حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها

حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها

من روائع سعد بن جدلان الأكلبي

يا ذا الجلال اللي عروشك فوق واملاكك حدر = ومهماً تسامت به عروشه مستحيل يطولها
يا حي يا قيّوم يا ذا الأنافة والكبر = ما نافسك في عظمتك مكر العباد وهولها
وما نافسك من عمّر بيوته على سطح القمر = واللّي ترسي فوق أقاليم المياه سطولها
ما انته بحاجة من عبد ولا بحاجة من كفر = ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر = واللي ما يشكر نعمة المنعم عليه تزولها
ياذا الجبروت العظيم ويا القدير المقتدر = تفزع لنا في معضلات ما نريس حلولها
تلعب بنا خلاّن فرغتنا كما لعب الكور = أن اقبلت صاحوا لها وأن دبّرت صاحوا لها
لا هبّنا الطايف بعض الأحيان في فية عصر = شهب الليالي من ورانا يسحبن ذيولها
أنت السلام اللي لك الإسلام وانت المشمخر= اللي عجايب قدرتك في المعجبين ذهولها
سلام يا محمد رسول الله راعي الوجه الأغر = وسلام يا روح ملائكة السما صلّوا لها
سلام يا بو بكر يا عثمان يا علي وعمر = وسلام يا سبع الآفاق أطلالها وسفولها
سلام يا صدق النوى سلام يا وسع الصدر = سلام يا مفتاح بيبان الفرج وقفولها
وسلام يا شمس الضحى تشرق على بر وبحر = وتشرق على كل الديار جبالها وسهولها
وسلام يا غر السحاب اللي تبجح بالمطر = وشم الجبال اللي تبجح بالسحاب قذولها
وسلام يا هوج الرياح اللي عطاها مستمر = مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر = ما تضمحل من الزمان ولا نشوف سمولها
و ياليتنا لاما سرحنا اليوم الأبيض من فجر = تبطي عبات الليل ما تضفي عليه سدولها
ولاّ ليامنها ضفن سدولها يطلع بدر = يا صل ضياه اللي على الكوره تطق طبولها
المعتبر يآخذ على الدنيا دروس من العبر = والناس يكسبها معاملها بقد عقولها
أحيان تصدف لعبة الشاطر مع غلطة عمر = مره .. لكن لا عدت الغلطة ما عاد ينولها
حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها
حتى الجمال اللي تحمّلها الهقاوي بالصبر = يالله بحملتها تقوم وتدّرج بحمولها
والحب سيسان العبادة والعبادة بالجهر = ان ما قدرت تقولها وجه الصحيح يقولها
يسرون عميان المحبة تيه في غدرا الغدر = للي تحد سيوفها واللي تعن خيولها
ولا تفكر في غناة ولا تفكر في فقر = وتشفع لبيضان الصدور احضوضها وفعولها
واهل التكلف بالمعرفة والتصنع بالبشر = والله ما هي حول الصحيح ولا الصحيح بحولها
اللي يفضّل ما يقيم بو ميه من بو عشر = حتى الفضولية عن الفاضل بطل مفعلوها
اللي تخبره لحيته ذا ..طولها يصبح بزر = واللي تخبره بزر يصبح لحيته ذا ..طولها

الموضوع الأصلي: حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها || الكاتب: أبومحمد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

ابو محمد الله انه يرحم والديك ويفقك حي وميت على اختيارك هذه القصيده الجزله

الي لاينافسها اي قصيده في نظري وهي تكلم عن عظمة الخالق جل وتعالى ورسوله الكريم

والخلفا الراشدين ومخلوقات ربي المسخره بمره سبحانه وتعلى - فقلول

جزاك الله خير الجزا هذا هوالشعر الي ينتعب على نقله وكتابته -

وتقبل تحياتي اخي الغالي

القصيده رائعه جدا واروع مابها تمجيد الله سبحانه
وتعالى00بوصف عميق وعريق يليق بالباري جل علاه


ابومحمد الغالي


كل الشكر لك على هالمنقول اللي وافق ذائقتنا
وفعلا قصيده تستحق الاعجاب والنقل

وكل بيت يحكي عظه معتبره
لاسيما هالبيت

اللي يفضّل ما يقيم بو ميه مـن بـو عشـر حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر واللي تخبره بزر يصبح لحيتـه ذا ..طولهـا


وكذلك هالبيت


ولاّ ليامنهـا ضفـن سدولهـا يطلـع بدر يا صل ضياه اللي على الكوره تطق طبولهـا

ولو ابسجل اعجابي بكل بيت على حدا ماوفيت القصيده حقها لاهي ولاشاعرها
بن جدلان

كل الشكر موصول لك على هالتواضع
ومشاركاتك في هالمنتدى رمز له

فلاتحرمن من0000000ك


تحياتي اخوك
المحب

بن معرقب

ابو محمد . .



طبت وطاب منقوولك . .


قصيده في مستوى ناقلها .. وهي تحاكي " السحاب " !!





شكراً لك


شكراً لك


شكراً لك

..

من القصائد الشامخات للشاعر الشامخ, وأحد فطاحلة الشعراء بالجزيرة العربية الشاعر سعد بن جدلان الأكلبي,
قصيدة جديرة بالمتابعة وحفظ مافيها من كلمات قوية وسلسة وغاية في الجمال الابداعي والتصويري وتحمل ثقافة شاعرية فريدة ,لوحة رائعة في الجمال اهداها لنا أخونا الكبير بحضوره, الكبير بمواضيعه , الكبير بردودة
أبو محمد الذي يسعدنا حـــضوره وبيهج قلوبنا.
مانقول الا عسى ماننحرم من حضورك وطلتك يابومحمد.

كل الشكر لكم جميعا أضفتم قيمة للموضوع ماكانت لتوجد لولا حضوركم الكريم وهذة الردود التي يقف المرء عاجزا عن الرد متي كان السكوت أبلغ---

دمتم بعز ومنعة بأذن اللة--

طبت وطـاب منقـولكـ اخي ابـو محمد على الـقصيده المعبره وصح لـسان الاكلبي

اقتباس: المشاركة الأصلية كتبت بواسطة أبومحمد     من روائع سعد بن جدلان الأكلبي يا ذا الجلال اللي عروشك فوق واملاكك حدر = ومهماً تسامت به عروشه مستحيل يطولها يا حي يا قيّوم يا ذا الأنافة والكبر = ما نافسك في عظمتك مكر العباد وهولها وما نافسك من عمّر بيوته على سطح القمر = واللّي ترسي فوق أقاليم المياه سطولها ما انته بحاجة من عبد ولا بحاجة من كفر = ولا بحاجة ثابت الدنيا ولا منقولها أنت السميع لمن حمد وأنت المزيد لمن شكر = واللي ما يشكر نعمة المنعم عليه تزولها ياذا الجبروت العظيم ويا القدير المقتدر = تفزع لنا في معضلات ما نريس حلولها تلعب بنا خلاّن فرغتنا كما لعب الكور = أن اقبلت صاحوا لها وأن دبّرت صاحوا لها لا هبّنا الطايف بعض الأحيان في فية عصر = شهب الليالي من ورانا يسحبن ذيولها أنت السلام اللي لك الإسلام وانت المشمخر= اللي عجايب قدرتك في المعجبين ذهولها سلام يا محمد رسول الله راعي الوجه الأغر = وسلام يا روح ملائكة السما صلّوا لها سلام يا بو بكر يا عثمان يا علي وعمر = وسلام يا سبع الآفاق أطلالها وسفولها سلام يا صدق النوى سلام يا وسع الصدر = سلام يا مفتاح بيبان الفرج وقفولها وسلام يا شمس الضحى تشرق على بر وبحر = وتشرق على كل الديار جبالها وسهولها وسلام يا غر السحاب اللي تبجح بالمطر = وشم الجبال اللي تبجح بالسحاب قذولها وسلام يا هوج الرياح اللي عطاها مستمر = مهما خذوا منها من الحسنات ما ردوا لها ليت الرحاب اللي لنا بوجيهها حق وقدر = ما تضمحل من الزمان ولا نشوف سمولها و ياليتنا لاما سرحنا اليوم الأبيض من فجر = تبطي عبات الليل ما تضفي عليه سدولها ولاّ ليامنها ضفن سدولها يطلع بدر = يا صل ضياه اللي على الكوره تطق طبولها المعتبر يآخذ على الدنيا دروس من العبر = والناس يكسبها معاملها بقد عقولها أحيان تصدف لعبة الشاطر مع غلطة عمر = مره .. لكن لا عدت الغلطة ما عاد ينولها حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها حتى الجمال اللي تحمّلها الهقاوي بالصبر = يالله بحملتها تقوم وتدّرج بحمولها والحب سيسان العبادة والعبادة بالجهر = ان ما قدرت تقولها وجه الصحيح يقولها يسرون عميان المحبة تيه في غدرا الغدر = للي تحد سيوفها واللي تعن خيولها ولا تفكر في غناة ولا تفكر في فقر = وتشفع لبيضان الصدور احضوضها وفعولها واهل التكلف بالمعرفة والتصنع بالبشر = والله ما هي حول الصحيح ولا الصحيح بحولها اللي يفضّل ما يقيم بو ميه من بو عشر = حتى الفضولية عن الفاضل بطل مفعلوها اللي تخبره لحيته ذا ..طولها يصبح بزر = واللي تخبره بزر يصبح لحيته ذا ..طولها

عزاللة انك جزل وماتجيب الا الجزلة