
#4 | |
|
::شاعر و مشرف سابق::
|
فـــــــلاح
انت اخترت شاعر تميز وانفرد في احساسه شاعر يبحث دائما في عذوبه الكلمه وانا اعتبر سعد مدرسه شعريه مستقله واهنيك على الاختيار وهذا ان دل فيدل على ذوقك الراقي وتمييزك في فروق الشعر لا هنت |
|
|
البنت هذي خذت من طبع ابوها الكثير ................حتى بضحكاتها تشبه لضحـ(ت) فهد أليا ضحكت كل عضو بداخلي يبيطير ................وليا زعلت زعلت امه وضاقت بلد لو تطلب المستحيل أليا بغته ليصير ................وان قالو الناس ليه اقول دانه فهد عشانها يرخص الغالي وقدر الكبير .................هذي بنيه وتسوى في عيوني ولد ..
|
|
11-08-2008, 01:24 AM
|
#5 | |
|
₪ :: عضو مجلس الادارة :: ₪
 
|
فلاااح
نقل رووعه قمه ابدااااااااااااااااااااااااع بجد ابدااع ليت حزني مثل حزن البشر وأكتبه ..................... وليت دمعي مثل دمع العيون ويسيل أشهد أني ردي حظ وردي تجربه ..................... وأشهد أني على بعض المشاعر بخيل صح لسااااانه مليوون واحساااااسك اخوي فلاح عاارف اكثر الابيات متدااوله ومعرووفه بس توني ادري انهاااا لهذا الشااعر القمه شكرا على هذا الجمال 
|
|
|
|
|
11-08-2008, 02:40 AM
|
#6 | |
|
:: إداري سابق ::
|
الملعبي + شجاع + جمرة
شكراً لكم على المرور على صفحتي المتواضعة بحق علم من اعلم الشعر سعد الحريص |
|
|
جا يشوف الحال كيفـه بعـد ماهـزه حنينـه
قبل يسألني سألته:كيف حالك يالحبيب ؟ قال انا كنـي غريـب مضيٌـع دروب المدينـه قلت انـا كنـي مدينـه تنتظـر رجعـة غريـب !
|
|
11-08-2008, 03:54 AM
|
#7 | |
|
.: عضو مميز :.
|
لاوالله السموحه يافلاح على التأخير
وربي هالشاعر مبدع وغني عن التعريف سعد الحريص مشاعره رقيقه وعذبه وحزنه عميق القصايد كلها اذهلتني وربي وحزنه واضح وتصويره خيالي وفيه ابداع طال السكوت ومال صمتي مطاليب ..................غير الكلام اللي وقف وانتظرته جنبت لو مالي عن الدمع تجنيب ..................من وين ما صديت فيني شعرته واصمتي اللي صار فعيونهم عيب ..................واجرحي اللي لو فضحني سترته لي صاحب(ن) يملا كفوفه تراحيب ..................لولا الحيا من ضحكته ما اعتبرته يا صاحبي ماهي عليا مقاضيب ..................عذروبي انك ذخري اللي ذخرته وايضا ليت حزني مثل حزن البشر وأكتبه ..................... وليت دمعي مثل دمع العيون ويسيل أشهد أني ردي حظ وردي تجربه ..................... وأشهد أني على بعض المشاعر بخيل وايضا ان رحت ياكثرهـم وان جيـت ياكثـري .............. ضاقت بي عيونهم لـو كنـت وحدانـي تعبت وازريـت مامليـت مـن صبـري .............. ليـت الـذي راح منـي كثـر ماجانـي احيان ودي اطيـح مـن التعـب وازري .............. و تشيلنـي عـزتـي وسـلـوم جـدانـي صح الله السانه سعد الحريص وطبت يافلاح وطاب منقولك وربي اختيارك للقصايد ينم عن ذوقك فعلا قصايد عذبه |
|
|
|
|
11-08-2008, 05:41 AM
|
#8 | |
|
:: شـاعـر ::
|
الغالي000الكبير في قدره وشخصه واخلاقه
فلاح الجبلي اختيارك لهالشاعر وقصائده هذي بالذات يترجم لنا 000رقي ذائقتك وروحك00ويؤكد قوة شاعريتك الفذه لي عوده للقراءه المتمعنه ولا اقول الا الله يديمك لهالمنتدى يامشرفنا القدير والكبير تقبل احترامي وتقديري وتحياتي المحب بن معرقب |
|
|
|
|
11-08-2008, 09:14 AM
|
#9 | |
|
::شخصية هامة::
|
الشاعر سعد الحريص شاعر متميز وفريد, وهذا الموضوع شامل لقصائده.
نشكر اخونا فلاح على هذا النقل ,وسيتم تثبيت هذا الموضوع . |
|
 علمو فيصل ترانا له حــــــــــزام علموه إنّا بصفه صامدين وقفةٍ بالفعل ماهـــــــــي بالكلام بالحقوق اللي عليها مدربين من زبن في تحت ظله مايضـــام علم صدقٍ والبشر لـه خابرين فيصل السيف المجرب والحسام فيصل الرمح المدبب والسنين نسل ابو متعب ليا زان الكــــــلام لو بقول أنه أمير المومنين,,, مـــــــــــــاألام - ولاألام - ولاألام له فعولٍ تطلق حجاج وجبين
|
|
11-08-2008, 01:07 PM
|
#10 | |
|
::+عضو شرف+::
|
شكرا لك اخـووي فلااح على الموضوع عن شاعر له وزنه وثقله
مثل الشاعر سعد الحريص .. وهالشى يدل على حسن ذائقتك الشعريه  تقبل مرروي.. |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض العادي
